مكان شرير - رؤيا روحية ..

 من شوية كنت بصلى ..🙇

وشوفت فى روحى .. مكان كأنه تحت الارض او مستخبى تماما عن عيون ومعرفة البشر ..

والمكان ده كان عبارة عن طرقة طويلة اوى اوى تشبه طرقات المستشفيات والاماكن الادارية .. لكنها كانت طرقة ضيقة خالص تعدى بالعافية فردين ..

شوفتها عاملة زى الانفاق او الكهوف ..وشوفت فى اخرها روح شرير كأنه مارد واقف حاطط ايده على جانبيها .. كان حجمه ضخم جدا وكان شاحب زى الغيوم كأنه موت .. وكل مدخل جانبى لغرف الطرقة دى .. كان واقف عليه جندى شيطانى ماسك حربة واقف للحراسة ..

وفى نفس اللحظة .. شوفت معالم المكان بدأت تبقى فى عالمنا .. نفس الطرقة والغرف .. لكن المرة دى .. ناس بملابس رسمية بيتحركوا بملفات كتيرة رايحين وجايين وطالعين وداخلين ..

وجوة الغرف دى .. شوفت ناس لابسه بالطو ابيض .. معاهم تجارب مشغولين بيها ليل ونهار .. وقاعدين يسجلوا بيانات وحسابات .. وقدامهم حبوانات واعضاء بشرية ..

وفجأة لاقيت نفسى شايف المكان من فوق .. المكان بوضوح شكله شكل العقرب بذيله الملتوى ..

رحت ابص على العقرب .. لاقيته رمز الموت .. ورمز الابراج الفلكية اللى كانوا بيعتقدوا ان فى قوة روحية بتتحكم من خلالها فى مصائر البشر .. لاقيت حاجات كتير اوى ..

خرجت من الرؤية .. وانا بصلى يارب اولادك وبناتك لا تسرى عليهم تدابير الموت والظلام .. لا يكونوا عبيد للموت الذى يسود العالم .. بل تنقذهم ذراعك التى ترى مخططات الظلام ..

نعم الظلمة لا تظلم لديك .. انت ترى الظلمة كما النور ..

نحن لا نعلم ماذا نفعل .. لكن نحوك اعيننا .. وانت ستبقى امينا لن تنكر نفسك لطالبيك يارب ..

خلص خلص بذراعك .. نعم انت اعنت من لا قوة له .. لن ننطرح لانك تبقى عاضدا لنا .. نعم تحفظنا فى ازمنة الضيق وتخرجنا الى الرحب بمراحمك التى لا تزول امين .. 🙏🙏🙇🙇