انفاس يهوه القدير حياة ودينونة ـ رؤيا روحية

 امبارح الصبح كنت بصلى .. 🙇

وشوفت انفاس خارجة من فم الرب تجتاز السماء .. 

كانت انفاسه فيها ذبذبات وموجات غاية فى القوية كأنها قنبلة نووية .. انفجارها فى كل اتجاه ..

كانت حارة زى ما اسطح السيارت فى الصيف بيبقى عليها بخار حار بيخليك تحس بإن فيه حرارة واقفة قدام رؤية عينك .. 

المهم شوفت مشهدين رائعين ..

المشهد الاول ان فيه ملائكة واقفين قدام الانفاس دى .. وبدأوا يفتحوا ايديهم واجنحتهم على حسب تنوعهم .. الى اقصى درجة ممكنة .. وكانوا كأنهم بيسبحوا بهيام .. لكى يتنفسوا اقصى درجة ممكنة من الانفاس دى .. ويمتلئوا بالذبذبات دى .. كانت وجوههم مبتسمة وعيونهم مغمضة بفرح رهيب .. وكأن دى حياتهم كلها .. ولا يحتاجوا غير كدة .. 

المشهد الثانى شوفت الانفاس دى واصلة لغاية شياطين .. وكانوا فى رائحة موت كريهة جدا وعبس .. وبمجرد وصول الانفاس لهم .. كانوا بيهربوا فى صراخ وعويل وعيون حاقدة جدا جدا جدا .. كانت الانفاس دى بتكويهم جدا .. 

وانا بشوف الكلام ده شعرت بجمال الانفاس الالهية فعلا كالندى على جبل حرمون وروائحها حياة هائلة وجمال فائق كرائحة دهن طيب فائق العطور .. 

احنا مدعوين كما الملائكة .. ان نستنشق انفاس الملك وروحه واجواء ملكوته وحضوره ونجمع من انفاسه ما نستطيع لكى نستمر فى شفاء وحياة .. 

اما البعيدين عنه الرافضين محبته .. فسيهربون ويكتون بأحقادهم .. لان ملكوته وسلطانه سيستمر الى الابد وسيغطى مجده وجماله طالبيه الى الابد .. امين .. 🙏🙏