المشاركات

عرض المشاركات من مارس, 2023

حِمْلَهُ يَزُولُ عَنْ كَتِفِكَ ..

 النهاردة طول اليوم ها كون بصلي بالاية دي لان هذا الحق يسبب استهلاك و اتلاف لآلات الشيطان .. 👇🔥 إشعياء ١٠ : ٢٧ وَيَكُونُ فِي ذلِكَ الْيَوْمِ أَنَّ حِمْلَهُ يَزُولُ عَنْ كَتِفِكَ، وَنِيرَهُ عَنْ عُنُقِكَ، وَيَتْلَفُ النِّيرُ بِسَبَبِ السَّمَانَةِ. الرب يملىء اتقياءه بمسحة كافية جداً لإتلاف اي نير صنعه العدو حول حياتهم .. نعم ها نمتلىء بسمانة الروح حتى يصرخ العدو يا تلفي يا تلفي .. فيض يا روح الرب بنارك الاكلة في اعماق شعبك الخاضع .. اؤمن اؤمن اؤمن .. ازمنة لرد كل شيء .. 🙇🏻‍♂️🔥

فِي الارْتِفَاعِ فَقَطْ ..

 النهاردة طول اليوم ها كون بصلي بالاية دي 👇 التثنية ٢٨ : ١٣ وَيَجْعَلُكَ الرَّبُّ رَأْسًا لاَ ذَنَبًا، 💥 وَتَكُونُ فِي الارْتِفَاعِ فَقَطْ وَلاَ تَكُونُ فِي الانْحِطَاطِ، 💥 إِذَا سَمِعْتَ لِوَصَايَا الرَّبِّ إِلهِكَ الَّتِي أَنَا أُوصِيكَ بِهَا الْيَوْمَ، لِتَحْفَظَ وَتَعْمَلَ 📖👉 و إحنا خاضعين للرب .. سنكون مدركين للاحداث ومستمتعين بقوته الظاهرة فيها .. ولن نكون مجرد ذيل يقوده المجهول في خزي وعدم ادراك .. سنختبر الرفعة التي لنا في الرب مهما كانت قوة التحديات .. و لن نكون في انحطاط وهزيمة تحت اعداء ظالمين مدمرين .. نعم سننال نصيبنا فيه للابد .. اؤمن اؤمن اؤمن .. 🙇🏻‍♂️💥

لمن عاشوا تحت ضيق - رؤيا روحية ..

  من كام يوم كنت بصلي .. وشوفت رجال شايلين من ٤ جوانب .. عرش سيد قاسي اوي شكله عبارة عن غيوم وظلمة .. كان معاه سوط ( كرباج ) .. وبيضرب فيهم بشكل مستمر .. علشان يتحركوا بالموكب الخاص بمجده هو .. كان منظرهم صعب خالص .. لبسهم متقطع من كتر الجروح واجسامهم هزيلة خالص من كتر الالم وعدم الراحة .. وبعدين شوفت الرب اقتحم المشهد الحزين ده .. وفجأة اختفى السيد القاسي ده .. توقعت من شكله المخيف ان يكون له حرب مع الرب .. لكن ده ما حصلش .. الرب اقتحم المشهد بنور كأنه رعود وبروق .. وعرفت في روحي .. يهوه فراصيم .. الرب المقتحم .. الرب جاي يحسم قصص ناس مستعبدة لهذا السيد القاسي .. ومن قوة الحسم ده .. مش ها يلحق لا يحارب الرب ولا يعمل حاجة .. ده ها يهرب وبس .. وبعد كدة شوفت نفس الناس المجروحين دول .. بيكملوا شايلين عرش الرب .. لكن بدأت قوة الرب تظهر فيهم .. اجسامهم ازدادت في الطول وبقى عندهم عضلات واضحة في كل اجسامهم .. وجروحهم اختفت تماما .. ووجوههم باقت وجوه محاربين .. وملابسهم باقت ملابس جنود .. دي بقى الترقيات .. وعرفت في روحي .. ان السيد بيصنع جنوده .. والظلام بيصنع عبيده .. والرؤيا حكم وإنصاف ...

دعوة الرب لي ..

 دعوة الرب الواضحة جداً لي .. 👉 هي اني اعد مع امناء كثيرين مذبح روحي .. نقدم من خلاله عبادة للرب .. صلوات وتشريعات بكلمته وبإعلانه وتسبيحات فائضة بمحبته وناره .. لكي يظهر الرب مجده الفائق وغنى نعمته .. و يجيب بناره الاكلة و يملك على آلاف وملايين القلوب و يطلقهم من آسرهم ويحلهم من قيودهم .. حيث اجواء عبادة في ملكوته .. حيث العتق والفكاك .. لنوال الشفاء والكرامة والمجد والتبني .. نعم هو يستعلن بملكه وخلاصه للابد .. 🙇🏻‍♂️💥🔥

عن مشاركتي للاختبارات ..

 ما برضاش اشارك بإختبارات بتحصل لمجد الرب .. 👉 علشان بيفهمها البعض انها دعاية لمجد شخصي .. معلش خليني اقولك ما تشغلش نفسك بدوافعي .. لاني لو بشارك لمجد نفسي يبقى ها خسر سيرتي السماوية .. ركز فقط في رسالة الرب ليك .. المهم .. ده كلام بيأكد ان روح الرب بيعمل في كل تواصلت بيننا لان هو ده ملكوته حيث هو وحده يملك في الخاضعين و يفعّل كل قوته وسلطانه من خلالهم سواء هما مدركين او مش مدركين .. و على فكرة دي دعوته لنا كلنا .. شكراً للرب .. والحقيقة ضروري اعمل كدة كتير .. لان ده ضروري لإقامة جيش الرب العظيم .. فها كمل لمجد الرب .. 🙇🏻‍♂️💥

حجم دمار ضخم قادم على من لم يكن الرب متكلهم - رؤيا روحية ..

 الصبح قومت من نومي .. وشوفت رياح تشبه الاعصار جاية من بعيد على اراضي وناس كتير .. كنت بقول لنفسي دي رياح تغيير قادمة .. وكنت متصور ان ده امر ايجابي بيحصل .. لكن اول ما الرياح دي قربت .. لاقيتها متكونة من ارواح تشبه الغيوم هائلة الغضب والتدمير .. عبرت على الاراضي حولتها ل قاحلة وجرداء تشبه الصخور والصحراء .. وعبرت على ناس كتير أجسامهم قوية وبنيتهم العضلية قوية وملابسهم من ذهب ومعاطفهم تشبه ملابس ملوك .. وحولتهم الى ناس في مجاعة أجسامهم ضعيفة نحيلة وعراه وبينزلوا على ركبهم وبيموتوا .. وسط المشهد المؤلم ده .. شوفت ناس مليانين بالرب .. وعبرت غيوم الارواح دي عليهم .. ولم تؤثر فيهم كأنها شوية نسيم هوا بيعدي على وجوههم وشعرهم .. وعرفت في روحي .. ان الوقت اللي جاي على العالم فيه حجم دمار وغضب وتدمير رهيب .. وطوبى لمن يمتلىء الان من الرب .. لانه هو منفذ الحياة الوحيد وسط رياح الموت القادمة .. نعم هو الوحيد من له في الموت مخارج .. تمسك بما هو عندك من الرب .. فالرب قريب .. الرب اتي سريعا لنجدتك .. انتظر امام الرب ب سكوت وصبر وايمان .. متوقعاً ومنفتحاً بالروح لإستقبال خلاص الرب .. امين ..🙏

مش ها تجيب العار اللي معاك ؟! - رؤيا روحية ..

 من شوية كنت بكلم الرب ..🙇🙇 وبقوله " يارب فى مواقف كتيرة فى حياتى انا مش راضى عنها .. مواقف فيها خزى وعار وألم وكل ما بفتكرها بحس بالتعب " .. شوفت فى روحى المسيح بنفس شكله لابس رداءه الابيض وعليه شال على رأسه واكتافه .. لكنى شوفته بيعمل حاجة غريبة .. بيحط شكاير كبيرة فيها اوراق قديمة كتيرة اوى .. على ظهر سيارة نقل .. وكان مستعجل جدا .. كأنه وراه عشرات النقلات بالسيارة اللى معاه .. وبص لى ونده بصوت عالى .. " هاااا مش ها تجيب العار اللى معاك علشان اخده معايا ولا ها تخليه عندك ؟؟؟!!! " فضلت واقف ابص عليه وانا مذهول من كمية الشكاير اللى معاه .. يااااه دى احمال ناس كتيرة اوى .. ومازال مصمم ياخد احمالى .. !! شكرا يارب من اجل دعوتك لنا بالراحة والفك من حمل العار والالم .. ايوة ها نطلب بكل قلوبنا لتحمل عارنا وتطلقنا فى مجدك .. وشفائك .. 🙏🙏 لا تحتفظ بعارك و خزيك و ألمك .. اتركهم للرب للابد .. نعم لنا شفاء في المسيح و هذا ميراثنا للابد .. 🙇🏻‍♂️

يَسْقُطُ عَنْ جَانِبِكَ أَلْفٌ

 النهاردة طول اليوم ها كون بصلي بالايات دي 👇 مزمور ٩١ .. ٧يَسْقُطُ عَنْ جَانِبِكَ أَلْفٌ، وَرِبْوَاتٌ عَنْ يَمِينِكَ. إِلَيْكَ لاَ يَقْرُبُ. 👉 ٨إِنَّمَا بِعَيْنَيْكَ تَنْظُرُ وَتَرَى مُجَازَاةَ الأَشْرَارِ ابليس بيرتعب لما بنعلن ان الرب إلهنا عنده مجازاة للاشرار .. هم يسقطون و نحن نقوم في نصرة للابد .. مجداً مجداً مجداً 🙇🏻‍♂️💥

موسى موسى ..

  المدعوين يأتي إليهم يهوه .. ويطبع فيهم سلطانه ليخرجوا الشعب .. ويضع نهاية لأزمنة بريتهم .. يقيمهم بمجده وهويته ..  موسى موسى .. انا اخرجك و اخرجهم .. انا اهيه الذي اهيه .. فيّ تقوم ازمنة فكاك تمتد الى الابد .. 🔥🔥🔥💥💥💥💥

فوطيفار مش ها ينتصر ..

  يا يوسف .. حكم فوطيفار مش ها ينتصر ابداً .. جوة سجنه ها تزداد قوة .. ونعم حكم الرب إلهك سيثبت للابد .. ستملك في مصر .. نعم ارض عبوديتك تكون لتكريمك .. وادي عاخور لابد ان يكون باباً للرجاء .. لان الرب إلهك أمر فصار .. مجداً مجداً مجداً 🙇🏻‍♂️💥

لا تفصلك الظروف الصعبة ..

 لكل شخص بعد عن الله بسبب الظروف الصعبة اللى مر بيها .. انها خطة ابليس .. ابليس يعرف الغالى والقيم عندك ويعرف كيف يحاربك فيه لترفض الرب وتبتعد عنه .. 👉👉

حزين انا كمان على اورشليم .. !!

 المسيح يبكى على اورشليم .. !! 😭😭😭😭 ٤١وَفِيمَا هُوَ يَقْتَرِبُ نَظَرَ إِلَى الْمَدِينَةِ وَبَكَى عَلَيْهَا ٤٢قَائِلاً:"إِنَّكِ لَوْ عَلِمْتِ أَنْتِ أَيْضًا، حَتَّى فِي يَوْمِكِ هذَا، مَا هُوَ لِسَلاَمِكِ! وَلكِنِ الآنَ قَدْ أُخْفِيَ عَنْ عَيْنَيْكِ. 😭😭 ٤٣فَإِنَّهُ سَتَأْتِي أَيَّامٌ وَيُحِيطُ بِكِ أَعْدَاؤُكِ بِمِتْرَسَةٍ، وَيُحْدِقُونَ بِكِ وَيُحَاصِرُونَكِ مِنْ كُلِّ جِهَةٍ، ٤٤وَيَهْدِمُونَكِ وَبَنِيكِ فِيكِ، وَلاَ يَتْرُكُونَ فِيكِ حَجَرًا عَلَى حَجَرٍ، لأَنَّكِ لَمْ تَعْرِفِي زَمَانَ افْتِقَادِكِ". 😭😭 ٤٥وَلَمَّا دَخَلَ الْهَيْكَلَ ابْتَدَأَ يُخْرِجُ الَّذِينَ كَانُوا يَبِيعُونَ وَيَشْتَرُونَ فِيهِ ٤٦قَائِلاً لَهُمْ:"مَكْتُوبٌ: إِنَّ بَيْتِي بَيْتُ الصَّلاَةِ.😭😭 حزين انا كمان على اورشليم اللى بتمثل ناس كتير واماكن كتير ...😭😭 بدل ما يكونوا هيكل للرب .. حياتهم بتعبده وواثقة فيه .. بقوا بيستغلوا بيته او اجسادهم كفرصة للترفيه وللتربح .. اصبح هيكله مغارة لصوص .. ولذلك اصبحت اورشليم غير مبصرة .. كان ده زمن خلاصها ومخلصها كان داخل لها .. لكنها ستقتله ولن تعرفه كم...

لا تدخل للالم وحدك ..

 من شوية كنت بصلى .. وبقول يارب فى ظلم كبير فى الارض دايما فيه ظلم .. ده مؤلم جدا .. !! لاقيت الرب بيرد بوضوح .. " لا تدخل الى هذا الالم وحدك .. كن معى لتنال شفائك وقوتك .. " ايوة يارب انت وجودك معانا هو كل الامان والضمان .. وحتى لو اجتازنا فى الالم انت هناك اقوى معين وخير رفيق .. هلليلويا .. 💪💪

قوة علاقتنا بالرب في اعماقنا - رؤيا روحية ..

صورة
   من كام يوم كنت بصلى ..  وشوفت فى روحى .. كيان مظلم وقف قدامى .. ونفخ دخان وغبار رهيب فى وشى كأنه بينفخ دخان سجاير .. بس غيوم رهيبة خرجت منه .. الدخان والغبار ده كان قوى جدا .. حسيت بقوة اكاذيبه وشكوكه والعمى اللى ممكن يسببه .. بيقلب الدنيا فجأة لظلام دامس فى كل حاجة وفى كل الاحداث والمشهد .. لدرجة انك تشعر ان الواقع بقى ظلام وها يستمر كدة .. ميزت فى روحى ان ده مستوى شيطانى بيحارب حرب شرسة جدا لا يعبرها الا الحقيقيين اللذين لديهم ايمان حقيقى فى اعماقهم .. ايمانهم فقط ها يبقى نورهم الوحيد وسط مساحة ضلمة هائلة .. !! بعد كدة بشوية .. شوفت مجموعة من الناس واقفين بثبات كأنهم قادة دينيين وبيوعظوا .. وجيه برضه روح ووقف قدامهم ونفخ فى وشهم .. وفجأة حصلت حاجة غريبة .. بدأ جزء كبير منهم .. يبقى بيدور يلمس اى حاجة حواليه كأنه بقى اعمى وبدأوا يتعثروا ويقعوا ويتكعبلوا .. قلة اوى اللى ما تأثروش بأى حاجة خالص .. وشوفتهم فى روحى بيغمضوا عيونهم وبيبصوا على النور اللى فى اعماقهم لغاية ما كل الغيوم خلصت واختفت .. وفتحوا عيونهم وكملوا بقوة وكأن شيئا لم يحدث .. !! وهنا اتقفلت الرؤية قدام عي...

لكل شخص بيتعرض لضغط هائل ..

