الموكب الملكي ..

 بخصوص حدث الموكب الملكى .. لنقل مومياوات فراعنة مصر .. 🤔 

 

اولا : انا كمواطن مصرى كامل ولائى لبلدى بنسبة ١٠٠ ٪ واللى يعرفنى عن قرب عارف كدة كويس .. ولذلك انا فعلا مستمتع بكل اتساع سياحى او تنموى وده واضح جدا وبيعكس حكمة وامانة رئيس وقادة مصر .. ودايما بصلى من جهتهم لان ده ضرورى جدا جدا ..

ثانيا : لكن ده لا يمنع ان فيه مبادىء كتابية واضحة لا يمكننى التغاضى عنها .. ودرايتى بيها اكيد جدا جدا بتسبب بركة للبلد وحماية ونمو ..

وانا مش بشوف رجال الرب وبناته الحقيقيين كأنهم مستخبيين وخلاص واللى يحصل يحصل .. لا خالص .. ايمانى ان ها يجيى وقت اولاد الرب ها يكونوا مرجعية لحكام وملوك .. لان ده الثابت فى ملكوت الرب ..

ولذلك هاعلن انطباعات روحية عندى عن الحدث ..

- توجد إدارة فى مملكة الظلام تهتم بالتجمعات البشرية الصغيرة والكبيرة لتستغلها كمنصة لدعم اكبر لظهور تأثيراتها ومشاعرها فى محيط العالم ماديا وزمنيا ..

- وده يوضح دور رجال الرب وبناته فى انهم بيتحدوا فى العالم الروحى لإعلان سيادة الرب وابطال اى مخططات من الظلمة .. وعلى فكرة ده لصالح مصر جدا جدا جدا ..

- زمان كانت الالهة المصرية لها سيادة واضحة على كل الشعب هل كان البشر بيعملوا كدة من فراغ .. الاجابة لا طبعا .. دول فعلا كانوا بيلاقوا استجابات لعبادتهم للالهة دى سواء انتصار فى حروب او قهر لعبيدهم او قوة للنيل او حماية لملوك او او او .. لكن ده بيفلح ضد شعوب وثنية زيهم .. لكن لما موسى جيه لهم بتكليف من الرب .. ابطل قوة آلهتهم المظلمة وده ظهر فى كل الضربات العشرة ..

لكن ده لا يمنع ان الالهة دى كانت متأصلة فى ارض وزمان مصر ..

ولذلك كان خطر جدا ان يتم الهتاف جماعيا ل أقوى آلهة مصر وهى ايزيس .. لان كدة ده ممكن يمنح لها تفويض للعمل فى زمان ومكان مصر الحاليين .. وده ممكن يأثر على واقع مصر ونموها وسلامها وحاجات كتير ..

- تلاوات من كتاب الموتى ونصوص الاهرام ترنيمة المهابة لإيزيس .. مع العلم انها كتب فى ثقافة الفراعنة تحمل قوة روحية وبها تعاويذ وامكانية انشاء بوابات سحر .. ويتم إلقاء جمل منها بنفس طريقة إلقاء كهنتها من ٢٠٠٠ سنة وبنفس اللغة .. ده تراث وحضارة اكيد .. لكن برضه لازم ها يكون له تأثيرات روحية ثم مادية زمنية ..

- الرموز اللى تم وضعها على بروفيل ناس كتير .. دى تعتبر رموز لها مرجعية روحية مباشرة بآلهة مصر .. ربما انشغال البعض بقيمة الحدث خلاه غير مدرك لكدة .. لكن ده لا يمنع ان فيه طرق كتيرة للسحر قائمة فقط على رموز وتلاوات وطقوس .. فخلوا بالكم ..

