الرب يحمي طالبيه - رؤيا روحية ..
الصبح كنت بصلي من اجل اشخاص في حرب شديدة جداً .. وشوفت انسان راكع على ركبتيه ووجه للارض وبيصلي ببكاء ونواح بفيض دموع وصراخ شديد وتضرع امام الرب .. ما كونتش عارف اسمع صوت دموعه او كلامه .. من كتر الضجيج اللي كان بيحيط بيه .. الضجيج ده كان صوت كائنات اجسامهم كالاسود ووجههم كالتنانين وكانوا بأعداد كثيفة شوفتهم من بعيد كأنهم اعصار مياه من المحيط .. عدد هائل ومدمر .. لكن الشخص ده كانوا مش عارفين يوصلوا له كأنه جوة دائرة او حاجز غير مرئي .. هو رفع عينه وشافهم لكنه كمل صلاة وما خفش .. فعرفت انه مش بيصلي علشان يطلب حماية ده بيبكي لانه مستمتع جداً بالرب والرب شغال فيه لشفاءه .. وانا ببص عليه عرفت هما مش عارفين يقربوا منه ليه ؟؟ المسيح بنفسه كان واقف جنبه ورافع ايده لهم كعلامة لتحذيرهم ان الشخص ده وما يحيط بيه تحت حمايته ويخصه .. من بعيد شوفت ايد المسيح المرفوعة شكلها بقى زي سيف لهيب ناره حارقة جداً جداً جداً .. كانوا عاملين دايرة حوالين الشخص وبيصرّوا على اسنانهم .. لكنهم كانوا مرعوبين ولا واحد منهم خطة خطوة زيادة رغم كثرة ازدحامهم وتدفقهم .. !! من بعيد شوفتهم عدد مهول .. وبرضه كان في دواير كتير ما عرفوش يسحقوها .. مؤمنين تانيين قاعدين مع الرب .. لكن للاسف شوفتهم غطوا ممالك كاملة وهدموا قصور وقلاع شامخة وافنوا ودمروا امم بالكامل .. و دم هائل غطى الارض .. وعرفت ان الموت قادم وحجم تدمير رهيب .. ولن ينجو منه الا العابدين المستمتعين بالرب .. ولإلهنا كل المجد للابد لانه عادل ومراحمه لا تزول .. امين .. 🙇🏻♂🙇🏻♂🙇🏻♂
شكرأ للرب هو سور نار حولنا ومجد في وسطنا
ردحذف