 لكل شخص بيتعرض لضغط هائل فى احداث حياته .. 💪💪 من شوية كنت بصلى .. وبقول يارب فى ازمنة صعبة جدا بعدى فيها وبتعدى فيها ناس كتير .. ها تنتهى امتى الاوقات دى .. ؟؟!! شوفت شجرة جذورها فى الارض ثابتة .. ورياح شديدة بتهب عليها وغيوم سوداء رهيبة بتعبر فوقها .. وكل ما الرياح كانت بتشتد .. كانت الشجرة بتثبت اكتر وجذورها بتتعمق اكتر فى الارض .. وبتكبر اكتر وبيتخن جذعها وفروعها اكتر .. وباقت شجرة عملاقة .. والرياح والغيوم السوداء عبرت .. ولاقيت شمس صيف رهيبة .. اجواء صيف ساطعة .. والشجرة واقفة بورقها الاخضر كاملة القوة وعملاقة .. سمعت صوت الرب جوايا .. الى ان تعبر الغيوم المظلمة .. ومهما بلغت قوة الشر ستنفذ .. واثبت الاشجار وتزداد قوتها فى ملكوتى .. هلليلويا .. هذا هو إلهنا .. لن يفشل ابدا .. له كل المجد الى ابد الابدين

انا اريد ابنائي .. !!

 كنت ماشى فى مكان زحمة وناس كتيرة اوى قابلتنى .. وسألت الرب سؤال .. هو انت يارب عايز عدد كبير من الناس ؟؟ اتفاجأت برد الرب على .. " انا لا اريد شياطين .. انا اريد ابنائى .. " ايوة يارب انت عارف ولادك اللى قلوبهم بتبحث عنك حتى لو هما مش عارفينك .. وها توصلهم وتجيبهم لحضنك حتى لو كانوا فى ابعد مكان وفى اكتر ظروف مستحيلة .. نعم انت لا تبحث عن كثرة بقلوب شياطين .. لكنك تبحث عن ابنائك لتكتمل فيهم صورتك ويكونوا معك للابد ..

لكل حد عنده ضيق ..

 لكل حد عنده ضيق .. الكتاب المقدس جاب سيرتك .. الضيق ده مش صدفة وانت مع الرب .. 💪💪 لأَنَّ خِفَّةَ ضِيقَتِنَا الْوَقْتِيَّةَ 👉👉 تُنْشِئُ لَنَا أَكْثَرَ فَأَكْثَرَ ثِقَلَ مَجْدٍ أَبَدِيًّا.👏👏 كورنثوس الثانية ٤ : ١٧ 📖📖

غياب الحق .. !!

 من كام يوم حلمت .. بحلم غريب .. حلمت ان فى كائن غريب يشبه التنين بيتمشى فى الارض .. وكان بيعرض نفسه للناس بعيون حنونة اوى وحركات بسيطة هادية ومشيته خفيفة على الارض ومخالبه مخبيها .. وشكله يبان كائن لطيف بيحب الكل .. العجيب ان الناس ما كانوش بيهربوا منه ولا شايفين حقيقته .. دول كانوا بيتغزلوا فيه ومسحورين بجماله .. وفى منهم اللى اتجمعوا يشاوروا لبعض .. ويحكوا لبعض عن جماله .. ويقولوا لبعض دى فعلا ام لنا .. دى مليانة حب ازاى كدة .. !! وانا واقف فى الحلم فى قمة الذهول مش عارف اصرخ لمين ولا لمين .. وبسأل نفسى ازاى الناس دول مصدقين المنظر ده ومفتونين بيه .. ومصدقين اللى بيقولوه .. ازاى ده فعلا تنين مدمر والشر باين فيه جدا جدا جدا .. ؟؟!! قومت من نومى .. وانا بقول للرب يا رب .. هو ها يجى وقت الناس ها يبقوا مقتنعين ان ابليس ام لهم او اب .. طب ازاى ؟؟!! لاقيت جملة واضحة فى اعماقى .. " غياب الحق يعمل كدة " .. !! يارب بصلى لا تغيب شريعتك من اعماقنا .. لكى لا ننخدع بالظلام .. ولكى لا نصدق الكذاب فى ازمنة تضليله وخداعه .. امين .. 🙏🙏

لكل نفس مجهدة تماماً ..

 لكل نفس مجهدة تماما .. 😭😭 " لِمَاذَا أَنْتِ مُنْحَنِيَةٌ يَا نَفْسِي؟ وَلِمَاذَا تَئِنِّينَ فِيَّ؟ 😭 ارْتَجِي اللهَ، 👉 لأَنِّي بَعْدُ أَحْمَدُهُ، لأَجْلِ خَلاَصِ وَجْهِهِ." 👏💪 المزامير ٤٢ : ٥ 📖 الاية دى قالت كل اللى بنمر بيه .. ليه يا نفسى راضية تبقى لوحدك بتواجهى كل الاثقال والهموم والضغوط والحروب .. ؟؟ ده انتى بتتألمى لدرجة انك مش قادرة تتكلمى .. مطروحة فى يأس واعياء .. اترجى الرب واندهى عليه .. اطلبيه يجى يساندك ويتحد بيكى ويدعمك قصاد كل الوجع ده .. ولازم ها تكونى بتفيضى بالحمد والشكر على تبديل مشاعرك وشفاءك .. لانه إله ممتلىء بالخلاص .. بمجرد ما يبص ليكى وتبصى ليه .. ها تتخلصى من وجعك .. ها تقومى بقوته .. هلليلويا .. 💪💪

وَضَعَ لِلْبَحْرِ حَدَّهُ ..

 من كام يوم كنت بصلى مع حد .. ان الرب يضع حد للظروف الصعبة اللى بيمر بيها .. الامثال ٨ : ٢٩ لَمَّا وَضَعَ لِلْبَحْرِ حَدَّهُ فَلاَ تَتَعَدَّى الْمِيَاهُ تُخْمَهُ .. 📖🔥 إشعياء ٥٩ : ١٩ فَيَخَافُونَ مِنَ الْمَغْرِبِ اسْمَ الرَّبِّ، وَمِنْ مَشْرِقِ الشَّمْسِ مَجْدَهُ. عِنْدَمَا يَأْتِي الْعَدُوُّ كَنَهْرٍ فَنَفْخَةُ الرَّبِّ تَدْفَعُهُ .. 📖🔥 واول مرة اشوف الايات دى بالشكل ده .. ان البحر والنهر .. فيهم تدفق رهيب ومستمر .. وكأن العدو مش ها يوقف ابدا حروب تجاه حياتنا .. ودايما ها نشوفه نشيط ومليان حقد وكراهية وتدمير وانتقام كعادته .. لكن هلليلويااااااا .. البحر ده مهما كان اندفاعه الرب ها يورينا سلطانه عليه .. الرب وضع له حدود عند تخمه .. حدود مش ها يعرف ابدا ابدا انه يتعداها .. 💪💪💪 ولو العدو مندفع بشراسة وتجدد وعدم استسلام زى النهر المتدفق .. فنفخة الرب تدفعه .. وبرضه الرب ها يورينا سلطانه المطلق عليه .. هلليلويااااا .. 💪💪💪

أَنْتَ سِرَاجِي يَا رَبُّ ..

صموئيل الثانى ٢٢ : ٢٩ لأَنَّكَ أَنْتَ سِرَاجِي يَا رَبُّ، وَالرَّبُّ يُضِيءُ ظُلْمَتِي. المزامير ١١٩ : ١٠٥ سِرَاجٌ لِرِجْلِي كَلاَمُكَ وَنُورٌ لِسَبِيلِي يا ابونا السماوى الصالح .. يا ابو الانوار .. اشكرك لان افكارك تجاه حياتنا افكار سلام لا شر .. 🙏🙏 شكرا لانك تسير بوجهك امام حياتنا وتنير عمرنا .. النهاردة بنيجى نلتصق بيك .. ونطلب خلاصك .. فتنير ظلمتنا .. كن سراجا لكياننا وانارة لعيون اذهاننا .. كن لنا النور الحقيقى الذى ينير كل انسان .. بننادى عليك زى الاعمى اللى ما كانش قادر يشوف .. يا يسوع يا بن داود غطينا بمراحمك .. افتح عيوننا على شريعتك لننطلق فى عالمك الممتلىء بقدرتك .. نلتصق بحقك .. يكون سراج لأرجلنا فلا نذل ولا نتعثر فى الظلام .. نعم تضيء بكلماتك طرق حياتنا .. ننفتح على كلمتك فتشفى طرقنا وقلوبنا .. فى اسم يسوع ..

لمن تعلقوا بغير الرب - رؤيا روحية ..

 امبارح شوفت مشهد من الجحيم .. بس مشهد غريب اوى .. شوفت مجموعة من البشر وسط الظلام الدامس .. قاعدين بيدوروا على حاجات ومش لاقينها ولا عمرهم ها يلاقوها وسط الظلام والضباب الرهيب .. ودول مجموعة بيمثلوا حالة من حالات الالم الابدى اللى فى الجحيم .. وكانوا عمالين يبكوا بحرقة ومرارة رهيبة .. وفى منهم اللى قعد فى يأس رهيب وصدمة كأنه فقد اغلى ما يملكه .. !! بسأل الرب فى روحى ... يارب اشرحلى هما عاملين كدة ليه .. لاقيته بيرد على .. يا محب هما اتعلقوا بحاجات كتيرة على الارض وباقت بالنسبة لهم كل حياتهم .. ولما جيه الموت اكتشفوا ان حاجاتهم مش متواجدة معاهم فى الابدية .. !! اللى فزعنى جدا .. انى شوفت وسط الناس دى .. اشخاص يبانوا فى مظهرهم خدام او مرتبة دينية .. وقاعدين بينوحوا ويبكوا .. ولاقيت الرب بيقولى .. هما فى نفس الحالة .. لانهم حبوا خدمتهم اكتر منى ورغبوا فى منصبهم اكتر منى .. وهما دلوقتى للابد مش معاهم خدمتهم ولا هما فى منصبهم .. ألم الفقد .. هناك ها يبقى ألم ابدى .. وهما اللى دخلوه بنفسهم .. لما قرروا يفترقوا عنى .. !! الكلام ده خلانى افكر كتير اوى طول اليوم .. يا ترى انا ملتصق ومستمتع...

هو سند لنا ..

 🤔🤔من شوية كنت ببص لورا على احداث كتيرة فاتت .. لاقيت كلمات الرب واضحة فى روحى .. " ألم اكن انا سندك ؟؟ كنت معينك .. لم يستطع البشر ضمان كلماتهم .. لكن انا اوفى كلمتى .. " .. 👏👏 هلليلويا .. إلهك جبار يخلص .. لن يهرب ابدا ويتركك وحدك تواجه الضيق .. نعم سيحارب الضيق ويقف امامه صامدا .. وسيقودك من وجه الضيق الى رحب لا حصر فيه .. 💪💪

يسوع مازال يصنع ..

 من شوية كنت بصلى بالاية دى .. أعمال الرسل ١٠ : ٣٨ يَسُوعُ الَّذِي مِنَ النَّاصِرَةِ كَيْفَ مَسَحَهُ اللهُ بِالرُّوحِ الْقُدُسِ وَالْقُوَّةِ، الَّذِي جَالَ يَصْنَعُ خَيْرًا وَيَشْفِي جَمِيعَ الْمُتَسَلِّطِ عَلَيْهِمْ إِبْلِيسُ، لأَنَّ اللهَ كَانَ مَعَهُ. واول مرة اشوفها بالشكل ده .. يسوع لسة بنفس شخصيته وطبيعته تمام زى ما كان على الارض وسط الناس .. وهو بنفس طبيعته فى اعماقنا .. ومازال يقدر يصنع خير تجاه حياتنا ويشفينا ويشفى من خلالنا كل موضع يتسلط فيه ابليس .. هلليلويا .. لان مسيح حى ويقدر .. 💪💪

لا يوجد مجد الا مع الرب - رؤيا روحية ..

 من شوية شوفت مشهد غريب من الجحيم .. شوفت ناس حققوا على الارض انتصارات او انجازات كان العالم بيفخر بيها .. البعض كان محقق انتصارات عسكرية ومعاه نياشين كتير اوى .. وناس تانيين كانوا خدام وقادة دينيين وكان حواليهم مئات الملايين من الناس اللى بتصقف لهم وبتهتف بإسمهم وبترمى تحت رجليهم حاجات غالية كتير .. وناس تانيين مشاهير فى عالم البشر .. معاهم مراكز عالية جدا وامكانيات مهولة وجمهور كبير بيحبهم .. شوفتهم كلهم فى الجحيم .. العجيب انى شوفت حاجة رهيبة .. ان كل ما الناس دول بيجيلهم لحظة ويفتكروا حاجات مفرحة لهم فى ذكريات مجدهم الارضى .. بلاقى فجأة كائن شيطانى شعر بيهم فى نفس اللحظة وراح بغضب يهينهم ويملاهم من جديد بالعار والخزى .. وانا بشوف المشهد ده .. خرجت بإنطباعات رهيبة .. 🤔🤔 اولا .. ما فيش فخر الا بالرب .. وأى حاجة تانية مش ها ينفع تسبب لا فخر ولا فرح بدون التواجد فى محضر الله .. ثانيا .. الجحيم بيئة الخزى والعار والظلام .. ولا يمكن هناك لأى كائن ان يحصل على فخر حتى من امجاده الشخصية .. هناك كل مجد من الارض يفنى ويتدنس ويضمحل .. ثالثا .. كائنات الظلام .. متشوهة تماما .. لدرجة ان اى...

الرب يخرجك ..

 من شوية كنت بصلى وبقول للرب .. يارب انا محتاج اخرج من الامور الصعبة دى .. لاقيت رده واضح فى اعماقى .. " انا اخرجك .. لانك بدونى لا مخرج لك " .. ايوة يارب انت الوحيد اللى تخرج رجلنا من الشبكة .. انت الوحيد اللى لما بتحررنا فعلا بنبقى احرار .. شكرا لانك امين وعادل .. وتتمم ما يخرج من فمك .. 💪💪

الشفاء مش مقياس لسلطان وتأييد الرب ..

 عندى اعتراض على حاجة ..😡😡 على الرغم من ان المسيح هو الكلمة المتجسد .. بن الله .. وواجه الشيطان وجها لوجه وانتصر عليه .. ودفع إليه كل سلطان وفيه يحل كل ملء اللاهوت .. وجرد رياسات وسلاطين للظلام .. الا انه ما علمش تلاميذه عن وجود ارواح الماء او ارواح الثعابين او او او او .. وعلى الرغم من ان تلاميذه وكل الكنيسة الاولى كانوا مليانين من روحه وعجائب حصلت معاهم وهزموا مئات الارواح والشياطين الا انهم عمرهم ما علموا الناس عن انواع اسحار الارض وسراديب الممالك السفلية و و و .. وما تقوليش الرب اعلن ليك الاسرار دى .. لانى هارد واقولك .. ولو اعلنها ليك بتشارك بيها الناس ليه ؟؟ ولو الرب قالك قولها .. ها قولك اسف لانه لو الموضوع مهم كان قاله المسيح او التلاميذ .. !! 🤔🤔 ولو ها تقولى ما تبصش على كلامى وبص على المعجزات .. ها قولك انت واقع فى مصيبة .. لان معجزات بره اطار مجد الله وحقه .. قد تكون بأى قوة شيطانية او فزيائية لا تنتمى للرب .. وساعتها ها تبقى بتربط الناس اكتر مش بتفكهم .. حتى لو ظاهر كلامك انه ب " اسم المسيح " لكنه مش بيقود للمسيح .. 🤔🤔 خلى بالك فى ممالك شيطانية بتقدم شفاء كاذ...

الشريحة الالكترونية - الجزء الثاني ..

