الشريحة الالكترونية - الجزء الثاني ..

 بخصوص الشريحة الالكترونية .. بوست رقم ٢ .. 🤔🤔

الشريحة الالكترونية تعد الانسان بأن يتحول الى كيان خارق .. يعنى يبقى كأنه الله ..

لا لا اوعى تقول كدة انت ها تكفر .. ؟؟

الاجابة لا انا مش بكفر .. بس انتوا اللى مش واخدين بالكم او بتعملوا زى ابليس بيغير شكل الحقيقة ..

وزى ما خلاكم تقولوا ان الكذب ده اشتغالة .. والنصب فهلوة .. والجنس قبل الزواج نضج .. والمثلية توجه جنسى وارد .. والجنس مع الاطفال او الحيوانات غريزة طبيعية .. والاجهاض اختيار قائم .. والاباحية حرية ..

ضحك عليكم قال لكم ان تأليه البشر هو البشر الخارقين .. superhuman .. !! وااااو البشر الخارقين .. حلم ناس كتير .. وبكرة يروجوا له .. وعلى فكرة من سنين بيروجوا لكدة فى كل افلام الابطال الخارقين وغرس رغبة الخروج عن الطبيعى الى حيز الله .. !!

عايز افكركم .. ان الحية القديمة لما اتكلمت مع حواء .. قالتلها لما ها تاكلوا من الشجرعة الممنوعة .. ها تصيران عارفين الخير والشر .. تصيران مثل الله .. !! مثل الله .. !! مش ده برضه superhuman .. انسان خارق .. ولا انا بيتهيألى .. 🤔🤔

مش ده كان طموح ابليس .. انه يصعد الى جبل الاجتماع .. جبل الله .. ويضع كرسيه بجانب العلى .. طموحه انه يبقى الله ..

طيب بلاش .. مش ده المرض اللى ابليس اغوى بيه ملائكة وسقطوا معه من سموات الحق .. انهم كلهم ينفع يصيروا مثل الله .. يخلقوا شر وتدمير ويتحكموا فى مصائر كائنات اخرى زى البشر ويهلكوهم .. ( انا بتخيل حديثه لهم وما عنديش هنا نص كتابى )

الشريحة بتوعد الانسان بالاتى ..

انه يستطيع محو ذكرياته السلبية بسهولة تامة او نقلها الى اى منطقة تخزين بعيدة .. يتحكم فى المعرفة !!

يستطيع ان يلغى الاحساس بالالم .. لا يتألم !!

يستطيع ان يضيف اى شىء الى ذاكرته بسهولة .. اى انه يكتسب اى درجة من المعرفة .. !!

يستطيع ان يعالج معظم امراض العقل .. كالزهايمر والامراض النفسية والذهانية .. يعنى مش بيمرض فى عقله .. !!

يستطيع ان ينقل كل محتوى رأسه الى روبوت .. يعنى لو ها يبقى بيموت .. يبدأ يعيش من خلال روبوت .. لان كل دماغه ها تبقى فى روبوت تانى عايش ومكمل .. يعنى نفسه خالدة لا تموت .. !!

وينفع يتحكم فى كل حاجة حواليه بمجرد ما يفكر فيها .. لانها ها تبقى متوصلة زيه بالعالم الافتراضى وده ها يبقى حاجة اعقد من فكرة الانترنت .. بيتحكم فى كل حاجة .. !!

ده كدة نفس مرض ابليس وملائكته .. ومن زمان بينقل مرضه للبشر .. وده مرض للهلاك ..

وممكن حد يقولى لا لا الكلام ده مش ها يتحقق .. دول بيحلموا ..

الاجابة لا .. لان " ايلون ماسك " صاحب شركة neuralink .. اعلن كدة فى مؤتمر صحفى بشكل واضح .. يعنى الموضوع مش هذار ده داخل فى حيز التنفيذ ..

يعنى تفتكر ها يحصل .. على فكرة اه ممكن جدا يحصل وساعتها لازم نكون فاهمين الكتب المقدس كويس ونبواته وسفر الرؤية .. لان الكنيسة لا يمكن تشارك فى هذا الحدث .. وشكرا ..