حماية من الالسنة الشريرة - صلاة ..

  فترة كنت بصلى .. 🙇

وشوفت مشهد غريب .. شوفت انسان مأسور جوة مملكة الظلام ..

كان شكل المكان مرعب .. قصر من كهوف وصخور .. سقف المكان فيه ارواح بتبص بحقد من بين الصخور .. واصوات شبه صوت الثعابين ..

ومياه مليانة سواد معتم رهيب .. كأنها مياه ممتلئة موت وسموم ..

واخر المكان شوفت سلم ضخم مليان رؤوس ثعابين .. وعلى قمته كرسى حكم .. ووقف قدامه كائن غريب مليان رتب ونياشين .. كانه ملك من ملوك الظلام .. شكله شبه وحش ووقفته وقفة انسان ..

وقام بغض وغيظ رهيب .. وشاور بإيده وصوته كأنه موت .. صوت مدمر وغريب ومخيف وفيه سلطان مظلم جدا ..

ولاقيت جندى عملاق زى المارد .. امر بإحضار الشخص المتقيد ده .. ومسك الجندى المارد ده فى ايده .. اداة تشبه " القاطعة " اللى شبه الفاس .. اللى زمان كانوا بيقطعوا بيها الرؤوس ..

والجنود الباقيين مسكوا الشخص ده علشان يحطوه على صخرة وخلاص القاطعة ها تفصل رأسه عن رقبته ..

شوفته يائس تماما .. لكنه خفض راسه للارض وكأنه بيندم وهو فى اخر لحظة فى حياته .. ميزت فى روحى قلبه وهو بيتعصر بهدوء وبيتوب وبيتمنى لو فيه لحظة زيادة ..

واثناء ما القاطعة بتنزل على رقبته .. شوفت قوة رهيبة فتتها ودمرتها باقيت كأنها تراب طاير ..

والجندى المارد صرخ صرخة ألم رهيب والملك المظلم صرخ بعويل وضجيج رهيب جدا جدا خلى المكان يهتز .. وكأنهم مش مصدقين اللى حصل ..

والرب قالى ان سلطانه يوصل جوة اقوى مناطق الظلام ويحرر هناك .. ويبطل سلطان ابليس وملوكه جوة مملكته نفسها .. لان الرب عادل فى كل طرقى ..

وهنا اتقفلت الرؤية قدام عيون روحى ..

ودى من اكتر الرؤى اللى شوفت فيها اعلان مطلق لسلطان الرب ..

امين انا مصدق يارب .. ان فى ناس مأسورين لسنين هناك .. وانت بعظمة جلالك بتعلن ان فيه افتقاد لهم .. لانك عادل وامانتك وحقك الى الابد .. لا يموتوا بل يحيوا فيك للابد .. الجالسون هناك فى وادى ظل الموت .. فى عتاد الموتى .. تشرق عليهم بنور خلاصك .. هلليلويا 💪👏

نعم اسمك وسلطانك تبطل اسمائهم وسلطانهم الى ابد الابدين .. امين 🙏🙏