لعبة ام مذبح ؟؟

 لعبة مريم ولعبة الحوت الازرق ألعاب إلكترونية تقتل البشر ؟؟!!! 🤔

لعبة ام مذبح ؟؟ 🤔

بقالى فترة بدرس فى بوابات عالم الظلمة على عالم البشر ..

الثورة التكنولوجية اللى بتحصل ومنها البرامج والالعاب وتتابع تطور تكنولوجيا الهواتف والاجهزة الذكية .. خلت البشر غير مميزين لتواجد مملكة الظلمة على هذه الساحة أيضا ..

وتحولت الظلمة عند البعض لجزء من قصص الكتاب المقدس وغير متواجدة حاليا وده طبعا نتيجة عمل إله هذا الدهر ابليس الذى يسبب عمى فى اذهان من لم يؤمنوا بهدف الرب لإنقاذ البشر وخلاصه المستعلن لهم فى المسيح ..

اولا ايه قصة اللعبتين دول او غيرهم من الالعاب والبرامج والمواقع ..

اللعبتين دول واحدة سعودية المنشأ والثانية بريطانية المنشأ .. اللعبتين تسببوا فى حالات انتحار لأطفال فى العالمين العربى والاجنبى .. انتحار من فوق سطوح او شنق او اى طريقة تانية للانتحار .. والكلام ده اثر على فئات عمرية كتيرة من ١٠ الى ١٥ سنة .. لدرجة ان فيه دول بدأت تنشر وعى عام بمراقبة الابناء بشكل مستمر .. !!

وانا بدور فى قصص الالعاب دى ..لاقيت مظاهر ابليس واضحة جدا هناك .. الالعاب مليانة ب ظلمة وموسيقى مرعبة للكيان مزعجة للنفس والجسد ومقيدة للروح .. وفيها شخصيات إلكترونية غريبة الطباع واللغة وكأنهم من عالم اخر .. وبيسألوا اسئلة تسبب الخوف وبيحاولوا يوصلوا لمعلومات شخصية جدا ..

كمان بيطلبوا اظهار ولاء لهم بشكل مستمر من جهة اللاعبين عن طريق تنفيذ طلب اصعب وفيه مجازفة .. ومنها اللى اتطلب نقش ارقام او رموز بأداة حادة على الجسد وتصويرها واعادة ارسالها للعبة .. ليتم تقييم درجة ولاء اللاعب للترقية لمستوى اكبر .. او ايقاظ الطفل بطريقة مزعجة فى مناصف الليل لتنفيذ مهمة معينة .. !!

حتى يصل الى مستويات متقدمة فى اللعبة .. وتطلب منه اللعبة الانتحار او المخاطرة حتى الانتحار .. !!

واذا حاول الخروج من اللعبة .. يتم ارسال رسايل تهديد بقتله او ايذاء عائلته .. نتيجة انه ساب معلومات شخصية جدا فى المستويات الاولى ..

ولو حاول مسح اللعبة .. بترجع تنزل تانى على جهازه بمجرد مسحها .. وكمان بتصدر اصوات واضواء مزعجة من الجهاز الالكترونى فى اى وقت .. لدرجة ان الاطفال حسوا انها امتلكتهم .. وان فى فعلا عالم مظلم فيها ..

وانا بدرس فى القصص دى .. افتكرت كمان مواقع كتيرة وبرامج اكتر تشبه اللعبتين دول ..

ولاقيت جوايا كلمة الذبيحة .. !! 👉👉

ذبيحة ازاى ؟؟

زمان علشان تدخل فى عهد مع شخص او إله .. كان لازم تقدم ذبيحة .. دموية زى الحيوانات .. وتعبر عن شىءمن خصوصيتك وغالى عندك وبتقدمه لحليفك فى العهد سواء انسان او إله ..

وبعد كدة بدأنا نشوف آلهة الامم من صناعة ابليس .. وبدأت الالهة دى تطلب حاجات متنوعة .. دم حيوانى او بشرى او امور فيها تعبير عن الولاء زى اجازة البنين فى النار او ممارسة الجنس بشكل غير اخلاقى وفيه اهانة تامة للجسد سواء للرجل او للمرأة .. !!

وانا بفكر قولت لنفسى .. الذبيحة لن تزيد قوة حليفك .. لكنها ستتيح له سلطان اكبر فى حياتك .. لانها بتأكد انك موافق على كدة .. يعنى بتتيح له مساحة اكبر لإظهار قوته ..

وده وهم السحرة بيفتكروا ان كثرة الذبائح والطقوس ترفع من قوة إلههم .. الرد لا طبعا هى بتبعت قضيتهم لرتبة شيطانية اعلى او بتتيح للرتبة الشيطانية اظهار قوتها بشكل اوضح ..

المهم .. سألت نفسى .. طيب السحرة وكهنة ابليس فى الارض لكن ثقافات الناس اختلفت فيه ناس بعيد خالص عن ثقافة السحر .. ابليس ها يسيبهم ..؟؟؟ لا طبعا مستحيل يسيبهم ..

ها يصنع لهم ألعاب وحاجات واماكن لذيذة .. هناك ها يقدموا اغلى ما عندهم وها يكونوا برضه فى عهد كدة معاه .. وها يفنيهم زى كأنهم طلبوا سحر او عرافة بالظبط ..

التمرد على قوانين الرب وحقه الواضحة .. يساوى خطية العرافة .. يعنى كأنهم دخلوا لعرافة لمملكة ابليس .. 🤔

علشان كدة مصير الاطفال دى والمستخدمين دول .. هو التدمير النفسى والجسدى او الانتحار .. ودى رموز او بوابات لفقد الحياة الابدية فى داخل الموت والهلاك الابدى ..

بصلى نفضح الظلام لان ده دورنا .. ايوة الرب يحرر امم لسة منتظرينه فى اسم يسوع .. امين ..