اعراض القيود ..

 من خلال حياتى البسيطة مع الرب وخدمتى .. اكتشفت ان من اكتر اعراض القيود اللى بسبب الظلمة .. انها بتاخد البشر لحالة تشبه حالة ابليس فى السماء قرب سقوطه ..

- تقوى ظاهرية .. بيكونوا منفصلين عن الله لكنهم مش قايلين كدة لا للرب ولا للمحيطين بيهم .. قاعدين عادى فى اجواء العبادة لكن قلبهم فى حتة تانية خالص ومقررين انهم فى اى فرصة متاحة ها يهربوا من محضر الرب ..

- ضعف ادراكهم لقيمة محضر الرب .. او التواجد امامه وامام حقه .. بدأت بشكل واضح تظهر عليهم اعراض اللامبالاة للالتصاق بالرب .. يعنى عادى لما ما يصلوش عادى لما ما يقروش فى كلمة الله ..

- تظهر عليهم اعراض الموت الروحى .. لكنهم يسرعوا بكتمها .. تظهر نجاسة ويسرعوا فى تخبأتها .. نجاسة قلب او توجهات او كلمات من القلب على اللسان .. او حواس تعمل فى اتجاه البحث عن مسارات خارج قوانين قداسة الله ..

- الاستهانة بأى كلمات حق او صلوات او اعلانات من عرش الرب .. يمكنها ان ترجعهم للعبادة الحقيقية والتراجع عن قبول الشر ..

- قلبهم المخدوع يجيد ايجاد اعذار .. زى ان الله بيحدنى .. او هو سيد قاسى .. او الرب مش عايز حد يعرف الخير والشر زيه .. اعراض قلب بدأ يبقى اعمى وتايه ..

- تراخى عن التراجع .. مش بياخدوا اجراء اعلان واضح للرب او لجوء له .. ان عندهم مشكلة .. لأ بيكابروا ويعاندوا وممكن يهاجموا او يتهكموا على اى رسايل بتاخدهم للرب ..

اللى شايف الكلام ده بيمثله .. عايز اقولك لا تقبل هذا الوضع لانه بداية الظلام الدامس الابدى .. اجرى على الرب واستعين بخدام امناء يساعدوك على التواجد امام الرب ونوال الشفاء .. وشكرا ..