جمال وقوة العروسة .. مليانة بروح وحياة الملك - رؤيا روحية ..
امبارح قبل ما انام .. شوفت مشهد بسيط خالص لكنه بيشجع اوى اوى ..🙇 شوفت بنت واقف لابسة فستان يبان قديم متمزق شوية ... البنت كان شكل يبان كأنها طالعة من البرية وجهها لونه قمحى غامق ومليان عرق ودهون من كتر الشمس .. وشعرها متغطى برمال الصحراء .. كانت نحيلة جدا وتبان ضعيفة ومنهكة جسديا .. وجسدها فيه شوية جروح نتيجة وقوع او خبطات .. لكن رغم كل ده .. ملامح وجهها كانت من اكتر الملامح الهادئة واللى مليانة سلام اللى شوفتها فى حياتى ..ووجهها كأنه فيه نور اعلان وراحة عجيب .. وعيونها رغم الرمال اللى عليهم كانوا مليانين قوة وكأنهم يقدروا يمشوا فى الصحرا للابد .. !! وشوفت ابليس ( او رجل من خدام ابليس ) .. ظهر وسط عواصف الرمال .. فى شكل رجل عملاق مليان عضلات ومغطى وجهه .. ووقف قدامها .. وبدأ زى الملاكم .. يضربها بقوة فى منطقة كتفها .. كانت هزيلة وعظام كتفها واضحة .. ضرباته كانت قوية جدا جدا .. انا قولت دى ها تنهار او ها تقع على الارض .. او ها تبكى .. لكن ده محصلش .. !! ولكن حصل مشهد غريب جدا .. كل ضربة فى كتفها كانت بيخرج من مكانها ورود جميلة اوى بتنمو بهدوء وبتكبر .. كل مرة بيضربها كانت بتخرج منها رائحة جميلة اوى اوى .. من نفس مكان الضربة .. وكان بيتملى بالغيظ اكتر .. وكل ما يضرب برضه الورود تخرج من كتفها اكتر واكتر .. !! وكانت مليانة بنفس الهدوء وباصة بعيد اوى كأنها مشدودة بقوة لوجهتها .. وفضلت ملامحها مسبية بحاجة هى شايفاها وسط كل العواصف دى .. لغاية لما الرجل ده سابها وهو غاضب وفاشل ومشى وسط العواصف واختفى .. وكملت هى طريقها .. شوفتها من بعيد صغيرة اوى وسط عواصف هائلة .. لكنها ماشية زى الاميرات مليانة قوة هائلة .. مجدا مجدا مجدا .. جمال وقوة العروسة .. مليانة بروح وحياة الملك .. علشان كدة الملك بيحبها .. هلليلويا .. 👏👏👏
مزمور ٤٥ : ١٣
ردحذفكُلُّهَا مَجْدٌ ابْنَةُ الْمَلِكِ ( الكنيسه عروس المسيح )فِي خِدْرِهَا. مَنْسُوجَةٌ بِذَهَبٍ مَلاَبِسُهَا.
نعم روبيه عظيمه بحق وكأنها تمثل حياتنا نعم أبواب الجحيم لن تقوي علينا بقوه رب الجنود آمين
ردحذف