لمن تعلقوا بغير الرب - رؤيا روحية ..
امبارح شوفت مشهد من الجحيم .. بس مشهد غريب اوى .. شوفت مجموعة من البشر وسط الظلام الدامس .. قاعدين بيدوروا على حاجات ومش لاقينها ولا عمرهم ها يلاقوها وسط الظلام والضباب الرهيب .. ودول مجموعة بيمثلوا حالة من حالات الالم الابدى اللى فى الجحيم .. وكانوا عمالين يبكوا بحرقة ومرارة رهيبة .. وفى منهم اللى قعد فى يأس رهيب وصدمة كأنه فقد اغلى ما يملكه .. !! بسأل الرب فى روحى ... يارب اشرحلى هما عاملين كدة ليه .. لاقيته بيرد على .. يا محب هما اتعلقوا بحاجات كتيرة على الارض وباقت بالنسبة لهم كل حياتهم .. ولما جيه الموت اكتشفوا ان حاجاتهم مش متواجدة معاهم فى الابدية .. !! اللى فزعنى جدا .. انى شوفت وسط الناس دى .. اشخاص يبانوا فى مظهرهم خدام او مرتبة دينية .. وقاعدين بينوحوا ويبكوا .. ولاقيت الرب بيقولى .. هما فى نفس الحالة .. لانهم حبوا خدمتهم اكتر منى ورغبوا فى منصبهم اكتر منى .. وهما دلوقتى للابد مش معاهم خدمتهم ولا هما فى منصبهم .. ألم الفقد .. هناك ها يبقى ألم ابدى .. وهما اللى دخلوه بنفسهم .. لما قرروا يفترقوا عنى .. !! الكلام ده خلانى افكر كتير اوى طول اليوم .. يا ترى انا ملتصق ومستمتع بالرب .. يا ترى لما اموت واعدى حاجز الزمن .. وابقى فى الابدية يا ترى ها فرح ان اللى اتعلقت بيه هو الرب وهو كنز حقيقيى معايا للابد .. ؟؟ ولا ها تعلق هنا بخدمات او مناصب او ممتلكات او اى حاجة تانية .. ومش ها لاقيها فى الابدية وها تعذب بألم اعتمادى الدائم والمطلق عليها .. ؟؟ بصلى ان الرب يفتح عيوننا عليه هو وحده .. لان فعلا هو الابدية كلها .. وفعلا تبقى الحاجة الى واحد .. الحاجة الى الرب .. امين .. 🙏🙏
حبيبي مكانك انت في السماء الرب يسوع بيجهزه علشانك بنفسه . حاجة خاصة جدا قصر ملكي . الحاجة الوحيدة اللي الواحد بيسعي علشان يوصل لها بعيشها هنا في الروح جدا وجميلة ومريحة جدا ومشتاقة أكون فيه للأبد هو حضن يسوع . حضن يسوع حبيبي هدفي وغايتي
ردحذف