سلطان المسيح - رؤيا روحية ..
من حوالي اسبوعين .. كنت بصلي وشوفت مشهد .. واتعطلت اني اكتبه حتى هذه اللحظة .. شوفت كائن في مملكة الظلام .. هو رتبة تحتها جنود .. كان زي الوحش .. ثائر في غضب وعنده قوة هائلة على التدمير .. وكل حاجة حواليه خربة تماماً .. كأنها تالفة من ملايين السنين .. مملكة يغطيها موت وظلام دامس .. وكان ضخم زي العملاق .. وتحت ركبته .. عشرات الجنود الشيطانيين .. بيجروا يمين وشمال في فزع .. كأنهم بيجهزوا موكبه .. وكل واحد فيهم معاه حربة .. وكان بيغضب أحياناً .. ويوطي يطير عدد منهم بظهر ايده .. !! قوات كتير حواليه وكأنه داخل لحرب .. المشهد كان مفزع جداً وشعرت ان نتيجته حرب مدمرة .. لكني ميزت في روحي بإعلان واضح .. ان الرب اقوى جداً جداً جداً .. وببص لاقيت المسيح واقف من بعيد على الارض وواقف موجه وجهه ناحية الوحش كأنه جاهز للحرب .. المذهل ان المسيح كان لابس ثوبه الابيض البسيط بلا اسلحة .. لكنه كان عملاق بشكل رهيب .. كأنه اطول من عشرات النطاحات للسحاب حتى لو جمعناهم فوق بعض .. !! كانت رأسه بتلمس السحاب .. وهو واقف برجله على الارض .. ذهلت من المشهد .. وفجأة افتكرت الوحش وجنوده .. وسألت نفسي هما راحوا فين ؟؟!! المفاجأة انهم بكل دوشتهم واسلحتهم والوحش اللي معاهم .. كانوا في مستوى اقل ارتفاعاً من الصندل اللي المسيح لابسه .. لدرجة اني ركزت جداً في المشهد .. علشان اتأكد انهم موجودين .. وطلعوا فعلا موجودين بنفس دوشتهم وظلمتهم .. لكن لما ابص للمسيح الوديع البسيط .. افهم معنى السلطان .. اكتشف انهم مش موجودين قدام طوله الشاهق الرهيب .. هو فعلا ملك الكون .. و هما ولا حاجة .. صممت اكتب الرؤية لانها تعلن سيادة الملك وبلا منازع .. الى الابد .. هلليلويا ..مستحق مستحق مستحق 🙇🏻♂🙇🏻♂🙇🏻♂
العدو كلا شيء امام سلطان المسيح .. مجداً مجداً مجداً 🙇🏻♂️💥
تعليقات
إرسال تعليق