الالم يخرج السواد - رؤيا روحية ..

 

امبارح كنت بصلى وشوفت الرب واقف وحواليه نور مهول كأنه محاط بمجال من آلاف الشموس .. نور ما فيش زيه هنا .. نور ابيض بدرجة اكبر من الابيض ..

وشوفت ناس من بعيد رافضين الظلمة وحابيين اوى اضواء مجده النقى الممتع الشافى .. بدأوا يطلعوا من الظلمة بخجل وبإعياء ووجع .. كانوا كأنهم مش بيعرفوا لغة السماء .. كأنهم مش عارفين يتكلموا .. مذهولين وبس .. وكان لبسهم متقطع ومتبهدلين فعلا ..

عرفت من نظرته لهم انه بيحبهم اوى .. وعايزهم جدا جدا يشاركوه نوره ومجده ..

لكنهم كل ما كانوا بيقربوا منه كانت بتبان جواهم بقع سودة وحشة جداوطالعة من جواهم من جوة اعماقهم ..

العجيب ان فيه منهم قرر يقرب اكتر من الرب وفى اللحظة دى حصلت حاجة غريبة كانوا بيتألموا جدا جدا وبيبكوا وبيصوتوا لان المواد السودة دى كانت بتطلع من اجسامهم ..

بدأت افواهم تتكلم بدأوا يتشفوا واشكالهم تتغير .. بدأوا يبقى منورين وبدأوا يدخلوا فى مجال الانوار الرهيب اللى بيحيط بالرب ..

عرفت انهم بدأوا يتجهوا تماما للرب ..

واتقفلت الرؤية قدام عيون روحى ..

واول مرة ادرك فى روحى .. ان الالم اللى بنمر بيه .. بيخرج كل سواد من جوانا .. الرب بيجذبنا ومتألم لألمنا

لكنه يعلم ان دى الطريقة اللى بيها ها نقدر نقرب اكتر منه ونشاركه المجد ..

الالم احد الادوات اللى فى ايد الرب .. شكرا يارب لاننا محفوظين وسط الالم بسبب شفائك ومحبتك .. 🙏🙏