الشفاء مش مقياس لسلطان وتأييد الرب ..

 عندى اعتراض على حاجة ..😡😡

على الرغم من ان المسيح هو الكلمة المتجسد .. بن الله .. وواجه الشيطان وجها لوجه وانتصر عليه .. ودفع إليه كل سلطان وفيه يحل كل ملء اللاهوت .. وجرد رياسات وسلاطين للظلام .. الا انه ما علمش تلاميذه عن وجود ارواح الماء او ارواح الثعابين او او او او ..

وعلى الرغم من ان تلاميذه وكل الكنيسة الاولى كانوا مليانين من روحه وعجائب حصلت معاهم وهزموا مئات الارواح والشياطين الا انهم عمرهم ما علموا الناس عن انواع اسحار الارض وسراديب الممالك السفلية و و و ..

وما تقوليش الرب اعلن ليك الاسرار دى .. لانى هارد واقولك .. ولو اعلنها ليك بتشارك بيها الناس ليه ؟؟ ولو الرب قالك قولها .. ها قولك اسف لانه لو الموضوع مهم كان قاله المسيح او التلاميذ .. !! 🤔🤔

ولو ها تقولى ما تبصش على كلامى وبص على المعجزات .. ها قولك انت واقع فى مصيبة .. لان معجزات بره اطار مجد الله وحقه .. قد تكون بأى قوة شيطانية او فزيائية لا تنتمى للرب .. وساعتها ها تبقى بتربط الناس اكتر مش بتفكهم .. حتى لو ظاهر كلامك انه ب " اسم المسيح " لكنه مش بيقود للمسيح .. 🤔🤔

خلى بالك فى ممالك شيطانية بتقدم شفاء كاذب وفى انواع تعاليم شيطانية متوارثة فى شعوب وممكن تشفى .. فى الشفاء مش مقياس انك بتتحرك بسلطان المسيح .. 👉👉

يعنى ما ينفعش علشان خدمة الرب تزدهر اننا نعبى دماغ الناس بمئات القصص اللى ملهاش علاقة بملكوت الله .. واللى معظمها غير منظور للناس ..

وبدل ما بنعلمهم يمتلئوا بااروح القدس ويعيشوا بالحق الكتابى وينظروا الى رئيس الايمان .. ويعتمدوا على الرب وينتصروا كما المسيح وفى المسيح ..

بنعلمهم ان فى مئات الكائنات الشيطانية المفزعة ومئات الممالك والالهة .. وبنخليهم مليانين رعب .. ومش باصين على الرب ولا ملتصقين بيه .. ومعتمدين علينا دايما علشان يبقوا فى امان .. !!

اسف ده كدة هذار فعلا وتهريج .. ولو كان كل ده مهم كان المسيح اعلنه او التلاميذ اتكلموا عنه .. !!😡😡

خدمات مبنية على اى حاجة غير مجد الله .. مهما كبرت مهما كبرت .. لن يكون لها هوية ومجازاة فى السماء ..

وليس عند الشيطان مانع ان يساعد فى نجاح تلك الخدمات الكاذبة .. مادام البشر لا عارفين يعيشوا مع المسيح ولا عارفين سلطانه فيهم .. !!

والقصة دى زادت اوى فى الدول الاجنبية والرب فضح خدمات كتيرة كاذبة .. ولسة بيفضح .. لكنها بدأت تظهر اوى فى الشرق الأوسط وبرضه الرب ها يفضحها ..

خليكوا فاكرين دايما .. اللى عارفين الحق الحق ها يحررهم وها يقودهم للتحرير ..

واللى مش طالبين الحق ومش طالبين الرب من قلوبهم .. ها يسيروا فى الازدحام والظلام .. ويقودهم قادة عميان ويسقطون فى حفرة .. حتى لو كانت شعاراتهم ب " إسم المسيح " ..

والكلام ده للفحص من الجميع .. متصدقونيش انا .. روحوا ابحثوا فى الحق والحق هو اللى يحكم .. كلمة الله تحكم بينى وبين المختلفين معايا .. 📖📖

ملحوظة البوست مش ضد سلطان الرب فى المؤمن لإخراج الشياطين ولكسر السحر لان ده عمل المسيح قام بيه وسلطان وضعه فينا بروحه وضرورة لإمتداد ملكوت الله وكسر ملكوت ابليس .. وشكرا .. 🙏🙏