 بخصوص الشريحة الالكترونية .. بوست رقم ٢ .. 🤔🤔 الشريحة الالكترونية تعد الانسان بأن يتحول الى كيان خارق .. يعنى يبقى كأنه الله .. لا لا اوعى تقول كدة انت ها تكفر .. ؟؟ الاجابة لا انا مش بكفر .. بس انتوا اللى مش واخدين بالكم او بتعملوا زى ابليس بيغير شكل الحقيقة .. وزى ما خلاكم تقولوا ان الكذب ده اشتغالة .. والنصب فهلوة .. والجنس قبل الزواج نضج .. والمثلية توجه جنسى وارد .. والجنس مع الاطفال او الحيوانات غريزة طبيعية .. والاجهاض اختيار قائم .. والاباحية حرية .. ضحك عليكم قال لكم ان تأليه البشر هو البشر الخارقين .. superhuman .. !! وااااو البشر الخارقين .. حلم ناس كتير .. وبكرة يروجوا له .. وعلى فكرة من سنين بيروجوا لكدة فى كل افلام الابطال الخارقين وغرس رغبة الخروج عن الطبيعى الى حيز الله .. !! عايز افكركم .. ان الحية القديمة لما اتكلمت مع حواء .. قالتلها لما ها تاكلوا من الشجرعة الممنوعة .. ها تصيران عارفين الخير والشر .. تصيران مثل الله .. !! مثل الله .. !! مش ده برضه superhuman .. انسان خارق .. ولا انا بيتهيألى .. 🤔🤔 مش ده كان طموح ابليس .. انه يصعد الى جبل الاجتماع .. جبل الل...

يضحوا بحياتهم ..

 " وَهُمْ غَلَبُوهُ بِدَمِ ٱلْخَرُوفِ وَبِكَلِمَةِ شَهَادَتِهِمْ، وَلَمْ يُحِبُّوا حَيَاتَهُمْ حَتَّى ٱلْمَوْتِ. " رؤيا ١١ : ١٢ .. الاية بتتكلم على انتصار البشر - المؤمنين بخلاص المسيح - على ابليس .. لفت نظرى اوى .. لم يحبوا حياتهم .. روحت ادور فى الاصل .. استخدم فعل " ἀγαπάω" اجابى ..  الحب المضحى .. وكأن فى مؤمنين فى اخر الزمن ها يكونوا على استعداد انهم يضحوا بحب بحياتهم لأجل انهم لا يفقدوا عرس الخروف .. بقالى فترة الرب بيكلمنى فى النقطة دى .. ان ابليس بينهزم امام بشر اختاروا الرب ولم يختاروا الحياة بما فيها .. لكنه بيعرف يهزم بشر اختاروا حياتهم ولم يختاروا الرب .. ماذا ينتفع الانسان .. لو اختار ان يربح كل العالم ليمتلك حياة .. وفى النهاية يخسر نفسه .. يخسر الرب الذى هو سر بقاء نفوسنا فى حياة للابد .. يارب افتح عيوننا على جمالك .. فنختارك اختيار حقيقى حاسم .. حتى لو كانت النتيجة التضحية بحياتنا .. امين .. 🙏🙏

الشريحة الالكترونية - الجزء الاول ..

 بخصوص موضوع الشريحة الالكترونية .. 🤔🤔 وهل لها علاقة بالنظام العالمى الجديد ..؟ وهل النظام الجديد هو مخطط فى اجندة الماسونية ؟ وهل الماسونية بتخضع لإبليس او لوسطاء خاضعين لإبليس ؟ وهل للكرونا علاقة بهذا المخطط ؟ وهل شبكة الجيل الخامس 5G .. لها علاقة بهذا المخطط ؟ وهل يمكن تعطيل او ترحيل هذا المخطط من خلال صلوات الكنيسة ؟ وما هو دور الكنيسة فى ازمنة ما قبل هذا النظام وهل لها تواجد فى فترة سيادته على العالم ؟ كل دى اسألة كتيرة وفيه اكتر منها بكتير جوانا .. وبقالى كتير بدرس فى الموضوع ده بصمت من الكلمة وقدام الرب ومن ابحاث علمية كتيرة موثقة واحداث عالمية بتحصل .. وعايز اقول مجموعة نقاط هامة لفتت نظرى فى القصة دى .. ولكنها ليست حاسمة لكنها ستساعد الكثيرون فى اتخاذ قرارات صائبة عندنا يحين الوقت .. اولا : 👉👉 الابحاث ضخمة بخصوص الشريحة .. فالبعض اكد انها ها تحمل كافة معلومات الشخص البيولوجية والمكانية والزمنية وايضا الخاصة بالهوية سواء ممتلكات او علاقات ومعاملات مالية .. لكن الجزء الخفى فى القصة .. هو ان الشريحة قادرة على قراءة انظمة الجسم الحيوية .. والبعض بيطور فى قدرتها على معالجة ...

الرب مجهز كل شيء ..

 من شوية كنت بصلى وكان الرب بيكلمنى بشكل واضح .. " انا ارى .. ولهذا قد اعددت كل شىء .. " 👏👏 هلليلويا .. ايوة زى ما عمل مع ابراهيم وكان مجهز الخروف للمحرقة مكان اسحق .. وزى ما كان مجهز الغراب لإيليا .. والحوت ليونان .. هلليلويا .. انت يارب مش بتتفاجىء انت إله مدرك جدا لكل شىء بيواجهنا .. ونعم اعددت كل شىء .. 💪💪

مشهد من الجحيم - رؤيا روحية ..

 امبارح شوفت مشهد من الجحيم .. بس مشهد غريب اوى .. شوفت مجموعة من البشر وسط الظلام الدامس .. قاعدين بيدوروا على حاجات ومش لاقينها ولا عمرهم ها يلاقوها وسط الظلام والضباب الرهيب .. ودول مجموعة بيمثلوا حالة من حالات الالم الابدى اللى فى الجحيم .. وكانوا عمالين يبكوا بحرقة ومرارة رهيبة .. وفى منهم اللى قعد فى يأس رهيب وصدمة كأنه فقد اغلى ما يملكه .. !! بسأل الرب فى روحى ... يارب اشرحلى هما عاملين كدة ليه .. لاقيته بيرد على .. يا محب هما اتعلقوا بحاجات كتيرة على الارض وباقت بالنسبة لهم كل حياتهم .. ولما جيه الموت اكتشفوا ان حاجاتهم مش متواجدة معاهم فى الابدية .. !! اللى فزعنى جدا .. انى شوفت وسط الناس دى .. اشخاص يبانوا فى مظهرهم خدام او مرتبة دينية .. وقاعدين بينوحوا ويبكوا .. ولاقيت الرب بيقولى .. هما فى نفس الحالة .. لانهم حبوا خدمتهم اكتر منى ورغبوا فى منصبهم اكتر منى .. وهما دلوقتى للابد مش معاهم خدمتهم ولا هما فى منصبهم .. ألم الفقد .. هناك ها يبقى ألم ابدى .. وهما اللى دخلوه بنفسهم .. لما قرروا يفترقوا عنى .. !! الكلام ده خلانى افكر كتير اوى طول اليوم .. يا ترى انا ملتصق ومستمتع...

هو الضامن ..

 من شوية كنت بصلى .. يارب انا عارف انى قطعت شوط كبير معاك .. لكن الطريق صعب وتحدياته كتيرة اوى .. لاقيت الرب بيقولى انا عامل حسابى ومجهز كل حاجة .. هل يسير اثنان إن لم يتواعدا .. ؟ هلليلويا .. الرب دخلنا معاه فى عهد .. وهو عارف صعوبة الطريق وعنده معونته الجاهزة فى كل مرحلة وعنده قدرته فى كل تحدى .. نعم انت ضامن العهد لانك امين ولا تقدر ان تنكر نفسك .. وبسببك فقط .. نكمل الطريق ونرى عجائبك ومجدك .. 💪💪

اقامة الرب ستصل لكل من نصلي من اجلهم - رؤيا روحية ..

 من شوية شوفت في روحي .. انسانة جالسة في الظلمة وكان شكلها كأنها منهكة من حروب او فقدت مكانة كانت فيها قبل كدة .. لان لبسها كان فستان شكله مميز .. لكنه كان متسخ جدا ومليان ثقوب وتمزيق وتحته جروح وتقرحات .. لكني شوفت المسيح بلبسه الابيض لكنه كان ناصع ومضييء كانه في حالة من المجد الابدي الروحي .. ومد ايده لها .. البنت بالعافية مدت ايدها للمسيح من كثرة الالم .. شوفت معصمها مليان جروح بأشكال مختلفة .. اكيد ده كان ماضي مجهد مليان حروب وقهر .. لكن بمجرد ما مسكت ايد المسيح .. سحبها بقوة وسلطان .. وكل ما كان جزء يخرج منها من الظلمة دي الى نور المسيح .. كان بيتشفي مباشرة ويتكسي بمجد المسيح .. لغاية لما خرجت بالكامل .. وشوفتها واقفة جنب المسيح مضيئة شبهه وكأنه اعطاها من حالته ومجده .. واصبح فستانها غير ممزق وكل جروحها لم يظهر لها اثر .. وكأنها لم تكن في الظلام ابداً .. وبعد كدة شوفتها ترتدي فستان زفاف وكأنها اخذت مكانة العروس وكرامتها أمام الرب .. لم تعد في خزي .. هلليلويا .. اشكرك يارب لان اقامتك توصل لكل اللي بنصلي من اجلهم .. توصل للقريبين والبعيدين .. تدعو خرافك من الشوك وخزيه الى الشفاء...

دعوة الرب لحياتي ..

 معلومات عني لمن يرغب في معرفتها .. 👉👉  لم يدعوني الرب حتى الان لان اكون راعياً او قِساً مُرتسماً او اي منصب في كنيسة او حتى خادماً متفرغاً او مسئولاً عن خدمة .. ولذلك هذا لم يكن توجهي ولم اسعى إليه يوماً .. لكن لو هو دعاني .. تبقى على كتفه هو .. وساعتها ها نفذ وها ستمتع بإدارته هو .. وحتى لو ساعدت أحياناً في ادارة اي عمل بينجح في ملكوت الرب فده مسئولية وضعها الرب على كياني لوقت مع شركاء رائعين ادراوا معايا بنجاح .. وشكرا لانه انهى تكليفه لي بشرف كالعادة 👉👉  --------------  توقفت عن خدمات كثيرة سابقاً .. لأسباب رئيسية ..👉👉 السبب الاول .. ادراكي ان دوري في هذه الخدمات انتهى في الوقت الحالي .. و ده بكون مصلي ومتأكد منه .. ومش بستنى موافقة الناس الجماعية .. لان المعظم بيحولك عدو لمجرد انك قررت تاخد مسار مختلف .. وده ما شوفناهوش في كنيسة اعمال الرسل اللي بتبارك وتفرز وتشجع .. !!  السبب الثاني .. دعوة الرب لحياتي بدأت تختلف مع تغييرات طرأت على هذه الخدمات .. وهنا بفضل منفعة الملكوت مش منفعتي انا .. فمش بصارع لان الصراع سمة اللي مش خاضعين للرب .. اللي خاضع للرب ...

مهما كان ازعاج ابليس .. كمل قدام الرب ..

 لأَنَّهُ هكَذَا قَالَ السَّيِّدُ الرَّبُّ قُدُّوسُ إِسْرَائِيلَ: "بِالرُّجُوعِ وَالسُّكُونِ تَخْلُصُونَ. بِالْهُدُوءِ وَالطُّمَأْنِينَةِ تَكُونُ قُوَّتُكُمْ". إشعياء ٣٠ : ١٥ .. الاية دي مهمة جدا جدا جدا .. ابليس بيعمل غبار مزعج وضجيج بمركبات فرعون وجيشه .. لكن "لاَ تَخَافُوا. قِفُوا وَانْظُرُوا خَلاَصَ الرَّبِّ الَّذِي يَصْنَعُهُ لَكُمُ الْيَوْمَ. فَإِنَّهُ كَمَا رَأَيْتُمُ الْمِصْرِيِّينَ الْيَوْمَ، لاَ تَعُودُونَ تَرَوْنَهُمْ أَيْضًا إِلَى الأَبَدِ. الخروج ١٤ : ١٣ .. ده مهم في الوقت ده .. ما تصدقوش الغبار .. روحوا اقفوا قدام الرب في هدوء وعبادة .. لانه ها يصدر قراره بالحسم .. الرب إلهكم مزمع ان يشق البحر لتعبروا و نعم سيغرق كل جيش فرعون ومركباته للابد .. مجداً مجداً مجداً 🙇🏻‍♂️💥

تسقط بابل الزانية ..

 من امبارح و ان بعلن في روحي والنهاردة ها فرح مع اجناد السماويات اللي عاينوا الحدث ده .. بابل الزانية اي تدابير الشيطان ضد شعب الرب في العالم ستسقط وستنتهي .. لا تفرح ايها الشيطان .. ان رد الرب قادم بيد ملائكته الحاملين قضاءه ومجده .. هلليلويا .. 💥💥💥 رؤيا ١٨ .. اِفْرَحِي لَهَا ( من اجل فنائها اي بابل الزانية ) أَيَّتُهَا السَّمَاءُ وَالرُّسُلُ الْقِدِّيسُونَ وَالأَنْبِيَاءُ، لأَنَّ الرَّبَّ قَدْ دَانَهَا دَيْنُونَتَكُمْ". ٢١وَرَفَعَ مَلاَكٌ وَاحِدٌ قَوِيٌّ حَجَرًا كَرَحىً عَظِيمَةٍ، وَرَمَاهُ فِي الْبَحْرِ قَائِلاً:"هكَذَا بِدَفْعٍ سَتُرْمَى بَابِلُ الْمَدِينَةُ الْعَظِيمَةُ، وَلَنْ تُوجَدَ فِي مَا بَعْدُ.

يُشْرِقَ نُورٌ مِنْ ظُلْمَةٍ ..

 النهاردة طول اليوم ها كون بصلي ان الرب يفتقد بنوره كل اللي بنصلي علشانهم ولسة مطروحين في الظلام .. كورنثوس الثانية ٤ : ٦ لأَنَّ اللهَ الَّذِي قَالَ:"أَنْ يُشْرِقَ نُورٌ مِنْ ظُلْمَةٍ"، هُوَ الَّذِي أَشْرَقَ فِي قُلُوبِنَا، لإِنَارَةِ مَعْرِفَةِ مَجْدِ اللهِ فِي وَجْهِ يَسُوعَ الْمَسِيحِ. يارب عايزينهم جيش عظيم لمجدك .. اقم جيشك يارب .. 🙇🏻‍♂️💥

ابليس بيرمي خوف .. !!

  ابليس المخادع بيجي على مجد الرب ونصرته امامك .. ويرمي خوف علشان يشغلك عن الاستمرار في التقدم جوة دعوة الرب المجيدة .. يا ايليا انت لسة دابح انبياء البعل بسلطان الرب .. فوق يا ايليا .. تطلع مين ايزابل اللي بتهددك انها تموتك .. ؟؟ اقف في الروح تاني و امر ان الكلاب تلحس دمها .. لان الرب إلهك سيبيدها من امامك كما اباد انبياءها .. مجداً مجداً مجداً 🙇🏻‍♂️💥

إلهنا ينجي - رؤيا روحية ..

