مياه الرب العجيبة ـ رؤيا روحية

 كنت بصلي من اجل انسانة عندها تحديات صعبة جداً بتستهلكها تماما كل يوم .. و الواقع عكس مواعيد الرب و كأنه بيأكد ان ما فيش تغيير في اي حاجة خالص .. 

وفجأة شوفت مشهد جميل .. 

شوفت مساحة ارض خضراء زي الحقل زرعها بيذبل و بيضعف .. بيزداد اصفرار و انحناء و كأنه بيجف و ها يبدأ يموت .. 

وكأن الارض دي ما بقاش فيها مصدر مياه يكفي الزرع .. 

فمنظر كان محزن .. كل الزرع ده ها يضيع و ها تبقى الارض يابسة خلاص .. !!

لكن فجأة شوفت على طرف الحقل .. مياه تشبه حركة موج البحر مختلفة .. كأنها من مصدر مياه لا اراه و لا اعرفه و لا هو زي العادي .. و لا كان مجرى رفيع كأنه من مصدر مياه .. و لا كان مجرى عريض كأنه من نهر .. لا .. ده كان شبه موجات شاطىء هادىء .. شكله كان عجيب و يسبب الذهول .. 

و الموجات دي كانت بتزحف على الارض بصمت و بطأ .. و بدأت تنزل من طرف الحقل و الارض تشربها في هدوء شديد .. 

و بدأ الزرع يزداد خضرة و نمو .. 

وقتها فهمت وتيقنت وشاركت الإنسانة دي .. ان المشهد فعلا لا حلول منطقية فيه .. لكن ها يكون فيه تداخلات إلهية مش بشرية .. إلخية يعني الرب بنفسه ها يبدأ و يتممها .. و ها يكون شكلها عجيب و فائق و غير منطقي .. 

و الرؤيا لتشجيع الكثيرين من الامناء الواقفين أمام الرب .. امين ..