ملكوت الرب العجيب - رؤيا روحية

 

من وقت كنت بشارك شخص فى وقت للرب .. 🙇

وشوفت اشجار كتيرة اوى جنب بعض .. وكل شجرة كانت بتطلع ثمار ..وكل ما الثمار تزيد فى الانتاج .. كان حجم الشجرة بيزيد كمان ..

وكانت بتحصل حاجة غريبة جدا .. كانت الشجرة المثمرة بتخرج قوة من ثمارها فى شكل وميض بضوء ابيض شديد جدا ..

وكان الضوء ده ..مش بيخرج لبرة لكنه بيدخل جوة فروع الشجرة وجذعها .. وبيمشى تحت الارض كأنه شحنات كهربية .. وكان بيوصل لباقى الاشجار .. وباقى الاشجار كانت  بتبدأ تكبر وتطلع ثمار ..

كانت شحنات رايحة جاية بين كل الاشجار وكلهم بيقوا بعض وبيثمروا اوى .. منظر هائل القوة ..

الانطباع اللى خرجت بيه .. هو ان ده وقت كثافة اعلان هائلة .. والاعلان ها يتنقل بسرعة رهيبة بين اولاد الملكوت .. ولانهم كلهم اشجار خاضعة مليانة اثمار الروح واتضاعه .. فها يكبروا بسرعة وها ينتجوا اعلانات اكتر واكتر ..

Network , Highway ..🔥🔥

شبكة الاتصال الملكوتى .. الطريق السريع السماوى الارضى .. 🔥🔥

وده الرب مالى بيه كل انبياءه ولاده وبناته .. مش انا اول واحد بعلنه .. هو وصل لناس كتير فى نفس الوقت ..

لغة الملكوت .. كما فى السماء .. 🔥🔥

حيث الملائكة تنقل لبعضها الاعلان بقوة وبسلاسة وبسرعة هائلة .. وذاك نادى ذاك قدوس قدوس قدوس ..

هلليلويا مجدا للعادل الحى الى ابد الابدين .. ليمجد فتاه القدوس ويصنع نقمة ضد عروش وسيادات فى الظلام .. لأسر ملوكهم بقيود وشرفائهم بكبول من حديد ..

كرامة هذا من الرب فى اتقياءه .. مجدا مجدا مجدا 💥💥💥
-----------------------------
لقراءة مقالات عن رؤى روحية ..  اضغط على الرابط التالي باللون الازرق .. 👇
#elohiym_image_رؤى_روحية