 الصبح كنت بصلي .. وقلبي موجوع على مئات البشر اللي اتقتلوا و لسة ها يتقتلوا .. وبقول يارب الناس دول ماتوا في لحظة هل كانوا يتصوروا كدة .. ؟؟!! و انا بقول كدة .. شوفت كائن عملاق زي الوحش واقف جوة مياه .. ومعاه شبكة يدوية .. وكان شكله بشع كأنه ميت ومليان موت .. وكان واقف بيمد الشبكة دي .. ويخطف فجأة كمية سمك ماشيين بكل هدوء في حالهم في المياه .. وعرفت ان الحروب دي .. كأنها ذبائح له .. ياكل زي ما هو عايز .. ويخطف حياة اي سمك في اي وقت مدام جيه قدامه .. وسط الاسماك دي كانت فيه سمكة لونها ذهبي مميزة .. وعرفت في روحي انها بتمثل مؤمنين حقيقيين مليانين بروح الرب .. والكائن المميت ده .. مسكها وسط السمك بشبكته .. وطلعها بفرح فظيع .. وفتح فمه ومسكها عالي علشان يأكلها .. لكني شوفت المسيح بلبسه الابيض الوديع .. وجاي يجري بسرعة وقوة رهيبة .. ونزل المسيح زي العملاق في المياه دي .. ومسك ايد الكائن ده .. وضربه على فمه ضربة موجعة خليته يبعد وجهه بألم .. ونزع السمكة دي من ايده .. ولم يستطع ان يأكلها .. واتقفلت الرؤيا قدام عيون روحي .. نعم هلليلويا .. لا نموت قبل الوقت .. لاننا لسنا فريسة لأي روح او ...

إلهي ينقذني كعادته ..

  ها شارك بالاختبار ده لمجد الرب .. ولتحذير اللي بعيد عن الرب .. 👉 ده جزء في العربية ال ١٤ راكب بيبقى اسمه " عمود الكردان " .. ده النهاردة اتفصل تماما من العربية اللي كنت راكب فيها وها تعدي على الشغل .. والعربية كانت سرعتها عالية جدا على الدولي .. وكانت طالعة كوبري وفي ملف داخلة عليه .. المهم الجزء ده اتفصل .. وانا صورته للذكرى .. الجزء ده معظم السواقين عارفين خطورته .. ده انفصاله بيسبب ان العربية تقلب مباشرة لو على سرعة عالية وعجلها مال سنة صغيرة .. !!! الناس معايا في العربية .. اللي كان بيسمع اغاني واللي كانت بتحكي في الموبيل واللي نايم واللي بيقرا .. ماحدش كان متخيل ان بينه وبين الموت جزء من ثانية .. !! لو الجزء ده اتفصل بعد ١٥ متر واحنا بنلف كنت باقيت في السما .. !! الرب امر بحفظي .. وفي لحظة العربية فقدت سرعتها ووقفت بالتدريج قبل الملف .. !! ده فكرني .. بمرة من ٣ سنين .. كان معايا مشتريات كتيرة ومروح وسمعت صوت قبيح في ودني انا عارفه برضه .. وقالي " انت تعرف اني اقدر اموتك في لحظة دلوقتي " .. وابتسمت وقولتله .. " ما تعرفش ..انا حياتي مش معاك دي مع الرب وان...

خطر استغلال الازدحام لتقديم فكر غريب عن الحق .. !!

 اصدقائي المباركين .. رجاء محبة عدم المشاركة بأي رابط لأي شيء اخر على هذه الصفحة وتعليقاتها .. 👉 لاني مش بشارك بمحتوى غير و انا متأكد من كاتبه او هدف كتابته او قيمة ما سيتلقاه الاخرين عند الاطلاع عليه .. لان الانترنت مليان مئات و آلاف من المحتوى البصري والسمعي اللي تابع لهويات غير موثوق فيها بالنسبة لي او غير محدد توجهها .. ف دي صفحة شخصية .. عايز تشارك بحاجة .. ابعت لي inbox .. او اكتب فكرك اللي حابب تعرضه و لو طلبت منك مراجع ابعتلي وقتها الرابط inbox .. غير كدة انا بعتذر لاني ها قوم بمسح التعليق اللي فيه الرابط .. 👉 و ده مش إجراء تعسفي .. لا ده حق من حقوقي 👉 لا تفرض اي فكر غريب على المتابعين لانهم واثقين نوعاً ما فيما اكتبه ( اللي بحرص دايماً بقدر المستطاع انه يكون خاضع لروح الرب وكلمته ) مش في الفكر الغريب اللي حضرتك بتقدمه .. في مرات افكار غريبة بتكون خطيرة جداً يقبلها المستمع بسهولة ويعتبرها مذهلة وجديدة .. لكني ببقى شايف خطورتها او ممكن تتفهم غلط ازاي او ممكن تقود لتعليم بعيد عن الكتاب ازاي .. فمش بعرضها اصلاً .. 👉 شكراً لمحبتكم .. ❤️

المسيح بنفسه هو الزائر .. !!

 عدد كبير بيوصيني اني اصلي علشانه .. على فكرة بعمل كدة .. وينفع تتفك القيود و تخرج ارواح شريرة و تتقطع شباك ابليس .. من غير ما اكلمك بالتليفون و من غير ما اكتب ليك و من غير ما اقابلك .. و من غير ما اتابعك .. لان القصة كلها في إلهنا .. بمجرد ما بنضع قلوبنا امامه .. بتصير القصة قصته .. وبيعمل بروحه بنشاط وقوة هائلة .. و لا يحتاج معين له .. و لا يحتاج من يكرر الكلام باطلاً .. فشكراً للمسيح اللي بيزور البعيدين بنفسه و يحضرهم الى نوره العجيب .. 🙇🏻‍♂️💥

عن الملكوت ..

 من واقع حياتى البسيطة مع الرب ..اكتشفت ان دائما ملكوت الرب منسجم .. يعنى لا يوجد صراعات بين افراد هذا الملكوت .. كل فرد بيدرك دوره ودور الاخر بسهولة ويحترمهما ببساطة .. لا يحتاج اى فرد ان يصارع لكى يكون فى مكانة افضل لان الجميع فى مكانة افضل دائما .. الجميع يتمتع بمحبة الرب الفائقة لذا الكل يمتلئون بالشفاء .. فلا احتياج عندهم لأرتداء اقنعة .. ولا يجبروا احد على ارتداء الاقنعة أمامهم .. لانهم يفيضوا بشفاء الرب دائما .. هكذا الملكوت .. كما علمنى الرب ..

لا تصدق .. !!

 لا تصدق اى تعليم من اى شخص حتى لو بتثق فيه .. اذا كان هذا التعليم خارج ما يعلنه الكتاب المقدس .. ☝️☝️ تنشط ارواح التضليل والغى .. فى اولئك الذين يخرجون خارج محضر الرب ليأتوا بمعرفة غريبة .. 👉👉 لا حرية خارج نطاق كلمة الرب .. تضلون اذ لا تعرفون الكتب .. الكتب اى اسفار كلمة الرب .. هى الوحيدة التى تحمل قوة الرب وسلطانه .. 📖📖 لا تضلوا وراء احد .. فالمسيح يسير امامكم لتتبعوا خطواته .. 🙇🙇

حتى لو كنت لص .. !!

 لكل  واحد شايف انه لص على الصليب .. الناس حكمهم عليه صحيح ولازم يموت ويهلك على الارض وللابد .. عايز اقولك حتى لو اتحكم عليك من البشر لسة الرب عنده حكم مختلف .. تعالى للرب .. ونعم تمحى خطاياك وتعيش للابد ولن تهلك .. بسبب الرب .. هلليلويا 🙇🙇🙏🙏

نحن مدعوين لنكون " خليل الرب " ..

 خلال الفترة اللى فاتت كنت عازل نفسى عن معظم الدواير المعتادة اللى بتستهلك وقتى .. وكنت منشغل اكتر بقراءة كلمة الرب ومعرفة فكره من جهة حياتى .. واشكر الرب الفترة دى انتهت وخرجت منها بجملة " خليل او صديق الرب " .. قعدت ادرس فى اصول الكلمة دى " خليل او صديق " .. احد اصولها معناها موضع اهتمام الرب .. ومعناها يتم رعايته مباشرة من جهة الرب .. وليها معنى تانى اعمق وهو شخص محبوب للرب لدرجة ان الرب يحيطه بشكل دائم ويفحصه برعاية دائمة كأنه نبات او تحفة خاصة بالرب .. وبتمثل علاقة بين شخصين فى رفقة دائمة واهتمام بالانفتاح على بعضهم الى اقصى درجة من التعارف والاندماج .. وده اللى بتوصفه الاية دى فى سفر الخروج "وَيُكَلِّمُ الرَّبُّ مُوسَى وَجْهًا لِوَجْهٍ، كَمَا يُكَلِّمُ الرَّجُلُ صَاحِبَهُ. " (خر 33: 11) والرب كان بيملى روحى ان ده وقت تبان فيه ملامحه فى ملامح حياتنا كلها .. بضعفها وقوتها .. ويرى العالم الرب بوضوح من خلالنا .. ومن طول القعدة معاه نكتسب صفاته ونصبح مثله .. "الْحَدِيدُ بِالْحَدِيدِ يُحَدَّدُ، وَالإِنْسَانُ يُحَدِّدُ وَجْهَ صَاحِبِهِ." (أم 27: 1...

متكعبلين جوة ظروف صعبة .. !!

 للناس اللى حاسين انهم متكعبلين جوة ظروف صعبة مش عارفين يخرجوا منها .. ولا عارفين اولها من اخرها .. 😭😭 عايز اقولكم .. دى شبكة .. ودى نفس احاسيس اللى فى الشبكة .. لكن هلليلويااااا .. تبطل قوة الشبكة حتى لو اتحبسنا فترة جواها .. تبطل فقط بسبب الرب .. 💪💪 عَيْنَايَ دَائِمًا إِلَى الرَّبِّ، لأَنَّهُ هُوَ يُخْرِجُ رِجْلَيَّ مِنَ الشَّبَكَةِ. المزامير ٢٥ : ١٥ 📖📖 هو وحده يخرجنا .. لانه الجبار الوحيد الذى يخلص ..

اهمية كلمة الرب - رؤيا روحية ..

 الصبح قومت من نومى .. على رد المسيح على الشيطان .. ليس بالخبز وحده يحي الانسان بل بكل كلمة تخرج من فم الله .. وشوفت فى روحى ناس بياكلوا خبز من العالم .. ماشيين ماسكين أرغفة وبياكلوها بجشع فظيع وكأنهم مش بيشبعوا ابدا .. لكنهم للاسف كانوا بيجاهدوا كأنهم ماشيين عكس اتجاه الرياح .. بيجاهدوا فى العالم الروحى .. وفى الصراع مع ابليس .. كل ما يتقدموا بكفاح خطوة كانوا بيرجعوها .. او بيرجعوا كذا خطوة .. لا يمكن لخبز العالم ان يصمد ضد الظلام .. 😭 ولكن لابد لخبز اخر هو كلمة الرب .. وده اللى المسيح قاله فى اكل ها يخلى البشر يعيشوا ولا يموتوا فى الظلام الابدى .. وهذا الاكل هو كل كلمة تخرج من فم الله 📖📖 ابليس بيجتهد اننا لا نلتصق بكلمة الرب .. لانه يعلم جيدا قوة كل كلمة خرجت من فم الرب .. هو يعلم ان هذا الحق سيدمر الظلام ويطلق انوار السماء فى عالمنا .. 💥💥 إشعياء ٨ : ٢٠ إِلَى الشَّرِيعَةِ وَإِلَى الشَّهَادَةِ ( الحياة الشاهدة عن كلمة الرب ) . إِنْ لَمْ يَقُولُوا مِثْلَ هذَا الْقَوْلِ .. فَلَيْسَ لَهُمْ فَجْرٌ! ( نور ينتصر على ظلامهم ) ..

هو من يدهم للهلاك .. !!

 من شوية كنت بصلى وكان الرب بيكلمنى .. 🙏 ان اعطاك الناس ولو كل العالم .. فهو من يدهم للهلاك .. ☝️ وان اعطيتك انا اقل ما فى العالم .. فهو من يدى للحياة ..

لو حاسس انك في البرية لوحدك .. !!

 لكل شخص عنده احساس انه فى البرية لوحده .. بيواجه الليل ووحوشه .. 👉👉 عايز اقولك ما تخافش يا يعقوب ..لان إلهك ها يفاجئك بمجده ..هلليلويا .. فى ظروفك الصعبة دى .. ها تختبر بيت ايل .. ها ترى الملائكة ومجد الملك ها يسطع فى ظلامك .. هلليلويا نعم الرب سينير ظلمتك .. 💪💪

لماذا ادرس بإستمرار ؟!

  درست ومازلت ادرس كلمة الرب وسأستمر في فحصها بتدقيق .. وهذا ليس بهدف الحصول على اي شهادة .. ولكن بهدف معاينة مجد الرب .. 🙇🏻‍♂️💥

يا يوسف .. مش ها تعيش طول عمرك متعذب ..

 يا يوسف .. مش ها تعيش طول عمرك متعذب ومتشوه من ذكريات اخوتك اللي رموك في بئر و اخدوك منه و رموك عبد للمجهول لشعب انت لم تعرف لغته .. بيقتلوا نفسك و انت عايش .. لكن لا القصة ما انتهتش .. إلهك ها يحتضنك بشفاء هائل .. و السجن وتشويه مش ها ينتصروا على محبة وحصار إلهك .. من هناك تخرج لتملك على مصر وعلى كل بيت ابيك .. الرب يرسل التعضيدات من اجلك .. احلام الرب في اعماقك تتم وتدابيره تثبت .. نعم افرايم و منسى لابد ان يأتوا .. الاثمار والشفاء من الالم .. بسبب الضامن .. نعم إلهك حي معك في مصر .. مجداً مجداً مجداً 🙇🏻‍♂️💥

لن يتوقف الشيطان .. لكن مسيحنا مستمر للابد ..

 لن يتوقف الشيطان عن إلصاق العار و الأكاذيب بحياة كل من يعيشون على الارض .. لقد حرك بنيه ليصفوا المسيح نفسه بأن به شيطان و انه يخدم بعلزبول .. وانه اكول وشريب خمر .. !! اليوم الرب يملأك بالسلطان و تطرح عنك بقوة خلاصه .. كل عار وادانة كاذبة من الشرير وبنيه .. بعلن ايماني .. انك لن تكمل حياتك تنزف بسبب هذا العار والكذب .. واجه الشيطان وانت راسخ في ايمانك بالرب .. نعم يرجع هو امامنا في هزيمة وعار للابد .. المسيح هو رجاء مجدنا المستمر .. مجداً للرب يسوع المسيح للابد .. 🙇🏻‍♂️💥

قوانين الرب تثبت ..

 ارميا ١٧ .. مُبَارَكٌ الرَّجُلُ الَّذِي يَتَّكِلُ عَلَى الرَّبِّ، وَكَانَ الرَّبُّ مُتَّكَلَهُ، ٨فَإِنَّهُ يَكُونُ كَشَجَرَةٍ مَغْرُوسَةٍ عَلَى مِيَاهٍ، وَعَلَى نَهْرٍ تَمُدُّ أُصُولَهَا، وَلاَ تَرَى إِذَا جَاءَ الْحَرُّ، ( جذورها عميقة في داخل الارض لا تستطيع رياح الحر ان تكشفها بإزاحة التربة عنها لانها في العمق ممتدة وثابتة ) 🌳 وَيَكُونُ وَرَقُهَا أَخْضَرَ، 🌿🍀☘️🌱 وَفِي سَنَةِ الْقَحْطِ لاَ تَخَافُ، وَلاَ تَكُفُّ عَنِ الإِثْمَارِ. 💥💥💥 بعلن يارب ايماني ان قوانينك تثبت وتنفذ في حياة الخاضعين لشخصك للابد .. 🙇🏻‍♂️

رغم الالم والتشوه ..

