هل ممكن التحرر من قيود بسبب رفقة روح من مملكة الظلمة ؟!

 

القيود انواع كتيرة اوى اوى ..

لكن فى نوع منهم .. بيبقى بسبب رفقة روح من مملكة الظلمة ..

الروح ده بيعمل بشكل دائم على دعم النوع ده من القيود وتقويته حوالين ذهن او مشاعر او نمط حياة حد ..

هو بيعمل بنشاط في داخل الدواير المتكررة .. علشان يحبس كل واحد جواها فى صمت وهزيمة وندم وخوف ووجع مع نفسه .. ويذله ويستنزفه بهدوء ..

وهو احد الاسباب الممكنة .. وراء احداث كتيرة .. ممكن ما يكونش الناس بيشاركوا بيها حد ..

زى الالم داخل ذكريات موجعة او بتزداد وجعا ..

زى العادة السرية والاستمرار فيها بشكل قهرى ..

زى موجات غضب وهياج عصبى او انهيار نفسى شديد ..

زى الخيانات الزوجية فى اتفه واقذر علاقات وقتية او مستمرة فى الظلام ..

هنا ها يجى حد .. يقولى يعنى انت كدة خليت كله شيطانى ما فيش علم نفس خالص .. ها رد وها قول انا ما قولتش كدة ولم اشمل الكل .. لكنى قصدت الجزء ..

وحد تانى ها يقولى .. الكلام ده برة الكنيسة وما لهوش دعوة للمؤمنين دول محميين .. ها قوله ربنا معاك وكمل فى اللى انت شايفه .. لكن مين هما المؤمنين بالنسبة للعالم الروحى .. وايه هى الحماية نفسها .. ولأ فى مؤمنين فى كنايس .. عندهم اللى انا بتكلم عنه وهما عارفين ان اللى بقوله صح .. وانت نفسك حاولت فى حاجات ومازلت بتفشل .. فبص على الموضوع من زاويتى لو حابب تلاقى حلول ..

اللى انا اختبرته مع الرب .. ان الارواح دى شديدة المرافقة للناس دول وبتهلكهم وبتستنزفهم تماما فى صمت ..

ومهما صاموا او صلوا او تعبدوا .. بتهاجمهم بشراسة .. وكأنه كل اللى عملوه قدام الرب ولا له اى لازمة !!

وهما نفسهم بييأسوا وبيحسوا ان ده كأنه مصيرهم الملوث المحزن المنفصل عن الرب ..

الحقيقة هو مش كدة .. ده هما موجودين .. ولازم يتم انتهارهم وطردهم بإسم المسيح .. وبشكل واضح هادف مش تجريبى وخلاص .. بسلطان وهدفه الحرب ضدهم وطردهم ..

وساعتها يا بيظهروا بشكل واضح يحاربوا .. يا بيهربوا فى صمت والشخص بيميز كدة فى ساعتها ..

الكلام ده .. للتفكير فيه .. والبحث فيه ..

انا مش شخص مروحن الامور .. اشكرا الله انا شخص متعلم بنسبة كويسة وباحث بشكل معقول .. ولكن بحثى ثبت لى ان دى حقائق ..

وللجميع حرية البحث .. او النقاش .. وشكرا ..