ذبيحة للشيطان .. !!

 الاشتراك فى ذبيحة للشيطان .. !! 😩😩

بقالى فترة بحاول اعرف شكل العبادة اللى ابليس بيمتلىء فيها بالرضى و بيشعر فيها انه إله ..

معظم المقالات والدراسات اللى قابلتها ..

اكدت ان ابليس بيحب مجموعة من الحاجات فى عبادته .. جوة كنائس الشيطان او جماعاته ..

والحاجات دى .. 👉👉

ذبيحة دموية من اجناس محددة بحسب هدف الطقوس ..

ذبيحة دموية بشرية .. اطفال او كبار بمواصفات محددة ..

تجريح واهانة لأجساد حية او ميتة ..

ممارسة الجنس بشكل جماعى عشوائي لعدد ضخم من البشر ..

الشذوذ بمختلف انواعه وممارساته ..

تجديف دائم على الله ..

التنكيل بالرموز والكتب التى تعلن عن الايمان المسيحى ..

استخدام كتب السحر وطقوسه ..

وحاجات تانية كتيرة .. !!

لكن فى حاجة وقفت قدامها وحسيت انى اتخبط على دماغى ..

وهى ان المبتدئين فى العبادة .. بيرضوا ابليس او بيبدأوا فى عبادته ..

فقط عن طريق مشاهدتهم لهذه المشاهد سواء ذبائح بتتقدم او جنس وعلاقات شاذة او تجديف على الله او تنكيل برموز او طقوس سحر .. !! مشاهدتهم فقط .. لأ بقى دى مصيبة فعلا وكارثة بجد .. 😩😩😞😞

وانا بفكر قولت لنفسى ايوة الكتاب بيقول ذابح الحمد يمجدنى .. ورفع يدى ذبيحة ..

يعنى وانا واقف مستمتع وسط العابدين الممتلئين بالرب .. او وانا لوحدى واقف قدام الرب ومستمتع بيه .. انا كدة بقدم ذبيحة .. ولما بستخدم جسدى برفع ايدى او بسجد انا كدة بقدم ذبيحة ..

وسألت نفسى سؤال .. ماذا لو ان ابليس خلى ناس تقدم ذبايح له من غير ما يعرفوا .. 😞😞😩😩

فعلا ؟؟!!! طب ازاى ؟؟

اقولك انا ..

متابعة مشاهد بتتعرض جوة ألعاب وافلام كرتون وحقيقية .. فيها سجود لتماثيل اصنام واشكالها هى اشكال آلهة اتعبددت على مدار التاريخ .. !!

متابعة مشاهد بيتعرض فيها جنس او اثارة جنسية .. سواء جوة ألعاب او افلام كرتون او افلام حقيقية ..

متابعة مشاهد فيها طقوس سحر او استخدام للسحر ..

ده نفس الطقس اللى مطالب بيه المبتدئين فى عبادة الشيطان .. 😭😭

وانا بفكر فى كدة .. افتكرت PubG وألعاب تانية كتيرة .. القتل والسجود للاصنام والحفلات الجماعية .. وسلسلة هارى بوتر ومئات الافلام والمسلسلات ..

حتى العربية ذى ساحرة الجنوب وعفاريت عدلى علام .. مسلسلات كتيرة ظهر فيها بكثافة السحر وقراءة الفنجان والطالع والابراج ..

والخيانات المتعددة .. زى العشق الممنوع ومئات المسلسلات اللى الناس بيتابعوها ..

الموضوع خطير فعلا .. وممكن تكون بتقدم حواس ليك للشيطان مش للرب .. ولذلك بتبقى مستنزف دايما ومتقيد وبعيد عن الرب ومش عارف تقرا كتابك وحاسس بمشاعر غم او نجاسة .. كل دى اعراض للمرض ده .. الاشتراك فى ذبيحة للشيطان .. !!

دى كدة قشرة الموضوع لانه يشكل الجسد والنفس والروح .. ودى لعبة ابليس .. امتلاك الكل وإهلاك الكل ..

يارب بصلى ان عيون اللى طالبين وجهك تنفتح وتسقط قيودهم امام حقك ..

بصلى ان اجيال كتيرة تمتلىء بيك وتغلب الشيطان .. فى اسم يسوع .. 🙏🙏