 لكل شخص اتعرض لألم وتشوه رهيب ومش عارف يهرب من الوجع ده .. بعلن بالايمان .. ان شفاء الرب ها يغمرك لغاية لما تنسى هذا الشقاء .. و ده عمل معجزي ها يعمله الرب وليس انسان .. أيوب ١١ : ١٦ لأَنَّكَ تَنْسَى الْمَشَقَّةَ. كَمِيَاهٍ عَبَرَتْ تَذْكُرُهَا. يشفيك المسيح بنفسه ويخرجك من سجنك للابد .. مجداً مجداً مجداً 💥🙇🏻‍♂️

بِإسْمِ الرَّبِّ أُبِيدُهُمْ. 👉💥

 النهاردة طول اليوم ها كون بصلي بالاية دي 👇 المزامير ١١٨ : ١٢ أَحَاطُوا بِي مِثْلَ النَّحْلِ. انْطَفَأُوا كَنَارِ الشَّوْكِ. بِإسْمِ الرَّبِّ أُبِيدُهُمْ. 👉💥 نعم تنطفىء يارب جميع سهام الشرير الملتهبة تجاهنا .. و كل ما يجتمع ضد مشيئتك الصالحة لبنيك ستحطمه انت دائماً .. نعم لا تقوم و لا تكون آلات الاشرار وتدابيرهم .. نعم بإسمك اعلن ابادتهم امام ملكوتك الممتد فينا و بنا .. مجداً مجداً مجداً 🙇🏻‍♂️💥

خسائر عالمية .. !!

 و انا بصلي علشان خسائر عالمية رهيبة اقتصادية ها تضرب العالم .. نتيجة الحروب الحالية والقادمة .. بقول للرب يارب ده في ناس كدة ها يتدمروا تماما .. وبتكلم عن ناس معاهم ثروة تعتبر جزء من اقتصاد عالمي وكانوا اصحاب نفوذ في عالم البشر .. فشوفت اشخاص مناظرهم اصحاب ثروة ضخمة ببدلات وذهب وسيجار فاخر جداً .. وتحولوا الى منظر بدلات ممزقة ومناظرهم يغطيها التراب والالم كأنهم بقوا شحاتين .. !! وسمعت عبارات واضحة من الرب .. وها كتب تفسيرها الواضح لي و انا بسمعها 👉 " أليس هم يخافوا على انفسهم فقط ؟؟ " ( سؤاله كأنه بيستنكر انانيتهم ومجدهم الزائف ) .. " اذاً فليثبتوا في الحرب !! " ( وكانت لغة الرب كمن يتحداهم للثبات لانهم لن يستطيعوا ) .. " الحرب ليست للضعفاء " .. ( يعني دول ضعفاء مهما امتلكوا وها يتدمروا تماما بدون الرب ) " الحرب هي للرب " .. ( و دي كانت اخر جملة ومعناها ان الوحيد اللي ها يقدر ينتصر بالناس ويخرج بيهم برة الدمار ده هو الرب بنفسه فقط .. و اي حد اعتمد على اي قوة تانية ها يفشل وها يتدمر وممكن يموت نفسه كمان ).. مجداً مجداً مجداً .. ليمجدك يارب خائفي...

ايها الخاطي .. تعالى للمسيح محبته فائقة - رؤيا روحية ..

 الصبح كنت بصلى 🙇🙇 وشوفت نفسى وناس كتير .. بنفس اشكالنا بس خامتنا خزف او فخار .. وكنا متكسرين تماما كأنها اوانى خزفية وقعت اتكسرت اجزاء .. وشوفت الرب يسوع بيجمع فى اجزائى من كل حتة .. واللى لفت نظرى انه كان بيبكى بحرقة رهيبة .. وبيقول انا مش ممكن ها سيبك انت غالى عندى وانا بحبك .. حسيت وقتها ان مشاعره اعلى من اللى ممكن ادركها عن على الارض .. مشاعر اكبر من اللى بنسميها محبة فى عالمنا هنا .. !! وكان عمال يمسح بظهر ايده دموعه علشان يشوف .. وكان بيكمل تدوير فى كل حتة علشان يجمعنى .. ويجمع ناس كتير .. ولاده حبايبه .. دموعه كانت زى الشمع السايل كانت بتلحم الاجزاء المكسورة ببعض وهو ماسكهم فى ايده .. حسيت وقتها .. ازاى احنا بنبقى عاجزين تماما .. وهو بيشفينا ومش بيرمينا ولا بييأس مننا .. ولا بتقل قيمتنا فى عيونه علشان اتكسرنا حتت .. !! اصله فعلا بيحب .. هو ده يسوع ❤️ تعالى الى المسيح ايها الخاطي .. لا تجلس وحدك في ظلامك .. المسيح محبته فائقة و لن يتخلى عنك .. و حتماً سيشفيك للابد .. ❤️🙇🏻‍♂️💥

لكل شخص بيتحارب ..

 لكل شخص بيتحارب .. والعدو بنشاط وبكذب بيصيح امامه ليرعبه انه ها ينهزم .. 👉 لا .. دي كذبة .. من زمان الرب قالي .. لا توجد ازمنة لإنتصار الشياطين في حياتي التي يملك هو عليها .. الرب مش بينهزم ابداً .. و اقولك على حاجة كمان .. ده الرب بنفسه مش مستنيهم يجوا يهجموا علشان هو يدافع عني .. لا .. ده هو اللي بيشن هجمات عليهم بشكل مستمر من خلال حياتي وبيرعبهم .. نعم الرب مقرر ان له حرب مع عماليق من دور الى دور يعني من زمن ل زمن .. لغاية لما ها يمحي اسمهم من تحت شمسه للابد .. الخروج ١٧ : ١٤ فَقَالَ الرَّبُّ لِمُوسَى: "اكْتُبْ هذَا تَذْكَارًا فِي الْكِتَابِ، وَضَعْهُ فِي مَسَامِعِ يَشُوعَ. فَإِنِّي سَوْفَ أَمْحُو ذِكْرَ عَمَالِيقَ مِنْ تَحْتِ السَّمَاءِ". الخروج ١٧ : ١٦ وَقَالَ: "إِنَّ الْيَدَ عَلَى كُرْسِيِّ الرَّبِّ. لِلرَّبِّ حَرْبٌ مَعَ عَمَالِيقَ مِنْ دَوْرٍ إِلَى دَوْرٍ". مجداً مجداً مجداً 🙇🏻‍♂️💥

لكل شخص بيتعثر في الحياة ..

 لكل شخص بيتعثر في الحياة .. 👉👉👉 لا تصدق كذبة ابليس .. انك هدف سهل له و انه حطك في دماغه و ها يدمرك ويفترسك و لا منقذ .. لا .. لا .. لا .. الحقيقية انك هدف للرب .. و الرب مصمم يقيم منك بطل .. زكريا ١٢ : ٨ فِي ذلِكَ الْيَوْمِ يَسْتُرُ الرَّبُّ سُكَّانَ أُورُشَلِيمَ، فَيَكُونُ الْعَاثِرُ مِنْهُمْ فِي ذلِكَ الْيَوْمِ مِثْلَ دَاوُدَ، 👉💥💥 وَبَيْتُ دَاوُدَ مِثْلَ اللهِ، مِثْلَ مَلاَكِ الرَّبِّ أَمَامَهُمْ. الرب ها يعمل منك شخص ملآن بقوته وعجائبه كمحاربي بيت داود الجبابرة .. و كالملائكة الواقفين امام وجهه الملآنين بعظائمه وعجائبه للابد .. بإسم الرب يسوع تشدد وتمتلىء قوة وتقوم وتقفز في مجد و حياتك لن تكون محتضنة بالموت .. بل ستفيض بحياة الرب .. نعم الرب بمجده فينا احنا العاثرين .. ها يخزي ويدين الشياطين للابد .. مجداً مجداً مجداً 🙇🏻‍♂️💥

استمر في عبادة حقيقية للرب .. رغم قيودك وألمها .. !!

 استمر في عبادة حقيقية للرب .. رغم قيودك وألمها .. 👉 لانه بسبب عبادتك هذه .. ستسقط قيودك وقيود الجميع .. 👏 وَنَحْوَ نِصْفِ اللَّيْلِ كَانَ بُولُسُ وَسِيلاَ يُصَلِّيَانِ وَيُسَبِّحَانِ اللهَ، وَالْمَسْجُونُونَ يَسْمَعُونَهُمَا. ٢٦فَحَدَثَ بَغْتَةً زَلْزَلَةٌ عَظِيمَةٌ حَتَّى تَزَعْزَعَتْ أَسَاسَاتُ السِّجْنِ، فَانْفَتَحَتْ فِي الْحَالِ الأَبْوَابُ كُلُّهَا، وَانْفَكَّتْ قُيُودُ الْجَمِيعِ. اعمال الرسل ١٦ .. هلليلويا 💥💥💥 استمر في عبادة الرب .. لان القيود تنكسر مهما كانت قوتها في حضور الرب .. 🙇🏻‍♂️🔥

ليه بكتب .. ؟؟

  انا بكتب هنا .. مش علشان اجمع شعبية ولا علشان اطلع في برنامج على قناة مثلا .. ولا علشان اقف على منبر .. ولا علشان اثبت اي شيء لأي حد .. ولا علشان اقتني سيرة على الارض .. لاني مش غبي علشان افقد سيرة مجيدة مع الرب بسبب شوية تصفيق من الناس .. لا خالص .. مش ها يحصل .. انا بكتب هنا علشان ده تكليف لي من الرب .. دوري ان اخلي مصابيح المختارين مليانة بالزيت .. علشان ما تنطفيش قبل الوقوف قدام مجد العريس .. ولو الرب وجهني لأي حاجة تانية ها عملها وانا مستمتع بالرب برضه .. حتى لو كانت اغلاق الصفحة دي نفسها .. امين 🙏🙏

لأَنَّكَ أَنْتَ تُبَارِكُ الصِّدِّيقَ يَا رَبُّ. 💥 ..

 النهاردة طول اليوم ها كون بتهلل وبفرح امام الرب بهذه الاية .. 👇 المزامير ٥ : ١٢ لأَنَّكَ أَنْتَ تُبَارِكُ الصِّدِّيقَ يَا رَبُّ. 💥 كَأَنَّهُ بِتُرْسٍ تُحِيطُهُ بِالرِّضَا. 💥 بركاتك ها تغطينا يارب .. رضاك هو ترس امام كل حرب .. للابد .. مجداً مجداً مجداً .. 🙇🏻‍♂️💥

لكل شخص إلتصق بيه خزي ..

 لكل شخص إلتصق بيه خزي واتربط الماضي بتاعه وذكرياته .. لدرجة انه بيتخنق وبيبكي بالدموع ومش عارف يهرب من الالم ده .. اثبت قدام الرب بخزيك وألمك .. لان الرب عادل جداً جداً جداً ورحيم جداً جداً جداً .. و ها يفضل يسكب من المجد اللي له عليك .. وها يضيف لك من رصيده هو .. لغاية لما اعدائك ها يتذللوا امامك بسبب مجد إلهك اللي فيك .. هلليلويا 💥💥💥 لكل شخص إلتصق بيه خزي من الماضي .. 👉

لا تعودوا تروا المصريين ..

 عيش بكلمات الرب مش بكلمات الشياطين .. الرب بيقول .. لا تعودوا تروا المصريين .. ليه عايش حياتك في رعب وبتبص دايما وراك .. ؟؟ وحتى لو الاحداث بتقول ان المصريين مازالوا كبار .. خلاص الرب خلص قصتك انت .. هو قال انك مش ها تشوفهم بيستعبدوك تاني .. حتى لو استعبدوا الدنيا كلها .. إليك لن يقربوا .. ليكن الرب صادق .. وكل انسان كاذب .. امين 🙏🙇🏻‍♂‍ عيش فقط بكلمات الرب .. نعم لا تعود ترى المصريين .. 🙇🏻‍♂️💥

الكلمات البطّالة .. !!

 في ناس كلماتهم البطالة ربطت فكر او حياة ناس .. سواء بمشورة او بترويج سمعة او بحكم ليس من الرب .. وضعاف النفس صدقوهم وحياتهم وبيوتهم وزواجهم اتربطوا .. وتم اعاقتهم عن الاستمتاع بمشيئة الرب لهم .. بسبب هذه الكلمات .. هؤلاء البشر الاشرار حتى لو موقعهم ديني تكلموا بكلمات هتفت لها الشياطين .. و لم تهتف لها السماء .. الرب ها يدينكم على هذه الكلمات .. توبوا لكي لا ينتهي الزمن .. وتقفوا بخزي امام الديان العادل .. 👉

لكل شخص اعدائه اقوى منه ..

  التثنية ٧ : ١٨ فَلاَ تَخَفْ مِنْهُمُ. 👉 اذْكُرْ مَا فَعَلَهُ الرَّبُّ إِلهُكَ بِفِرْعَوْنَ وَبِجَمِيعِ الْمِصْرِيِّينَ.💥 ما تخافش منهم .. لكن اقف بصمت امام الرب وترقب وايمان .. لان الرب سيصنع بهم كما صنع بفرعون وجيشه .. مجداً مجداً مجداً 🙇🏻‍♂️💥

لا توجد مواسم في عمرنا للشيطان ..

 من زمان الرب علمني .. لا توجد مواسم او سنين او شهور او ايام او ساعات او دقايق او لحظات في عمري .. خاصة بالشيطان او ها ينتصر فيها .. 👉 لا حقوق له فيّ .. و اللي اخده ها يرجعه غصب عنه .. فلو صحيتوا لاقيتوا رياح يأس او تدمير او او .. اوعى تقول انا عارف هو ابليس شكله بينتصر النهاردة .. ❌ لا .. دي كذبة غير حقيقية في ملكوت الرب .. ❌ العمر كله لإلهنا وللابد .. 👉🙇🏻‍♂️

وَعَاضِدُ الصِّدِّيقِينَ الرَّبُّ ..

 النهاردة طول اليوم ها كون بصلي بالاية دي 👇 المزامير ٣٧ : ١٧ لأَنَّ سَوَاعِدَ الأَشْرَارِ تَنْكَسِرُ، 👉 وَعَاضِدُ الصِّدِّيقِينَ الرَّبُّ.💪 و ده اعلان عن قانون في العالم الروحي ثبته الرب تجاه بنيه .. والنهاردة ها قف اطالب بتنفيذه في المسيح في كل حرب انا شايفها او غير مدرك لها .. نعم الاشرار بظلمهم ينكسرون في الهلاك للابد .. و نحن نقوم بالرب في حياته للابد .. مجداً مجداً مجداً 🙇🏻‍♂️💥

يا ابراهيم .. انت خارج مع الرب ..

 يا ابراهيم .. انت خارج مع الرب وفعلاً انت لا تعلم اي شيء قادم .. والناس ها يعتبروك مختل .. !! لكن هلليلويا .. الرب إله كامل .. ويعلم .. ومستعد .. وعنده بركات وتعويضات جاهزة لكل مرحلة .. ومعاه نسلك ها يكون ك رمل البحر .. ولو تطلب الامر انك تحارب خمس ملوك .. ها يكون معاك وها تنتصر .. هلليلويااااا 💥💥💥 يا ابراهيم .. حتى لو انت لا تعلم اي شيء قادم .. إلهك السائر معك ها يكون جاهز ومستعد دائماً .. مجداً مجداً مجداً 💥🙇🏻‍♂️

ابليس روّج لنفسه ..

 الفترة الاخيرة ابليس روج لنفسه اوي .. ان آلاته ومؤامراته ناجحة وبتنجح .. لكن لا .. دي كذبة .. والرب ها يكسر اذرع ابليس واحد ورا الثاني وها يقطع راسه .. داجون لازم ها يكون بيتحطم قدام عهد الرب مع شعبه .. الرب بيفضح خدام مملكة ابليس في كل المجالات .. وبيخليهم يحاربوا بعض .. لانهم فعلا في الظلام .. ومش شايفين .. ومشورتهم تكون لهلاكهم .. اما مؤامرة الرب تثبت الى الابد .. هلليلويا 💥💥💥

أَنَّهُ تَعَلَّقَ بِي أُنَجِّيهِ.

