حماية من الالسنة الشريرة - صلاة ..

 اكبر مصيبة .. ان البشر بيربطوا مستوى راحتهم ورفاهيتهم .. برضا الرب عليهم او بعدم وجود حرب روحية موجهة لإهلاكهم .. !! 🤔😭

طيب خلينى اسيب مثال .. وهو سليمان الملك .. 📖

الملوك الاول ١١ : ٣

وَكَانَتْ لَهُ سَبْعُ مِئَةٍ مِنَ النِّسَاءِ السَّيِّدَاتِ، وَثَلاَثُ مِئَةٍ مِنَ السَّرَارِيِّ، فَأَمَالَتْ نِسَاؤُهُ قَلْبَهُ.

من كثرة الخير اللى عنده .. طمع انه يوسع علاقته الاستراتيجية مع دول مجاورة كتير .. بزيجات خارج شريعة الرب .. !! تزوج من بنات ملوك دول وثنية تعبد آلهة ظلام .. !! فأمالت النساء المظلمة قلبه وادخلوا من خلاله الاوثان الى اسرائيل ..و سببوا نجاسة فى إسرائيل .. وراح هو يلف معاهم على طقوس آلهتهم .. وانشقت مملكته من بعده .. !! 😭

التثنية ٢٨ : ٤٧

مِنْ أَجْلِ أَنَّكَ لَمْ تَعْبُدِ الرَّبَّ إِلهَكَ بِفَرَحٍ وَبِطِيبَةِ قَلْبٍ .. لِكَثْرَةِ كُلِّ شَيْءٍ.

لان عندهم كثرة ووفرة فى كل شىء .. ومش المشكلة فى الخير ده .. لا المشكلة انهم ما بقوش بيعيشوا للرب وما بقوش منتبهين لوجود حرب قادمة ..

ايه اللى ها يحصل .. ؟؟ 👇

٤٨تُسْتَعْبَدُ لأَعْدَائِكَ الَّذِينَ يُرْسِلُهُمُ الرَّبُّ عَلَيْكَ فِي جُوعٍ وَعَطَشٍ وَعُرْيٍ وَعَوَزِ كُلِّ شَيْءٍ. فَيَجْعَلُ نِيرَ حَدِيدٍ عَلَى عُنُقِكَ حَتَّى يُهْلِكَكَ.

وبس كدة ؟؟؟ لا ده فى ايات تانية ومصايب اكبر .. لان ده اصحاح ٢٨ .. المختص باللعنة والبركة كجزء من قضاء الرب .. وما تخليش حد يوهمك بإن ما فيش دور عليك .. والمسيح ألغى اللعنة وخلاص كدة انت تمام ..

لا .. المسيح هو صورة الرب الظاهرة للبشر لخلاصهم .. ومش ها يلغى كلام وحكم خرج من فمه .. لمجرد انك شخص مش بتسلك بلياقة ولا خاضع له بس يا دوبك قولت انا مسيحى وبحضر فى الكنيسة وبدفع عشورى او انا خادم او دارس لكلمة الرب حتى لو مش بعمل بيها .. لا اسف .. دى استهانة بنعمة الرب ولطفه وامهاله .. فخلى بالك .. وده لمصلحتك .. !!

ليه بقول الكلام ده ؟؟ علشان الوقت ضيق قدام ناس كتير .. فتوبوا وارجعوا لتمحى خطاياكم وتأتى اوقات الفرج من عند الرب .. امين 🙏 🙏 ..