قوة الرب في اعماقنا ستهزم اعمال ابليس - رؤيا روحية ..

 

من فترة كنت بصلى .. 🙇

وشوفت فى روحى مشهد غريب خالص ..

مجموعة من البشر ماشيين فى طريق .. شوفتهم من ظهرهم .. بشر عاديين رجال ونساء واطفال ..

وشوفت كائن روحى مظلم من بعيد خالص .. جيه وقف قدامهم .. ونفخ انفاس قوية جدا جدا ..

وصلت انفاسه لهم .. ولاقيتهم بدأوا يتحولوا لوحوش انياب ومخالب وملامح وجه وجسد مختلفة .. منظر مفزع .. وكأن انفاس الكائن ده ليها سلطان عليهم ..وهما ما عرفوش يقاوموها ..

لكنى شوفت مشهد اقوى .. شوفت مجموعة كانوا مؤمنين .. ووصلهم الانفاس دى .. وبدأت تظهر عليهم تغيرات فى شكلهم .. بدأوا يتشوهوا ويبقوا وحوش ..

لكن ما كملوش وحوش .. فى قوة زى النور الهائل كأنه ملايين الشموس خرجت من بطنهم الى باقى كيانهم ..وقاومت ملامح التشوه ..ورجعت شكلهم لبشر جمال زى ما كانوا بالظبط .. وكملوا وسط ضجيج من بشر بيصرخوا ومتحولين لشكل وحوش ..

ولم يقترب منهم احد وكأنهم فى مجال حماية مختلف تماما ..

النهاردة الصبح وانا بصلى .. شوفت مذابح للرب .. بقرون المذبح على الزوايا ..

وجيه كائن مظلم بغيظ رمى تراب على المذابح دى لان كان عليها نار متقدة .. شوفت مذابح انطفأت نارها من التراب ده ..

لكن تانى شوفت نفس المشهد المجيد .. قوة من باطن المذابح دى .. اخرجت نار لم تنطفىء او تتأثر بتراب الظلام ..

علشان كدة كتبت المشهدين مع بعض .. ابليس ها يسعى يشوه ويدمر ويطفى حياة ناس كتير .. لكن اولاد وبنات الرب اللى مليانين فعلا بالرب .. ها يحفظهم الرب وها يكون شفاءهم ونورهم ونارهم التى لا تنطفىء الى الابد امين ..

انه وقت كشف الاقنعة .. ومن له الرب سيثبت فقط الى المنتهى .. ومن لم يعيش للرب ستبتلعه انفاس وتراب الظلام .. ولن ينجو من هلاك قلبه ..امين .. 🙏🙏🙇🙇