 النهاردة طول اليوم ها كون بصلي بالاية دي 👇 " لأَنَّهُ تَعَلَّقَ بِي أُنَجِّيهِ. أُرَفِّعُهُ لأَنَّهُ عَرَفَ اسْمِي. ١٥يَدْعُونِي فَأَسْتَجِيبُ لَهُ، مَعَهُ أَنَا فِي الضِّيقْ، أُنْقِذُهُ وَأُمَجِّدُهُ. ١٦مِنْ طُولِ الأَيَّامِ أُشْبِعُهُ، ( لن يقتله ويحطمه هذا الضيق ) وَأُرِيهِ خَلاَصِي". ( لاني خلقته ليعاين خلاصي من هذا الضيق ) مزمور ٩١ .. إلهنا هو الوحيد اللي جاهز لنجدتنا في ازمنة الضيق .. نعم يمد ذراعه القوية وينتشل كل من يتعلق به .. نعم هو خلقنا لنعاين خلاصه ومجده للابد 👉💥

يقاوم الرب المستكبرين ..

 يقاوم الرب المستكبرين .. اي المتعاليين او الناظرين بتحقير للاخرين او الناظرين بتفاخر لنفسهم .. او من لهم نمط حياة يتعالوا به عن عمد على الآخرين في جسده .. حتى لو اللي بيقولوه في الخارج عكس ما في داخلهم .. الرب إلهنا ينظر الى حالة القلب .. اي الى اعمق منطقة في الانسان .. يقاوم لا يقدم لهم ما يدعم كبريائهم .. و دي مصيبة لانهم ممكن يكبروا بدعم من العالم او الشرير .. الرب يفتح العيون .. نتضع ونطلب غفرانه وتنقيته .. لكي لا نتعثر في تعييرات الظلام .. 🙇🏻‍♂️

الحاجة للصخر ..

 نحن في احتياج الى الراعي صخر إسرائيل وكلمته .. 👉📖💥 انجيل لوقا ٦ .. ٤٧كُلُّ مَنْ يَأْتِي إِلَيَّ وَيَسْمَعُ كَلاَمِي وَيَعْمَلُ بِهِ أُرِيكُمْ مَنْ يُشْبِهُ. ٤٨يُشْبِهُ إِنْسَانًا بَنَى بَيْتًا، وَحَفَرَ وَعَمَّقَ وَوَضَعَ الأَسَاسَ عَلَى الصَّخْرِ. فَلَمَّا حَدَثَ سَيْلٌ صَدَمَ النَّهْرُ ذلِكَ الْبَيْتَ، فَلَمْ يَقْدِرْ أَنْ يُزَعْزِعَهُ، لأَنَّهُ كَانَ مُؤَسَّسًا عَلَى الصَّخْرِ.

حتى لو بتواجه معطلات رهيبة ..

 لكل شخص مدعو من الرب وخاضع لمشيئته .. انت بتواجه معطلات رهيبة بتثبت لك كل يوم ان دعوة الرب مستحيل تكمل في واقعك .. لكن لا .. هي ها تكمل طول ما انت خاضع .. نعم الرب إلهك عارف وجاهز .. في وقت الرب .. هذه المعوجات ستصير مستقيمة .. وكل وطاء سيرتفع .. وكل جبل سينخفض .. والطرق المتشعبة ستكون سهلة العبور .. ليس مثل الرب إلهنا للابد .. سيذهلنا الرب كعادته .. مجداً مجداً مجداً 🙇🏻‍♂️💥

خلصت يا جليات .. !!

 خلصت يا جليات ال ٤٠ يوم التعيير لشعب الرب .. طيب الدور بقى على الرب ومسحته .. مش ها تقدر انت وآلهتك المظلمة تثبتوا حتى ل ٤٠ دقيقة .. ومش بسيف ولا برمح .. ولا بمهارة انسان .. لان الحرب هي للرب .. والرب يدوبك يرميك بحجر صغير وينهي قصتك .. هلليلويا .. الملك بيخلص القصص في وقته بكل بساطة .. 💪💪💥💥 خلاص خلصت تعييراتك يا جليات .. شوف بقى قوة إلهي .. مجداً مجداً مجداً 👉🔥

هَا إِنَّهُمْ يَجْتَمِعُونَ اجْتِمَاعًا لَيْسَ مِنْ عِنْدِي ..

 النهاردة طول اليوم ها كون بصلي بالاية دي 👇 إشعياء ٥٤ : ١٥ هَا إِنَّهُمْ يَجْتَمِعُونَ اجْتِمَاعًا لَيْسَ مِنْ عِنْدِي. ( يجتمعون ضد اكرامي و افكار الخير والسلام التي اعدتها من اجلك ) مَنِ اجْتَمَعَ عَلَيْكِ ( كل تدابيرهم في الظلام لترهيبك وتعطيلك واعاقة اعمال فيك ) فَإِلَيْكِ يَسْقُطُ. ( تنتهي بالسقوط والفشل لاني معك لأثبتك ولتنجح ) نعم سيظل إلهنا قاضي عادل .. وسيرتعب من حكمه الشياطين وابنائهم للابد .. مجداً مجداً مجداً 🙇🏻‍♂️💥

اسْتُرْنِي مِنْ مُؤَامَرَةِ الأَشْرَارِ ..

 النهاردة لباقي اليوم ها كون بصلي بالاية دي 👇 (مزمور 64: 2). "اسْتُرْنِي مِنْ مُؤَامَرَةِ الأَشْرَارِ، مِنْ جُمْهُورِ فَاعِلِي الإِثْمِ،" المؤامرة بتبقى خطة لا يمكننا كشفها بسهولة .. لذلك لا نراها لنتخذ طرقاً للاحتماء من أثرها .. لكن هلليلويا .. كاتب المزمور ادرك بالايمان .. ان إلتصاقه بالرب هو الامان الكامل .. لان الرب يرى الظلمة بوضوح ولا يختبيء شيء امامه .. هو يتلف المؤامرات التي لا نراها .. ولو هجم جمهور من فاعلي الاثم بمؤامراتهم .. فسيسترنا إلهنا ويسحق اعمالهم للابد .. مجداً مجداً مجداً 🙇🏻‍♂️💥

لمن ليس له انسان يساعده ..

 لكل حد شايف ان ليس له انسان يساعده ويلقيه في البِرْكَة متى تحرك الماء .. يا باختك .. 💥 ومين قالك ان الرب مجهز لك شفاء لقصتك بمعونة الناس اللي انت انتظرتهم وخذلوك .. ؟!! ده انت الرب جايلك لقصتك لوحدك .. بنفسه هو .. وها يملاها بمجده هو .. !! هلليلويا 💥🙇🏻‍♂‍ يا باختك .. الرب جاي لقصتك بنفسه و هو لن يحتاج لمعين .. مجداً مجداً مجداً .. 🙇🏻‍♂️💥

سأعطيك مما لي ..

 في مرة كنت بكلم الرب عن احتياجاتي .. ف رد في روحي وقالي " انا لن اعطيك الكثير من المال لكني سأعطيك مما لي " .. وقتها فهمت ان المال هو اضعف و اقل شيء عند الرب .. لان عنده حياة مليانة شفاء وشبع تجعل المال كبعض القطعة المعدنية او الورقية البالية .. اطلبوا اولاً ما للرب .. لان الباقي هو الاقل في القيمة .. 👉🙇🏻‍♂️

طرق بَيْتِكَ فِي قُلُوبِهِمْ ..

 النهاردة طول اليوم ها كون بصلي بالاية دي 👇 المزامير ٨٤ : ٥ طُوبَى لأُنَاسٍ عِزُّهُمْ بِكَ. ( يا باخت وسعادة الناس اللي ها يعيشوا على الارض و هما مدركين قيمة إلتصاقهم بيك يارب ) طُرُقُ بَيْتِكَ فِي قُلُوبِهِمْ. ( الناس دول عرفوا ازاي يوصلوا دايماً لحضورك و يسكنوا في امان واستمتاع بعبادتك في داخل قلوبهم ) امين ادخل بينا يارب لعمق جديد .. و تكون قلوبنا جواها مئات الطرق المفتوحة على حضورك .. ايوة دي ازمنة لمعاينة مجدك 🙇🏻‍♂️💥🔥

لكني اعرف يسوع .. !!

 امبارح قومت من نومي على حلم بشارك فيه شخص بكلام عن الحرب الروحية .. و قولتله .. " انا ما عرفش كل العالم الروحي .. لكني اعرف المسيح " و قومت من نومي على الجملة دي .. ايوة المسيح كافي جداً وهو كل ما نحتاج وسنحتاج للابد .. ايوة هي دي دعوتنا ان نعرفه هو وحده .. ونشترك معه في آلامه ومجد قيامته للابد .. مجداً مجداً مجداً .. 🙇🏻‍♂️💥

احذر من المعزون المتعبون .. بوابات المشاعر ..

 من البوابات الهامة لأعماق الانسان .. هي بوابة المشاعر .. لان لما بتتعاطف مع شخص او بتقبل تنفتح عليه .. بينفع وقتها ينقل ليك مشاعره وتوجهاته ويشاركك وتشاركه .. ده جزء من تصميم الرب لنا .. و اعتقد ده تصميمه في كل مملكته العاقلة .. وهدفه المجتمع .. فالملكوت مجتمع راقي جدا جدا جدا يسوده الرب .. لكن المصيبة ان احد بوابات المشاعر هي المواساة او التعزية .. فاللي بيواسيك او بيعزيك بتنفتح عليه بسهولة جدا .. احذر احذر احذر .. ايوب وصف وصف خطير .. معزون متعبون .. يعني ناس شكلهم الخارجي بيعزي ويواسي .. وده المفروض يشفي جزء جواك .. لكن لا ده مش بيحصل .. دول بيزودوا ألمك وتشوهك وتعبك .. و احيانا بيقودوا لزنى ونجاسة وعلاقات مريضة وكوارث ..!! انعزل عن هؤلاء فوراً علشان تستقبل من الرب تعزيته .. حتى لو ها تفضل فترة في ألمك لوحدك منتظر الرب .. ميز بالرب اثر كل علاقة وتعزية .. ليكن ايضا كلامنا بالروح و الا فلنصمت الى ان ننال كلام بالروح بالذات في اوقات التعزية .. امين .. 🙏🙏 احذر من المعذيين المتعبون .. الرب يعطنا التمييز دائماً لما نقول ولما نسمع .. 🙇🏻‍♂️🙇🏻‍♂️

، أَجْعَلُكِ فَخْرًا أَبَدِيًّا فَرَحَ دَوْرٍ فَدَوْرٍ. 👉💥

 النهاردة طول اليوم ها كون بصلي بالاية دي 👇 اشعياء ٦٠ : ١٥ .. عِوَضًا عَنْ كَوْنِكِ مَهْجُورَةً وَمُبْغَضَةً بِلاَ عَابِرٍ بِكِ، أَجْعَلُكِ فَخْرًا أَبَدِيًّا فَرَحَ دَوْرٍ فَدَوْرٍ. 👉💥 نعم بصدق يا إلهي قوانينك تكسر قوانين البشر .. تعوض عن ازمنة بأزمنتك .. تعطنا من ارصدة مجدك .. نعم يكون لنا فخر رصيده يمتد للابد .. وتسري في حياة منتظريك قوة كلماتك .. نعم يقوم و يركض قارئها للابد .. مجداً مجداً مجداً 🙇🏻‍♂️💥

لكل شخص احاط به الاشرار ..

 لكل شخص ماشي مع الرب .. واحاط به اشرار في حياته سواء في شغل او عيلة او او او .. ونصبوا له فخاخ وقصدوا له شراً .. ما تخافش لان الرب عايز يظهر ليك مدي قوته .. قوته اكبر مما تتخيل .. وها يوريلك ايديه وهي بتصنع بالشر ده خيره هو الرهيب في حياتك .. هلليلويا ها تشوف كل فخ مبني ازاي بإحكام و باذلين فيه مجهود علشان ما تخرجش منه .. وبرضه ها تشوف براعة الرب اللي بتحمق مشورتهم وبتطلع بيك لمجد اعظم .. احكيلهم يا يوسف .. قولهم يا دانيآل .. هلليلويا .. إلهنا مذهل ولسة ها نشوف معاه العجاااايب .. 💥💥💥

العدو يهمس بالموت والظلام .. و الرب يطلق انوار كلماته وخلاصه - رؤيا روحية ..

 من شوية كنت قاعد وجوايا بوضوح ان العالم مليان بصوت ابليس وأكاذيبه .. لدرجة ان الناس ما باقوش عارفين يميزوا ان ده صوت ابليس او ان ده كذبه .. بقى ده العادى بالنسبة لهم .. وللاسف عمرهم ما ها يعرفوا كدة غير لو فتحوا كلمة الله وبدأوا يسمعوا لصوته وللحق اللى خارج منه .. وانا بفكر وبقول الناس دول فى مصيبة كبيرة تستمر للابد .. شوفت غرفة خشب مظلمة رطبة .. كأنها مخزن قديم اوى .. شوفت جواها ارواح وكائنات مفزعة جدا واشكالها مختلفة .. منهم اللى طالع من خلال ارض الغرفة زى الدخان الابيض .. ومنهم اللى بيطلع فجأة بوجه مفزع صارخ من خلال ظلام الغرفة .. قعدت اصلى يارب ايه المكان ده .. ده مش جحيم واكيد مش فيلم رعب .. لاقيت باقى المشهد بيبان .. شخص قاعد على كورسى .. ومربوط من ايديه فى ظهر الكرسى .. ومربوط من رجليه فى رجلين الكرسى .. مليان جروح وخوف هائل .. وباصص للارض مرعوب .. الرب ورانى القيود اللى رابطاه عاملة زى الثعابين والحيات .. لكنى شوفت بداية القصة .. كائنات شيطانية واقفة من بعيد خالص خارج الغرفة .. وعمالين يعلوا صوتهم يمين وشمال كأنهم بينادوا او بيعلنوا خبر .. صوتهم عامل زى الموجات .. شوفت صوت...

محبة المسيح الفائقة - رؤيا روحية ..

 من شوية كنت بصلي .. وبشارك الرب بتعبي وظروف صعبة بمر بيها .. وشوفت المسيح على الصليب بينزف ومتألم .. لكن اللي حصل أذهلني .. شوفته بيبص لي و انا بقوله انا تعبان .. ولاقيت ملامحه مليانة حب غير عادي رغم الالم .. وبص لي كأنه بيبص لطفله اللي وقع وعايز يجري يساعده .. ولاقيت قوة رفعتني وخلتني واقف قدامه على الصليب .. وخلع ايده من الصليب واحتضني بمحبة غير عادية .. وهو بيعمل كدة ومليان جروح لكنه بيفيض بالحب .. و انا في حضنه كنت بقول لنفسي دي فعلا درجة محبة مش موجودة هنا على الارض .. دي محبة تطمني انا والجميع .. ده وهو بيتألم مصمم يشاركنا محبته ويملانا بالامان .. ده فعلا مصمم ما يسيبناش لوحدنا .. وشعرت فجأة بقوة رهيبة وشفاء في كل مكان حواليا .. وببص له .. لاقيته مضيىء كأنه ملايين الشموس وكان لابس ابيض بدرجة ابيض مش في الارض خالص .. فعرفت انه كمان بيطمني انه دفع ثمن الشفاء المستمر لي ولشعبه للابد .. مجدا مجدا مجدا 💥💥💥 والرؤيا تكون على الارض المنتظرة وتأتي بشفاء الرب وقوته .. هلليلويا 💥💥💥 يسوع جميل

اهمية عبادة الاتقياء للرب - رؤيا روحية ..

