تعلم ان تفصل بين مشاعرك وقراراتك الروحية

 

محتاج دايما انك تتعلم تفصل بين مشاعرك .. وقراراتك الروحية الصادرة من كلمة الرب و توجيهات الروح القدس الواضحة المتنوعة  ..

احيانا بقابل نماذج بتسبب الحزن لي ..

مثال :
اشخاص اتعرضوا لجروح من الاخرين .. وبدون فحص الامور مثلاً بسؤالهم او بفهم تفاصيل يحكموا من خلالها .. او حتى بدون طرح الموضوع امام الرب ..

ياخدوا قرار مباشر بإني ميزت في روحي او ده اللي انا مدركه في روحي اني اسيب او انفصل او اترك او انقطع عن التواصل مع فلان فوراً  .. !!

و ممكن كمان يروحوا يشتكوا لحد بمنظورهم هما .. وما يكونش مميز خالص او بيريحهم او عنده استحواذ ويستغلهم ان صوت الرب جواه انفصل او تعالى معانا .. او صوت الرب ما تكملش تنجرح او او ؟

طيب ما انت ما انتظرتش وقت كافي قدام الرب .. !!!!

-------------------------------

خليني اسأل شوية اسئلة ..

ماذا لو انت اللي كنت غلطان في حق اخوك او شريكك و محتاج تفهم منه ؟

ماذا لو كانت في مناطق في شخصيتك محتاجة تتشفي و انت مع صديقك او شريك او او  ؟

ماذا لو كنتم بتتحاربوا علشان تتعطلوا و تنفصلوا او ما تخدموش معا ؟

ماذا لو انت تحت تأثير تشويش شديد لانك بقالك وقت عايش في انفعالاتك و مشاعرك و مش واخدها وقاعد في محضر الرب و فحص كلمته و روحه ؟

دي اسألة قليلة من اسألة كتير جوايا .. بخاف اكتب .. تقعد انت تقول بيتكلم على مين او تاخد البوست تستخدمه وترمي بيه كلام على حد ..

الحقيقة انا بكلمك انت لوحدك ..

-------------------------------

الحقيقة في مصيبة اسوء من كدة ..
لان الشخص ده ما اخضعش الامور للرب ..

ممكن تبتلعه ارواح الحزن و المرارة وعدم الغفران حتى بعد ما جرح شريكه بالانفصال والهجر .. فهو ما كانش ماشي في مسار من ايد الرب بالفصل ده  .. ده كان ماشي في مسار تدمير من العدو ..

فلا هو اتفك و لا اتشفى و لا دخل في عمق مع الرب .. ده قاعد في نظام مشاعر ومسكنات اجواء و مش بيتشكل خالص في الجزء اللي كان المفروض يتشكل فيه جوة العلاقة دي ..

طيب نتنقل لمستوى اصعب .. احيانا الشخص بيبدأ يشوف رؤى او احلام او اعلانات كاذبة او الاخرين يبلغوه بيها .. لتدمير اي محاولات من الروح القدس لإصلاح مساره و اعادة العلاقات التي من يده ..

فتلاقيه بيشوف اللي انفصل عنهم تحت تأثير الغي و الاستحواذ .. انهم بقوا اسوء .. بقوا غير مقادين بالروح ..

بدأ ينتظر سقوطهم ويتحول لأداة شكاية في يد الشرير ..

وربما يبالغ ويكفر بهم او يجعلهم مجرمين في نظر المجتمع المحيط به .. فيدعي اي ادعاء هو و من في نفس الفخ ضد نفس الشخص ..

و اعتقد ان ده اجهاض واضح وقتل لنفس ونظام حياة دعوة شخص ما .. و ده تصنيفه نميمة و شكاية وتحزب .. ومش تصنيفه تمييز روحي ابدا ..

التمييز الروحي .. اول خطوة فيه تطابق الاعلان مع كلمة الرب بوضوح .. بوضوح .. بوضوح ..

مش يتبني على فلان حاسس او انا حسيت او كلنا شوفنا او حلمنا او احنا واثقين في فلان او فلانة و هما قالوا ..

-------------------------------

و المصيبة دي كلها .. انت اللي بدأتها .. للاسف ..

لانك قررت تمشي وراء مشاعرك و توجهات المحيطين .. فخسرت عطايا الرب لتشكيلك و نضجك و اصبحت ترس في ماكينات ربما تنكسر فيها و تنتهي دون سيرة في السماويات ..

اسيبك مع الآية دي ..
"اَلْقَلْبُ أَخْدَعُ مِنْ كُلِّ شَيْءٍ وَهُوَ نَجِيسٌ، مَنْ يَعْرِفُهُ؟" (إر 17: 9)

واللي بتأكدلك احتياجك الشديد للرب .. لان القلوب ممكن تخدع .. لكن الرب لا ..

الرب يفتح العيون .. مش محتاج اقود حد في صلاة .. الرب بنفسه منتظرك ..

-------------------------------

لقراءة باقي التحذيرات ..  اضغط على الرابط التالي باللون الازرق .. 👇

#elohiym_image_خطورة_و_مجازفة_في_العالم_الروحي