حماية من الالسنة الشريرة - صلاة ..

 النهاردة ها كون بصلى علشان الجيش المصرى .. 🇪🇬

فى اللحظة اللى احنا ماسكين فيها اجهزتنا وبنتصفح على النت .. هى نفس اللحظة اللى فيها عشرات من رجالة البلد دى بيموتوا فى معارك مستمرة .. علشان كل حد فينا يعبد و ينام مرتاح وياكل ويشرب ويخرج ويشتغل ويحلم ويتفسح ويخطط لمستقبله ..

سبب صلاتى هو ادراكى ل دورى ودور رجال وبنات الرب فى حرب تانية فى ظهر جيش بلدنا .. وهى الحرب الروحية .. 📖👉

بفتكر كلمات أليشع النبى وهو شايف ايليا النبى بيغادر فى المركبة الروحية التى من نار ..

الملوك الثانى ٢ : ١٢ 📖 👉

وَكَانَ أَلِيشَعُ يَرَى وَهُوَ يَصْرُخُ: "يَا أَبِي، يَا أَبِي، مَرْكَبَةَ إِسْرَائِيلَ وَفُرْسَانَهَا". وَلَمْ يَرَهُ بَعْدُ، فَأَمْسَكَ ثِيَابَهُ وَمَزَّقَهَا قِطْعَتَيْنِ

وكمان كلمات يوآش ملك اسرائيل فى لحظة موت أليشع النبى ..

الملوك الثانى ١٣ : ١٤ 📖👉

وَمَرِضَ أَلِيشَعُ مَرَضَهُ الَّذِي مَاتَ بِهِ، فَنَزَلَ إِلَيْهِ يُوآشُ مَلِكُ إِسْرَائِيلَ، وَبَكَى عَلَى وَجْهِهِ وَقَالَ: "يَا أَبِي، يَا أَبِي، يَا مَرْكَبَةَ إِسْرَائِيلَ وَفُرْسَانَهَا".

الناس دول كانوا مدركين اوى اوى .. ل دور رجال الرب .. لانهم رجال من نفس خامة موسى النبى بيرفعوا ايديهم ويعلنوا مجد الرب فى المعارك علشان كدة بيتم الانتصار على عماليق .. هما فعلا رجال حرب من خامة روحية ومعمولين علشان الازمنة المختلفة هما مركبة البلد الحربية بفرسانها .. 💪

ابليس له خططه المظلمة دائما .. لنشر وتجهيز اكاذيب وانقسامات ومخاوف ومكايد وفخاخ وسهام وآلات وقوات .. وسحرة وعرافين ومنجمين وعباد اوفياء او غير مدركين ..

وكمان ابليس له آلاته البشرية المتعطشة دايما للدم والسفك والتدمير .. واللى مليانة بالاطماع للامتلاك والاتساع والتسلط ودول منتشرين فى كل العالم سواء ظاهرين او وراء الستار ..

ودول سلطانه فيهم بيخليهم يعملوا اى درجة ومساحة دمار .. حتى لو على حساب دم الرجالة والشباب الشرفاء دول .. اللى بيحافظوا على ارضهم وسمائهم و بحارهم وانهارهم .. وعلى بيوتهم كبارهم وصغارهم ونسائهم ..اللى البلد دى من غيرهم كانت انتهت معالمها وثقافتها واهلها .. وكانت باقت جحيم على الارض ..

وعلشان وقت الحسم قرب فى قرارات كتير .. ونتائج كل قرار صعبة جدا جدا جدا وفى منهم قرارات اجبارية مش اختيارية .. 👉

لازم نكون بنصلى ونصوووم بكثافة بكثااااااافة شديدة جدا جدا جدا .. وبإدراك لأهمية اللى بنعمله .. 🙇🙇

يارب بنصلى من اجل القوات المسلحة المصرية .. بجميع قطاعاتها الحربية او الخدمية .. ضع يدك الممتلئة بالخير التى تحمى وتنجى وتعين وترشد .. على القادة والجنود ..

كن انت السند لهم .. كن انت امامهم وفى ظهرهم .. كن مهيمنا على كل قدرتهم وآلياتهم واسلحتهم وخططتهم وتدريباتهم ..

كن سيدا على كل قطع الجيش الحربية .. البرية والبحرية والجوية .. الكل فى يدك ..

كل مساحات وحدود مصر البرية والمائية والجوية تحت حمايتك ايها الرب ..

كل احداث قادمة .. انت تقود الكل بحكمتك .. احمى الرجال من الدم يارب .. 🙇

كما اختارنا السلام كن انت سلامنا .. 🙏

وان تطلب الامر الحسم بالتحركات العسكرية .. كن انت سندا لقضيتنا وحقوقنا المشروعة .. التى يحملها مع اكفانهم دائما .. هؤلاء الرجال الشرفاء .. امين 🙏