 الرؤيا دي مهمة جداً جداً جداً .. وخاصة بالزمن الحالي والقادم .. كتبتها زمان .. والرب فكرني بيها تاني .. 👉👉👉 ومن وقت الرب كلمني .. ان ابليس بيحارب المؤمنين الحقيقيين بكثافة شديدة .. لان الرب يقدر من خلالهم في اي لحظة يدمر كامل مخططات ابليس حتى لو كانت في اخر مرحلة من اكتمالها .. بدأ عبدة الشيطان على مستوى العالم .. يعملوا مؤتمرات وتجمعات بالآلاف .. لمقاومة كل حركة حقيقية بدأت تحصل في كنيسة الرب على مستوى العالم .. الكل شادد الحزاااام .. والحرب شغالة على اقصى درجة .. لمن لا يميزها .. انه الوقت لتقف في موقعك الروحي .. لان نتائج الحرب دي ممكن تحدد خير يغطي شعوب او دمار يغطي شعوب .. ها سيبكم مع الرؤيا .. بنفس نص كتابتها لم اعدل اي شيء فيه .. 👇👇👇 من حوالى ٤ سنين .. يمكن قبل الكورونا بسنتين .. قبل ما يبدأ من وهااان فى الصين .. 👉👉 كنت بصلى وشوفت رؤية مهمة جدا .. وها حكيها تانى .. لان الرب فكرنى بيها تانى النهاردة .. وناس كتير مازالوا فاكرينها .. 🙇 كنت بصلى .. وشوفت ناس متجمعين فى شكل دايرة .. ولابسين لبس كهنة فى معبد صينى .. وجالسين حول نار للعبادة .. داخل مبنى يشبه مبانى معابد و...

و لكم أَيُّهَا الْمُتَّقُونَ اسْمِي ..

 النهاردة طول اليوم ها كون بصلي بالاية دي 👇 ملاخى ٤ : ٢ "وَلَكُمْ أَيُّهَا الْمُتَّقُونَ اسْمِي ( لمن ينظرون الى اسمي وهم مخصصون حياتهم في مخافة له .. كمن ينتظر في الظلام لحظة ظهور الشمس ) تُشْرِقُ شَمْسُ الْبِرِّ وَالشِّفَاءُ فِي أَجْنِحَتِهَا، ( سأكون انا شمسهم وسأحضر معي شفاء لكل ما سببه الظلام في حياة منتظريني ) فَتَخْرُجُونَ وَتَنْشَأُونَ كَعُجُولِ الصِّيرَةِ. ( ستنالوا فيّ الشفاء و ستخرجون للعالم حاملين قوة مختلفة ومثمرين امامي ) مجداً مجداً مجداً 🙇🏻‍♂️💥

شكر واجب للجميع ..

 شكر واجب للجميع .. رسالة لكل شخص فيكم على الصفحة هنا .. ❤️🙏 كل شخص فيكم فعلاً لغته مختلفة عن لغتي وبتلمس مشاعر الناس وواقعهم و اللي بيضيف ايات كتابية خاصة باللي بتكلم فيه و اللي بيقدم اختبار في سطور او كلام اختباري .. فآمين الرب يملى كل شخصياتنا لان الرب بيحب الجميع من العالم وبيجتذبهم بإختلافات سماتنا لملكوته .. وكتير بيكتبوا تعليقات بالروح بشوف قيمتها وقوة الرب فيها وبتهلل بسمات مختلفة عني برضه .. وظاهر فيها الرب بوضوح .. كل كلمة بالروح على الصفحة من الجميع .. لها قيمة انا مميزها و لها دور و لسة ها يكون لها دور في ملكوته لان الروح حياة الكلمات .. مجداً للرب .. بحب الجميع وبصلي علشانكم .. و في روابط كتير من المحبة والشفاء عملهم الرب بروحه وسطنا .. و مكملين لان في كتير بعيد ها يبقوا وسطنا و في كتير مش ظاهرين لنا بيتشفوا بسبب ايماننا وصلواتنا .. ❤️❤️❤️

التنانين تتألم - رؤيا روحية ..

 صديق كان بيكتب لي و بنحكي عن كمية الحرب الهائلة على الخاضعين للرب .. ( و على فكرة عدد كبير كتب لي كدة برضه ) .. المهم .. و انا بحكي معاه .. شوفت كمية تراب هائلة .. تخلينا نقول دي عاصفة ترابية او عاصفة من جيش بيطاردنا زي مركبات فرعون زمان .. لكن التراب هدى شوية .. وشوفت منظر اذهلني .. التراب كان طالع من حركة حوافر و تنين واقف على الارض .. ما شوفتش غير رجليه السوداء جداً .. لكنه كان بيترنح .. وكأنه بيتألم او مجروح .. و تراب رهيب بيطلع من تحت كل خبط له بألم وعدم اتزان على الارض .. قولت لصديقي .. " ده تراب من ألم التنانين " .. وقولتله لازم ها كتب كدة لمنتظري الرب .. ايوة ها نكمل وها ننال نصرتنا في المسيح وها ننال ميراثنا .. النصرة لنا .. ونعم التنانين تتألم امام ركب الامناء و تشريعات بني العلي الشرفاء .. مجداً مجداً مجداً 🙇🏻‍♂️💥

ابليس يكره عهود الرب ..

  ابليس بيحب ينشر غيومه وسط كل عهد الرب بيعمله .. ابليس بيكره العهود اللي بيصنعها الرب .. و بتسبب له ألم وغضب رهيب .. لان الرب بيعمل عهود مقدسة .. يعني فيها روابط محبة وقداسة ( اي خصوصية ووحدة بإنفصال واضح عن افكار وتمرد ابليس في العالم ) وانسجام وصدق كما صنعها في السماء .. وابليس لا يطيق ابداً ان يرى هذه الاجواء على الارض .. فها تلاقيه مستمر في نشر انفاسه الكريهة وغيومه في كل منطقة من جسد المسيح على الارض اي المؤمنين الحقيقيين .. و في كل ارتباط من الرب اي الازواج الخاضعين للرب .. وفي كل اسرة اي العائلة الخاضعة للرب .. وفي كل نفس اي هوية الانسان السليمة التي خلقها الرب وعلاقته مع الرب .. ولذلك محتاجين نميز كذب ابليس اللي بيترمى علينا تجاه كل فرد ..لان ابليس بينشر درجات كراهية وعدم رؤية واضحة وظنون واوهام بين كل المؤمنين الحقيقيين تجاه بعضهم البعض .. وللاسف كثيرين صدقوا اكاذيبه ولم يميزوا رائحة الموت التي تملىء كلماته .. انه قتّال .. يقتل كل ما هو صالح .. الرب يملانا بالتميز لكي لا نخسر ازمنة مجيدة في بيوتنا وعمله الروحي اي ملكوته .. 🙇🏻‍♂️

اهمية تشريعاتنا ..

 من زمان الرب علمني ان خطط ابليس كلها بتفشل في وجود ابناء خاضعين .. علشان كدة ابليس بيحارب الخاضعين بكل شراسة في كل اتجاهات حياتهم في الزمن الحالي .. لانه يعلم ان وقفتهم تهدد اي بناء بناه على الارض مهما بلغ ارتفاعه .. نعم هم الورثة .. وهو ليس الا مخادع ينتحل دور سيد .. فلازم نقف ونعلن سلطان الرب ابونا .. ونشرع حكم من فمه على الارض .. لتهرب الشياطين صارخة يا تلفي يا تلفي ..

بعد فناء قوتك .. !!

 ايوة يا سارة .. بعد فناء قوتك ها يكون ليكي تنعّم بإبن .. 👉 لان الرب احضر عمرك في ازمنة افتقاده .. نعم هو الوحيد اللي لما بيدخل الاحداث .. بيحطم المنطق دائماً .. نعم ليس مثل الرب إلهنا للابد .. مجداً مجداً مجداً .. يكسر حزنك بإبن الضحك .. 🙇🏻‍♂️💥

امتحن كل كلمة تسمعها .. !!

تاني .. ها ثبت الحق .. لان الباطل بيضعف تماماً في وجود الحق .. امتحن كل كلمة تسمعها من اي شخص .. بالذات اللي خاصة بتوجيه مسار حياتك .. او بتغيير توجهات في تعاملك مع شريك حياتك .. او بتغيير انتمائك لمجموعة من جسد الرب .. او لإعاقتك عن العبادة للرب بإستمتاع .. او رؤيتك لأشخاص اخرين داخل جسد الرب لفصلك بكراهية وعداوة عنهم .. او طريقة تعاملك مع ابنائك او عائلتك .. لان الناس اللي بيكلموك في المواضيع دي .. على الارجح لهم سلطان عليك سواء في ترتيب احداث الحياة او لهم سلطان على نفسك لانك منفتح وخاضع لكلماتهم دائماً .. احذر لان لو العدو عايز يعيق او يعطل حياتك .. ها يستغل مشورتك او طاعتك الدائمة للناس دول .. ورسالة لكل الناس اللي بتتكلم بدون فحص .. لن يكون لكم فخر بل خزي .. بسبب كلماتكم الباطلة عندما تقفوا امام الرب الديان العادل .. توبوا قبل انتهاء الفرص ..

التمميز الروحي ليس أمراً اوتوماتيكياً .. !!

 كل شخص يحتاج الى تمييز من الرب لكي يعرف القيود التي تحيط حياته او نفسه او علاقاته او قراراته .. لان ابسطها قد يكون مدمر .. التمييز يأتي في اجواء الحضور الالهي والجلوس مع كلمة الرب بإنصات وبروح خاضعة .. و صوم غير تقليدي اذا تطلب الامر .. والرب دائماً يجيب انتظارنا الواضح له .. يمد يده بتحرير حاسم او يعطي شفاء او استجابة في الاحداث او فصل واضح في الامور .. او رفض واضح في اعماقنا للقيود .. او اعلان واضح في كلمته اثناء دراستنا لها .. او كلمة واضحة منه من خلال اي طريقة .. التحرر هو عمل ارادي بجلوسنا امام الرب ورغبتنا الواضحة .. لانه يحدد عمق جديد في محضر الرب عندما نتحرر من ثقل بعض القيود .. و هو ليس أمراً اوتوماتيكياً او إلزامياً سيفعله الرب .. بدون ان نتوب ونطلبه .. فخضوعنا يحدد الكثير في داخل العالم الروحي وملكوت الرب .. 🙇🏻‍♂️

القديمات تختفي .. !!

  انت ماشي في طريق دعوة الرب لحياتك .. لازم ها تشوف ان القديمات ( الامور القديمة في حياتك ) بتبهت و بتخفت وبتفقد سلطانها وربما تختفي .. لان مجد الرب وشفاءه جوة الامور الجديدة في حياتك ها يكون هائل جداً .. نعم إلهنا هو إله المجد وبيصنع دائماً أموراً فائقة ومجيدة في حياة الخاضعين .. إشعياء ٤٣ : ١٨ و ١٩ "لاَ تَذْكُرُوا الأَوَّلِيَّاتِ، وَالْقَدِيمَاتُ لاَ تَتَأَمَّلُوا بِهَا .. هأَنَذَا صَانِعٌ أَمْرًا جَدِيدًا. الآنَ يَنْبُتُ .. لسة عند الرب امور يقدر ينبتها امور فائقة وعظيمة .. مجداً مجداً مجداً 🙇🏻‍♂️💥

اعمل بخضوع للرب ..

 كل  عمل بتعمله في الملكوت و انت خاضع للرب .. بيتعرض لمقاومة شديدة من ابليس .. لان كل قالب حجر صغير بتحطه بإيمان .. بيسبب رعب وفزع للشياطين .. لانهم عارفين ان اصغر حجر او ظلط بالايمان .. ممكن يسقط عمالقة لديهم .. كل حجر بيبقى جزء من مذبح كبير الرب بيعمله معاك .. و عليه ها تتقد نار الرب .. و ها يظهر كل مجده .. امين نتشجع .. ابسط صلوات و مد ايد بالمعونة لغيرنا بغفران وحب .. وابسط تغيير في سلوكنا او عاداتنا من أجل الرب .. ده جزء من مذبح الرب اللي ها يتقد بمجد للابد .. مجداً مجداً مجداً 🙇🏻‍♂️💥

الرب هو الحقيقية و الاعداء اكاذيب - رؤيا روحية ..

 الصبح كنت بصلي وكان الرب بيكلمني .. " مما تخاف وعلى من تخاف .. انا الحقيقية و هم اكاذيب ؟؟!!! " 👉 وانا بسمع الكلام ده .. شوفت اسود اجسامها عملاقة جاية تهجم .. حجم كل واحد كأنه فيل .. يعني لو استخدموا وزنهم بس ها يفعصوا اي حد .. لكني شوفت المسيح البسيط بثوبه .. وقام هجم على كل اسد من دول وطرحه ارضاً ولم يتحركوا بل انبطحوا كالقتلى .. ساعتها فهمت معنى الجملة الرب إلهنا حقيقة و الباقيين دول اكاذيب ولو حتى اخدوا شكل اسود عملاقة .. دي كذبة .. الحقيقة في الرب وها يطرحهم ارضاً بمجرد ما يقرر يحاربهم .. مجداً مجداً مجداً 💥🙇🏻‍♂‍ نعم إلهنا هو الحق الثابت للابد .. و اعدائنا هم اكاذيب تنتهي للفناء .. هلليلويا .. 🙇🏻‍♂️💥

لمن يرى نفسه الافضل .. !!! 👉

 بوست لمن يرى نفسه الافضل .. !!! 👉 في نفس الوقت اللي الفريسي كان شايف نفسه انه متعلم جداً وعلّامة ماحدش ينافسه في معلوماته .. و ملتزم بالشريعة .. كان قلبه اسوء من قلب العشار اللي كان معترف انه جاهل وغير ملتزم بالشريعة .. 👉 العشار افضل منك يا فريسي .. العشار ها يكمل ب بر الرب وستره .. وانت ها تكمل عريان ومخدوع انك الافضل .. 😭

مناطق خزينا سيملأها إلهنا بمجده - رؤيا روحية ..

 امبارح كنت بصلى مع حد .. وشوفت فى روحى شخص واقف من بعيد ومعاه حتة حديدة .. مصدية تماما ومنظرها وحيش جدا جدا .. متخرمة من كتر ما اكلها الصدأ .. ومتكسر منها حتت وألوانها الاساسية متاكلة تماما .. منظرها فعلا مقزز .. لكن الغريب انى شوفته بيبص لها بفرح وحب غير عادى .. كأنه ماسك تحفة مذهلة ومفتون بشكلها وألوانها .. وبعد كدة لاقيته رفعها بأيده اليمين لفوق خالص .. كأنها كأس بطولة .. وكان الرب بيكلمنى انه ها يجى على المناطق والذكريات اللى احنا مليانين بخزى فيها .. واللى ابليس بيوجعنا بيها دايما وبيرجعنا لوراء فى يأس وخزى .. وعدم تقدم لعمق اكبر مع الرب .. الرب ها يملى المواقف دى بشفاءه وها يحولها لمصدر فخر وفرح لنا .. ايوة هو مليان شفاء وعجيب .. ولازم ها يعمل كدة لكل اللى يلجأوا ليه .. ايوة السامرية والممسوكة فى ذات الفعل و مجنون كورة الجدريين بنفع يشهدوا بفخر عن عظمته وروعته .. نعم فى هذا الصباح .. يجعل وادى عخور بابا للرجاء .. هلليلويا .. 🔥🔥 نعم مناطق خزينا ستمتلىء بمجد إلهنا .. 🙇🏻‍♂️💥

السيد الشرير يطعم عبيده ..