- طلبنا من الناس الاستمتاع بالحدث وبقيمته واعلاء قيمة بلدنا مصر .. لكن عدم سماع المنشودة او وضع رموز .. واعلان سيادة الرب على حياتهم .. فإستهتروا بكلامنا وكأننا رجعيبن ومتخلفين .. لكننا بنقول لكم إلجأوا للرب .. وتبقى مصيبة لو انتم شايفين اللجوء للرب محتاج اقناع او تكرار طلب من جهتنا ..

- الحدث كان متزامن مع عيد الفصح عالميا حيث خلاص الرب المعلن فى ذبيحته العظمى شخص المسيح .. والحدثين اتزاعوا عالميا .. وده يلفت نظرنا ان فى زمن ومكان العالم دايما فيه صراعات روحية بين مملكة النور والظلام .. والهدف حياة الساكنين على الارض .. !!

- بخصوص الناس اللى لهم قامات او متابعين .. وقالوا ده حدث عادى وما تمشوش ورا المتدروشين او المتروحنين او اى وصف .. اسألكم سؤال هل كنتم ها تخسروا حاجة لما تعلنوا سيادة الرب وتشاركوا الناس ان اللجوء للرب كنزهم وحصنهم الدائم .. ولا دى مش لغتكم او عيب تقولوا كدة .. او ده مش ها يمجد ذاتكم اللى واخدة الاتجاه المضاد ومرتاحة فيه ؟؟ هل تعرفوا تشيلوا مسئولية ناس ممكن يتكعبلوا لو ما كانش عندهم وعى بدورهم وبالحروب الروحية ؟؟ !!

فين مملكة الظلمة بالنسبة لكم .. انتهت عند المسيح اللى كان فى حرب دائمة ضدهم لغاية الصليب ؟؟ ولا انتهت بعد اعمال الرسل .. خلاص لا توجد اى انظمة روحية تحارب ملكوت الرب ؟؟

الظلمة قاعدة مثلا فى الازمنة الحالية بتاخد ريست او فى منتجع مع نفسها .. وكل احداث الارض مش فارقة معاها .. امال ايه الخراب والفيروسات والحروب والشذوذ والاجهاض جايين لوحدهم مثلا ؟؟

- بصلى ان تكون عيون الكنيسة جسد الرب مش المبانى .. مفتوحة اوى .. علشان ده دورنا الحالى نبارك بلادنا والعالم ونكون سبب سلام وتحرير لملايين بسبب الرب اللى فينا بيملك .. امين 🙏🙏

- فى النهاية عايز اسيب معاكم كل لينكات مشاركاتى عن الأحداث دى .. وكتبتها بشكل متزن مش مزعج لان ده ما كانش وقت الصراع لان البلد فرحانة .. وانا كمان فرحان زيهم .. وشكرا .. 🙏🙏

رؤية روحية قبل الحدث ..

https://m.facebook.com/story.php?story_fbid=495936361788502&id=100041164268395

معلومات هامة عن رموز روحية داخل الحدث ..

https://m.facebook.com/story.php?story_fbid=496516638397141&id=100041164268395

https://m.facebook.com/story.php?story_fbid=497097205005751&id=100041164268395

تأثير التجمعات البشرية على العالم الروحى ..

https://m.facebook.com/story.php?story_fbid=496231068425698&id=100041164268395

https://m.facebook.com/story.php?story_fbid=496811398367665&id=100041164268395

تزامن الحدث مع عيد الفصح ..

https://m.facebook.com/story.php?story_fbid=496576961724442&id=100041164268395

خطورة اهمال توجيهات من الرب بسبب منطق العقل ..

https://m.facebook.com/story.php?story_fbid=497108228337982&id=100041164268395

الرموز اللى تم اعلانها على صفحات شخصية فى الفيس اثناء الحدث ..

https://m.facebook.com/story.php?story_fbid=498792971502841&id=100041164268395

التحنيط طب ام سحر ؟؟

https://m.facebook.com/story.php?story_fbid=501795514535920&id=100041164268395

https://m.facebook.com/story.php?story_fbid=502336351148503&id=100041164268395