للرب الكلمة الأخيرة امام كل موت ـ رؤيا روحية

 من شوية شوفت انسان نايم على سرير مستشفى ولونه شاحب ووجه متغطى كأنه مات .. 

كان باين اوى عليه انه نزف او فقد كمية دم رهيبة لدرجة ان لونه كان ابيض وازرق شاحب .. 

لكنى شوفت زى اوردة او اوعية دموية نازلة من السما .. وجات ناحيته .. ووصلت نفسها بأوردة ايديه .. وبدأت توصل دم له .. 

انا شايفه من بعيد ميت فى اوضة فاضية رائحتها تشبه الموت .. زى المشرحة وكأن وضعه انتهى واتحسم فى حكم المختصين .. ده فى حكم الارض ميت .. 

لكن لا .. السما شايفة ان لسة حالته تنفع تقوم .. فى حكم السما هو لسة ينفع يقوم ..

وبدأ الدم يدخل من اوعية السما .. لغاية لما بدأ وجهه يبقى فيه لون ما بقاش ابيض شاحب مزرق .. وبدأ لونه يرجع للطبيعى .. 

وفجأة قام يشهق شهيق رهيب ..وكأنه كان فى كابوس او كان بيغرق تحت فى اعماق بحر من الموت .. 

وقام ونفض غطاء الموت وهو عمال يكح ومذهول من المكان والحالة والمصير اللى كان ها يبقى فيه .. 

واتقفلت الرؤية قدام عيون روحى ..

مهما قالت الارض ..السما مازال لها كلمتها ..

مهما فقدت الارض قوتها .. السما مازال لها قوة .. 

السما مسكن الملك .. والملك يأمر فيصير .. يمنح الحياة فمن يمنعه .. لان له فى الموت مخارج .. عظيمة هى قدرته وعدالته ونفسى تعرف ذلك يقينا .. نعم رحمته تخترق غمام الموت والظلام .. تنتشل وتنقذ وتقيم وتحيى .. امين .. 🙏🔥