حماية من الالسنة الشريرة - صلاة ..

 النهاردة ها كون بصلى علشان ملوك ورؤساء دول العالم .. 🙇🌐

زمان فى الامم الوثنية لما كان ملك بيمسك الحكم .. كان علشان يثبت قدام اعدائه ويبقى مخيف ومرعب .. كان بيجمع كهنة الالهة .. علشان يجهزوا له طقوس الالهة طرق سحر مختلفة .. علشان يبقى مش انسان .. وقلبه البشرى ينتهى ويتحول الى إله خالد .. وده فى تصورهم يعنى وقتها .. !!

او كان بيقوم بأعمال شر وعنف وقتل واهانة لمقدسات عند الشعب بشكل مبالغ فيه .. او بيشيع عن نفسه انه بلا قلب .. !! يعنى ليس لديه قلب كالبشر يعنى لا يمكن ان يموت او يتعرض لقتل .. !!

وفيه منهم اللى كان بيتزوج اعلى كاهنات الالهة اللى بترمز للخصوبة علشان يبقى دخل فى دائرة الالهة .. واولاده يبقوا آلهة بلا قلوب كالبشر .. !!

المهم القصة لها جذور اعمق من كدة .. لكنها بتتلخص حول ملك بلا قلب بشر يساوى إله .. !!

كانت الشعوب بتترعب من ملوكها .. لانهم كانوا عارفين ان ملوكهم ليسوا كالبشر .. ولا يخضعوا لأحد .. 👉

لغاية لما بدأنا نشوف فى قصة ابراهيم ثم يوسف ثم موسى .. ان الملوك والحكام بيخضعوا و بيخشوا قدام الاله الحقيقى .. الرب الاله الكائن بقدرته من الازل والى الابد .. 📖📖

والرب من خلال انبيائه كلهم اكد على هذه الحقيقة .. لا توجد ملوك بلا قلوب بشرية ..ولا توجد قلوب لا يستطيع ان يخضعها بقوته .. هلليلويا .. تحطمت كذبة ابليس .. لن يكون البشر آلهة من خلاله ابدا ابدا ابدا ..

امثال ٢١ : ١ " قَلْبُ ٱلْمَلِكِ فِي يَدِ ٱلرَّبِّ كَجَدَاوِلِ مِيَاهٍ، حَيْثُمَا شَاءَ يُمِيلُهُ. "

الخروج ١٠ : ١

ثُمَّ قَالَ الرَّبُّ لِمُوسَى: "ادْخُلْ إِلَى فِرْعَوْنَ، فَإِنِّي أَغْلَظْتُ قَلْبَهُ وَقُلُوبَ عَبِيدِهِ لِكَيْ أَصْنَعَ آيَاتِي هذِهِ بَيْنَهُمْ.

المزامير ٣٣ : ١٥

الْمُصَوِّرُ قُلُوبَهُمْ جَمِيعًا، الْمُنْتَبِهُ إِلَى كُلِّ أَعْمَالِهِمْ.

الامثال ١٥ : ١١

اَلْهَاوِيَةُ وَالْهَلاَكُ أَمَامَ الرَّبِّ. كَمْ بِالْحَرِيِّ قُلُوبُ بَنِي آدَمَ!

إرميا ٤ : ٩

وَيَكُونُ فِي ذلِكَ الْيَوْمِ، يَقُولُ الرَّبُّ، أَنَّ قَلْبَ الْمَلِكِ يُعْدَمُ، وَقُلُوبَ الرُّؤَسَاءِ. وَتَتَحَيَّرُ الْكَهَنَةُ وَتَتَعَجَّبُ الأَنْبِيَاءُ".

النهاردة .. ها كون بصلى فى الاتجاه ده .. 👉👉

إلهنا العظيم المهوب المبارك .. يا من لك السلطان فى كل السموات والارض وما تحت الارض ..

بنعلن سيادتك على قلوب الملوك والرؤوساء فى هذا العالم .. بنعلن ان ختام الازمنة واحداث الارض الحالية والقادمة .. هى فى يدك انت وحدك ..

اولادك وبناتك يعيشون فى هذه الارض ويكونون ممتلئين بالقوة والسلطان الذى لك ايها الرب ... ليعبدوك انت وحدك ويطلقوا بركاتك على الارض ..

قد يجمع الشيطان بنيه ليصنعوا حروباً ودماراً .. لكن اشكرك يارب لانك تبقى كنيستك فى اعالتك وحمايتك دائما فى كل مناطق العالم ..

نعم تدابير فرعون وناحاش ونبوخذنصر وبيلاطس وهيرودس واى اسم اخر تحت السماوات .. لن تنجح فى اجهاض اعمالك وسلطانك وتدابيرك لشعبك ..

بعلن ان اسمك وسلطانك فوق كل اسم وسلطان .. ليس فى هذا الدهر فقط بل فى الدهور الاتية ايضا والى الابد ..

شكرا لانك إله وهم بشر .. تخضعهم كما تخضع كل الكون .. وانت إله عادل الى الابد وكرسيك مثبت بالحق .. نعم تحكم لنا وتنصفنا دائما وتبارك دول وشعوب من خلالنا .. امين 🙏