دعوة الرب لحياتي ..
معلومات عني لمن يرغب في معرفتها .. 👉👉
لم يدعوني الرب حتى الان لان اكون راعياً او قِساً مُرتسماً او اي منصب في كنيسة او حتى خادماً متفرغاً او مسئولاً عن خدمة .. ولذلك هذا لم يكن توجهي ولم اسعى إليه يوماً .. لكن لو هو دعاني .. تبقى على كتفه هو .. وساعتها ها نفذ وها ستمتع بإدارته هو .. وحتى لو ساعدت أحياناً في ادارة اي عمل بينجح في ملكوت الرب فده مسئولية وضعها الرب على كياني لوقت مع شركاء رائعين ادراوا معايا بنجاح .. وشكرا لانه انهى تكليفه لي بشرف كالعادة 👉👉
--------------
توقفت عن خدمات كثيرة سابقاً .. لأسباب رئيسية ..👉👉 السبب الاول .. ادراكي ان دوري في هذه الخدمات انتهى في الوقت الحالي .. و ده بكون مصلي ومتأكد منه .. ومش بستنى موافقة الناس الجماعية .. لان المعظم بيحولك عدو لمجرد انك قررت تاخد مسار مختلف .. وده ما شوفناهوش في كنيسة اعمال الرسل اللي بتبارك وتفرز وتشجع .. !!
السبب الثاني .. دعوة الرب لحياتي بدأت تختلف مع تغييرات طرأت على هذه الخدمات .. وهنا بفضل منفعة الملكوت مش منفعتي انا .. فمش بصارع لان الصراع سمة اللي مش خاضعين للرب .. اللي خاضع للرب بيعرف انه مع الرب مش مع نفسه ولذلك هو في امان دائماً وغير مهدد من احد .. فمش بيهاجم ولا بيعثر احداً من عائلة الرب حتى لو ها يطلع قدام الناس انه غلطان لسنين .. مش مهم صورته .. المهم ان الرب ينجح في النفوس في العمل .. !! فبصلي ان الكل يخدم ملكوت الرب .. و ده برضه انا ببقى مدركه في الروح .. وممكن ما يكونش الاخرين مدركينه بنفس الدرجة اللي ببقى واخدها وانا قاعد منصت للرب ..
السبب الثالث وده الاهم .. ظروف حياتي الصعب
بتجبرني احيانا على عدم التوسع في خدمات او حتى اي خدمة منبرية بشكل عام في الوقت الحالي او اي اوقات صلاة او عبادة فردية او جماعية .. لاني مش متفرغ وبشتغل وعندي كومة ضغوط وتحديات رهيبة لو الناس عرفوها ها يعرفوا ان كل جملة بكتبها من الرب .. هي معجزة وسط الحياة الصعبة دي .. والرب دايما بيستخدم الظروف الصعبة علشان يختلي برجاله بعيداً عن الضجيج ويظهر لهم نفسه ويغيرهم للدخول في عمق اكبر وشراكة اكثر معه .. وله الاحقية المطلقة في تحريك رجاله في اي منطقة جديدة في ملكوته .. حتى لو ها يخلي فيلبس يسيب نهضة ويروح لفرد واحد في الصحراء .. !!
--------------
طيب هل بصلّح اي وجهة نظر غلط عني ؟؟ الحقيقة لا ..🤔🤔 لان اللي عارفني فعلا وعارف خضوعي للرب .. جالي وسألني وفهم وباركني في الرب .. اما اللي مش كدة وعايز يثبت اي وجهة نظر مسبقة عنده .. فمش ها جادله لاني مش في محاكمة للدفاع عن نفسي .. !! ها سيبه للرب يفتح عينه في الوقت المناسب .. طيب هل بتكلم عن اي خدمة سيبتها بطريقة سلبية في ودن كل واحد يقابلني .. ؟؟!!! الاجابة .. لا مستحيل ومش عارف اللي تصوروا كدة تصوروا كدة اصلا ازاي ..؟!! صمت لم افتح فمي 😭 لاني مش ها فقد موقعي في ملكوت الرب علشان اثبت اني مميز في ملكوت الناس .. ده كدة تصرف غير وارد ابداً لشخص استمتع بالرب فعلاً .. اللي بيستمتعوا بالرب فعلا مش بيقبلوا ابدا يدخلوا في الدواير الشريرة دي .. ❌❌
ببارك وبفرح بعمل الرب في الجميع حتى لو عارف انهم مش شايفيني صح او مختلفين او مهاجمين علناً او سراً .. لان ده ملكوت الرب و انا بفرح بفرح العريس ..💥💥
--------------
كلمة مني لكل شخص مهما كانت طائفتك في المحبة اللي جوايا للجميع من الرب .. ❤️👇 خلوا بالكم الشيطان دايما .. يروج اكاذيبه وشائعاته لكسر وحدة ملكوت الرب ( ومش بتكلم هنا عن وحدة ظاهرية لا بتكلم عن وحدة جسده من القديسين على الارض مهما كانت طوائفهم وجنسياتهم ) وتقسيمه ل دويلات صغيرة يسهل حصارها وسحقها .. وها يستخدم ناس فيها ذات مش خاضعة للرب بالكامل .. وها يملاهم بأكاذيبه علشان يخلوا صورتهم هما في مجد افضل ..!! ومساعيه دي لحبسكم انتم جوة مساحات تعصب وكراهية وألم .. و انتوا اللي قبلتوا بيهم لو صدقتوا الأكاذيب وها تكونوا في نزيف و إجهاد وصراع وضغط مستمر بسبب سجون التعصب دي .. قاوموا ابليس فيهرب منكم .. وساعتها ها تشوفوا جمال شمس الرب في سمواتكم .. 💥💥 الرب يبارك جميعكم .. امين 🙏🙇🏻♂
تعليقات
إرسال تعليق