الشريحة الالكترونية - الجزء الاول ..

 بخصوص موضوع الشريحة الالكترونية .. 🤔🤔

وهل لها علاقة بالنظام العالمى الجديد ..؟

وهل النظام الجديد هو مخطط فى اجندة الماسونية ؟

وهل الماسونية بتخضع لإبليس او لوسطاء خاضعين لإبليس ؟

وهل للكرونا علاقة بهذا المخطط ؟

وهل شبكة الجيل الخامس 5G .. لها علاقة بهذا المخطط ؟

وهل يمكن تعطيل او ترحيل هذا المخطط من خلال صلوات الكنيسة ؟

وما هو دور الكنيسة فى ازمنة ما قبل هذا النظام وهل لها تواجد فى فترة سيادته على العالم ؟

كل دى اسألة كتيرة وفيه اكتر منها بكتير جوانا .. وبقالى كتير بدرس فى الموضوع ده بصمت من الكلمة وقدام الرب ومن ابحاث علمية كتيرة موثقة واحداث عالمية بتحصل ..

وعايز اقول مجموعة نقاط هامة لفتت نظرى فى القصة دى .. ولكنها ليست حاسمة لكنها ستساعد الكثيرون فى اتخاذ قرارات صائبة عندنا يحين الوقت ..

اولا : 👉👉

الابحاث ضخمة بخصوص الشريحة .. فالبعض اكد انها ها تحمل كافة معلومات الشخص البيولوجية والمكانية والزمنية وايضا الخاصة بالهوية سواء ممتلكات او علاقات ومعاملات مالية ..

لكن الجزء الخفى فى القصة .. هو ان الشريحة قادرة على قراءة انظمة الجسم الحيوية .. والبعض بيطور فى قدرتها على معالجة الأمراض العقلية .. وده معناه أنها قادرة على التأثير على المخ وقراراته ..

والبعض بيقول انها ها يبقى ليها مقدرة على قراءة الحمض النووى الوراثى للانسان والتعديل فيه لمعالجة امراضه ..

وهنا فيه مشكلة كبيرة اوى .. ان واضعى الشريحة فى اجسامهم ها يكونوا تحت رحمة ادارة مجهولة .. ممكن تتحكم بيولوجيا فيهم .. يعنى تموتهم او تتحكم فى افكارهم وتخليهم عدوانيين ومدمرين زى الالات او عبيد مسلوبى الارادة لخدمة فئات اخرى من البشر .. !!

يعنى وارد جدا ان شكل الناس يبقى هو هو لكنهم بقوا زى الالات .. عايز ألفت نظركم .. ان سفر الرؤيا قال بوضوح ان الناس اللى ها تقبل السمة الخاصة بالوحش .. ها يتم إلقائهم مباشرة فى البحيرة المتقدة بالنار والكبريت مع الشيطان وملائكته .. وده معناه انهم مش ها يبقوا واقفين قصاد عرش الله .. يعنى مش ها يتم معاملتهم كالبشر الخطاة ..

يعنى هما متصنفين بطريقة تدل على انهم ما باقوش بشر أخلاقيين بشكل طبيعى تضرروا بسبب الظلمة .. لا دول بقوا كائنات تانية شكلهم بشر لكنهم اسوء بكتير .. !!

حاجة تانية : 👉👉

سمة الوحش .. مش ها تبقى حاجة غير معروفة للناس الابرار .. لأ ها تبقى واضحة جدا والرب ها يديهم تمييز ورفض واضح لها لو كان لهم تواجد وقتها على الارض دى ..

كمان حاجة : 👉👉

كل اللى ها يقبلوا سمة الوحش على جبهتهم او يدهم اليمنى ( وان كانوا دول افضل مكانين للشريحة الالكترونية لأسباب عديدة شرحها العلماء الا انه مازال ما فيش إثبات قاطع انها هى التى تمثل السمة ) ها يكونوا عارفين بعمى طبعا من الظلمة .. الالوهية الوهمية والامكانيات المهولة اللى ممكن ينالوها مع الوحش ونبيه الذى يعطى عجائب من السماء ..

لكن الابرار ان وجدوا وقتها .. ها يكونوا مميزين بالروح جدا جدا .. ضرر وكذب ما يحدث والتشوه اللى بيملى النظام الخاص بالوحش سواء بالمثلية او التأليه او توحيد ودمج الاديان او اللا اديان او عبادته بشكل جماعى متفق عليه كواهب للحياة والموارد والامكانيات كلها ..

الابرار ها يكون لهم فهم واضح من الله وها يرفضوا كدة وها يحاربوه مهما كانت النتائج والرب ها يؤيدهم بقوة مهولة للرفض حتى لو النتيجة الموت .. وده لان الرب امين اوى تجاه الصادقين .. وحطوا ألف مليون خط تحت الصادقين .. لان ممكن ساعتها رموز دينية متميزة تدعوا المتواجدين للخضوع لنظام الوحش .. !!

ومع ذلك لا يمكن اثبات ان الكنيسة ها تكون موجودة وقتها .. قد تكون كنيسة اسرائيل التائبة .. لكن صعب اثبات كدة لان السفر رموزه كتيرة ومواقفه رؤوية متنوعة الزمن وتتصل فيها الاحداث الارضية بالروحية فى انسجام تام ..

القصة كبيرة اوى اوى ومتشعبة جدا جدا .. لكنى بطلب من كل شخص امين .. انه يعلم اولاده واولاد اولاده والمحيطين بيه فى الرب .. 📖📖🙏🙏

ان الشيطان يجتهد ان يملك على كل البشر ويشوههم الى اقصى درجة ويهلكهم الى الابد .. وانه يتلون كحية مهلكة وله مئات الادوات البشرية حتى داخل العبادة الدينية الشكلية .. احذروا بابل الزانية ..

علموهم ان الحق فى اعماقهم وخضوعهم للرب هو اللى ها يسحق الشيطان تحت اقدامهم سريعا وانهم بينتصروا مع الرب فى جميع الاحوال حتى لو ها يموتوا من أجله فهما برضه ساعتها انتصروا وتركوا ابليس يهلك بعيدا عن قيامتهم فى الرب .. امين ..