 السيد الشرير يطعم عبيده .. !! 😭 في كذبة ماشية في العالم .. ان اللي معاه امكانيات كتير .. او رآيه هو المسموع او هو اللي معروف للمجتمع .. بيبقى الرب راضي عنه .. !! للاسف لا خالص .. ده مش شرط يكون صح .. ❌ السيد الشرير .. بيبقى عايز عبيده ينفذوا كل مهامه ويفضل دايماً يسيطر بيهم على كل اللي حواليهم .. و يفرض سلطانه المدمر وروحه فيهم .. فبيأكلهم كتير وبيغرقهم حاجات ( في لغتنا بنقول معاهم خير كتير ) لكن الواقع انهم بيتغذوا من اجل ذبحهم للهلاك الابدي بعد تتميم مهامهم تحت هذا السيد القاسي الشرير .. 😭 المزامير ٤٩ : ٢٠ إِنْسَانٌ فِي كَرَامَةٍ ( يعني شكله يبان مرتاح جداً ) وَلاَ يَفْهَمُ ( لا يدرك غاية الملكوت و قلبه غير مفتوح على الرب و غير مدرك لعبودية سيده القاسي ) يُشْبِهُ الْبَهَائِمَ الَّتِي تُبَادُ. ( هو كالبهائم التي ينميها ويغذيها صاحبها لكي يقوم بذبحها في النهاية ) آساف فهم كدة لما كان مستغرب ان في ناس مرتاحين خالص رغم شرورهم .. المزامير ٧٣ : ١٧ حَتَّى دَخَلْتُ مَقَادِسَ اللهِ، وَانْتَبَهْتُ إِلَى آخِرَتِهِمْ. الرب يفتح العيون لان الوقت مقصر أمام الكثيرين .. 🙇🏻‍♂️😭

ضرورة الصلوات من اجل من يحبسهم الظلام - رؤيا روحية ..

  من كام يوم كنت بفكر في الاشرار اللي في العالم اللي مش طالبين الرب .. وشوفت ناس عايشين في ظلام و اشكالهم زي الوحوش بيهاجموا بعض ويفترسوا بعض حتى أجسامهم كانت ضخمة من كثرة الشر .. و اثناء كدة كان بيظهر من بعيد طيف نور خافت من بعيد .. و اي حد منهم كان بيسيب اللي في ايده من فريسة ويبص على طيف النور .. كان بيتصاب للحظة بالذهول كأنه عمره ما شاف النور .. لكن للاسف في نفس اللحظة كان بيجي روح شرير شكله يشبه الغيوم .. وكان بيمسك اي حد شاف النور .. وبيحيطه تماماً وبيسحب او يشفط كل اللي شافه من نور ويسيبه مظلم تماماً .. شوفت نهاية المشهد كأنه الابد .. حالة من الظلام المعتم اللي عمري ما شوفته في حياتي .. ظلام اعمق من الظلمة اللي قابلنها هنا .. حالة من اللاجديد مع ألم وموت ويأس وتحطم وكراهية وضيق وسجن .. هلاك لا يمكن وصفه .. الكنيسة اي المؤمنين الحقيقيين دورهم مش بس يكونوا نور .. لكن كمان يصلوا بكثافة لفك النفوس من سلطان الظلمة .. لان العدو بيبتلعهم هما و اي فرصة في اعماقهم انهم حتى يفكروا للحظة في النور .. امين بصدق ان الرب مازال له ناس في اعماق الظلام .. وها يعرف يجيبهم في محفل انواره للابد ...

قيود من كلمات .. 👉😭

 قيود من كلمات .. 👉😭 مش كل القيود بتكون واضحة قدام عيوننا .. لكن في قيود اتكونت من كلمات كتير قد نكون بنفتكرها او مش بنفتكرها .. والعدو استغل انك كنت منفتح على اشخاص محددين قد يكونوا مصدر ثقة ليك .. و اصابك من خلالهم بكلمات لربط امكانيات الرب فيك او لتعطيل دعوتك او لتشويه نظرتك لتعاملات الرب معاك او لفصلك عن اسرتك او لتدمير عهد زواج صنعه الرب ليك او لتشويه رؤيتك لأبنائك .. رغم محبة بطرس للمسيح .. الا انه بدون ما يدرك كان بيقول كلام هو اداة من ابليس لتعطيل المسيح .. متى ١٦ : ٢٢ فَأَخَذَهُ بُطْرُسُ إِلَيْهِ وَابْتَدَأَ يَنْتَهِرُهُ قَائِلاً:"حَاشَاكَ يَارَبُّ! لاَ يَكُونُ لَكَ هذَا!" فَالْتَفَتَ وَقَالَ لِبُطْرُسَ:"اذْهَبْ عَنِّي يَاشَيْطَانُ! أَنْتَ مَعْثَرَةٌ لِي، لأَنَّكَ لاَ تَهْتَمُّ بِمَا للهِ لكِنْ بِمَا لِلنَّاسِ". أيوب أدرك ان كلمات اصدقائه تسبب التعب والتقييد .. أيوب ١٦ : ٢ "قَدْ سَمِعْتُ كَثِيرًا مِثْلَ هذَا. مُعَزُّونَ مُتْعِبُونَ كُلُّكُمْ! بصلي النهاردة ان الرب يكشف امام عيونكم هذه الكلمات .. اللي معطلة علاقتكم مع الرب ومسببة مرارة وضعف دائم ورفض ...

وَفَصَلَ اللهُ بَيْنَ النُّورِ وَالظُّلْمَةِ.

 النهاردة طول اليوم ها كون بصلي بالاية دي 👇 التكوين ١ : ٤ وَرَأَى اللهُ النُّورَ أَنَّهُ حَسَنٌ. 💥 وَفَصَلَ اللهُ بَيْنَ النُّورِ وَالظُّلْمَةِ. بعلن ايماني ان كل ظلمة بتتكشف امام عيون إلهي .. نعم هو سيضع فاصل واضح بيننا و بين فخاخ الظلام ومكائده .. هو نقلنا في ملكوت ابنه .. و لن نسقط في تعييرات الظلام للابد .. شكايتهم تبطل لا تقوم ولا تكون .. نعم نحكم بسلطان الرب في المسيح بربط ظلمتهم في حدود فاصلة لا يتعدوها للابد .. مجداً مجداً مجداً 🙇🏻‍♂️💥

لكل شخص شاعر ان حياته وكأنها متوقفة ..

 لكل شخص شاعر ان حياته وكأنها متوقفة ولا امل في اي جديد .. جملة سمعتها من الرب بوضوح في روحي .. " انا اغير كل شيء " .. ايوة انا مصدقك يارب .. اؤمن اؤمن اؤمن 🙏 مجداً مجداً مجداً 🙇🏻‍♂️💥

يا سارة .. الرب عارف ازمنة وجعك ..

 يا سارة .. الرب عارف ازمنة وجعك وحزنك .. علشان كدة هو جايلك بزمن جديد للشفاء .. وما فيش حاجة ها تستحيل او ها تنجح تمنعه .. " بن الضحك " جاااااااي .. هلليلويا 💥💥💥 الرب عارف وجايلك يا سارة .. 🙇🏻‍♂️💥

انت تَقُومُ وَتَرْحَمُ صِهْيَوْنَ ..

 النهاردة طول اليوم ها كون بصلي بالاية دي 👇 المزامير ١٠٢ : ١٣ أَنْتَ تَقُومُ وَتَرْحَمُ صِهْيَوْنَ، لأَنَّهُ وَقْتُ الرَّأْفَةِ، لأَنَّهُ جَاءَ الْمِيعَادُ. صليت بيها قبل كدة .. لكن بقالي ايام .. كل يوم بلاقيها جوايا تاني .. نعم يارب اطلق ازمنة الرأفة والمراحم والاحسانات والافتقادات على حياتنا .. اصنع انت التاريخ .. نعم جاء الميعاد أمام وجهك .. 🙇🏻‍♂️

صلوات من اجل سوريا ..

 و انا بصلي من اجل سوريا الشقيقة .. كان ثابت جوايا " ان الرب يزعزع اساسات السجن " .. بصدق يارب ان رغم كثافة الاحداث الصعبة هناك .. الا انك بتعمل بنشاط و تفتقد وتجدد وجه الارض اي نفوس شعبك .. تطلق ابناء وبنات لك ويكونون آية .. يسمع اقصى الارض صوت تسبيحاتهم .. يكونون بني العلي .. نعم السجون حول الارواح تنكسر و يخرج جبابرة الملكوت وابطاله .. نعم .. من عاخور ينفجر نور ابواب الرجاء .. هلليلويا .. 🙇🏻‍♂‍💥 و انا بصلي من اجل سوريا الشقيقة .. كان ثابت جوايا " ان الرب يزعزع اساسات السجن " .. بصدق يارب ان رغم كثافة الاحداث الصعبة هناك .. الا انك بتعمل بنشاط و تفتقد وتجدد وجه الارض اي نفوس شعبك .. تطلق ابناء وبنات لك ويكونون آية .. يسمع اقصى الارض صوت تسبيحاتهم .. يكونون بني العلي .. نعم السجون حول الارواح تنكسر و يخرج جبابرة الملكوت وابطاله .. نعم .. من عاخور ينفجر نور ابواب الرجاء .. هلليلويا .. 🙇🏻‍♂️💥

لكل شخص كان بيعاني من تعييرات اعدائه ..

 لكل شخص كان بيعاني من تعييرات اعدائه .. لن تعود ترى اعدائك و هم ينظرون الى خزيك .. لان الرب رافع وجهك .. يفصل الرب بينك وبينهم .. هو مجدك .. و هم يلبسون خزيهم .. الخروج ١٤ : ١٣ فَقَالَ مُوسَى لِلشَّعْبِ: "لاَ تَخَافُوا. قِفُوا وَانْظُرُوا خَلاَصَ الرَّبِّ الَّذِي يَصْنَعُهُ لَكُمُ الْيَوْمَ. فَإِنَّهُ كَمَا رَأَيْتُمُ الْمِصْرِيِّينَ الْيَوْمَ، لاَ تَعُودُونَ تَرَوْنَهُمْ أَيْضًا إِلَى الأَبَدِ. ( المعيرون ينتهون في محضر ملك المجد ) مجداً مجداً مجداً 🙇🏻‍♂️💥

اغلى ساعة .. !!

 في ساعات صنعها البشر غالية جداً في ثمنها على الارض .. ⌚💰 لكن في ساعة اغلى من كل الساعات دي .. 👉 وهي ساعة في داخل الحضور والحصار الإلهي .. وقدام الساعة دي .. قيمة اي شيء ثمين بيصبح صفر .. لان الساعة دي هي مجد وافتقاد فائق لا مثيل له في الكون كله .. ساعة مرتبطة بالرب .. ومن اجل ساعة الرب دي .. ناس كتير من امم ها تترك الغالي علشان تدخل الى داخل هذه الساعة 🔥💥 يوحنا ٤ : ٢٣ وَلكِنْ تَأْتِي سَاعَةٌ، وَهِيَ الآنَ، 👉⌚ حِينَ السَّاجِدُونَ الْحَقِيقِيُّونَ يَسْجُدُونَ لِلآبِ بِالرُّوحِ وَالْحَقِّ، لأَنَّ الآبَ طَالِبٌ مِثْلَ هؤُلاَءِ السَّاجِدِينَ لَهُ. 🔥🔥🔥

رئيس كهنة ..

 رسالة العبرانيين ٨ 📖 وَأَمَّا رَأْسُ الْكَلاَمِ فَهُوَ: أَنَّ لَنَا رَئِيسَ كَهَنَةٍ مِثْلَ هذَا ،قَدْ جَلَسَ فِي يَمِينِ عَرْشِ الْعَظَمَةِ فِي السَّمَاوَاتِ ٢خَادِمًا لِلأَقْدَاسِ وَالْمَسْكَنِ الْحَقِيقِيِّ الَّذِي نَصَبَهُ الرَّبُّ لاَ إِنْسَانٌ. رأس الكلام .. يعني و انت لسة بتبدأ في اول خطوات مجد الرب الابدي .. يعني اللي ها يقود في الرحلة دي للابد .. مش اعمالك ولا اي حاجة .. هو فقط المسيح رئيس الكهنة .. وكهنوته ليس بيد انسان بل ب يد الرب .. كهنوت سيمتد بنا للابد .. مجداً مجداً مجداً 💥🙇🏻‍♂️

اما أَنَا فَالاقْتِرَابُ إِلَى اللهِ حَسَنٌ لِي ..

 النهاردة طول اليوم ها كون بصلي بالاية دي 👇 المزامير ٧٣ : ٢٨ أَمَّا أَنَا فَالاقْتِرَابُ إِلَى اللهِ ( إلوهيم ) حَسَنٌ لِي. ( في وسط كل الهلاك الذي يصيب العالم في معزل عن الرب .. اخترت انا بإرادتي ان اعيش ملتصقاً بإلهي ) جَعَلْتُ بِالسَّيِّدِ الرَّبِّ ( ادوناي ) مَلْجَإِي، ( اكتفيت بإلهي وحده لانه الملجأ الحقيقي في وسط اي ضيق ) لأُخْبِرَ بِكُلِّ صَنَائِعِكَ. ( ولذلك كما صنع في الماضي سيصنع في القادم .. سوف استمر في الهتاف بعجائبه معي ) مجداً مجداً مجداً 🙇🏻‍♂️💥

اَلصَّغِيرُ يَصِيرُ أَلْفًا .. !!

 النهاردة طول اليوم ها كون بصلي بالاية دي 👇 إشعياء ٦٠ : ٢٢ اَلصَّغِيرُ يَصِيرُ أَلْفًا وَالْحَقِيرُ أُمَّةً قَوِيَّةً. أَنَا الرَّبُّ فِي وَقْتِهِ أُسْرِعُ بِهِ". 💥 عندما يضغ ايل شدايّ قوته وبركاته .. تنشأ عجول الصيرة .. ومناطق الضعف تصير فائضة بالقوة .. نعم عاخور لابد ان ينفتح فيه باب رجاء لمعاينة مجد الرب الفائق .. نعم ارض حياتنا ستعطي كل قوتها .. وستولد فيها ازمنة لمجد الرب .. 🙇🏻‍♂️

صلاة من اجل مصر ..

 نكمل صلاة من اجل مصر .. الرب إلهنا إله احياء وليس إله اموات .. بصدق انه يضخ حياته في ارض ونهر وبحار وموارد مصر .. كل كلمات بتتقال لموت البلد .. لا تقوم ولا تكون .. كل شر ومكائد في الظلام لجعلها ارض ضعيفة .. تنكسر و تتلف المكائد .. بعلن اسم إلهي يهوه رب الحياة .. نعم تدخل يارب مراحمك في داخل اقتصاد و موارد وادارة وشعب هذه البلد .. تقيم وتثبت مذبح لعبادتك بقلوب خاضعة فيها .. تشفي الارض وتجعلها تعطي كل قوتها .. كل موت يخططه الظلام يتلف ويخرج من ارضنا .. تقوم مصر بسبب ركب ساجدة من شعبك الصارخ إليك .. اشكرك لانك في كل حين تسمع لنا .. 🙇🏻‍♂️

روح الموت .. !!

 أحياناً بدخل اماكن بشعر فيها بأنفاس و اجواء الموت .. انه روح الموت .. 👉😭 و في ناس بتفتكر ان نشاط روح الموت لحظة موت الانسان .. والحقيقة في فرق بين قرار مفارقة الروح للجسد .. اللي هو لحظة الموت و اللي بيصدره الرب وحده .. في حياة الخاضعين له .. وبين نشاط روح الموت اللي بيعمل في حياة البشر ليميتهم خارج مشيئة الرب .. وسلطانه ونشاطه مش بس انه يموت ناس بأمراض مدمرة او ظروف غامضة او حوادث متتابعة .. لا ده مظلم جداً .. وبيقتل الحياة .. يعني يجي على زواج يدمره ويموت كل مشاعر فيه .. يجي على اسرة يفككها ويدمر ويموت كل ترابط فيها من الرب .. يجي على حياة شخص ناجح ويملاه بأفكار سلبية عن نفسه و احداث حياته .. لغاية ما يفشل فعلاً ويعاق عن التقدم ويلجأ لطرق الموت .. طرق الموت دي قصة تانية .. يعني الشخص يبدأ ينفصل عن طرق حياة الرب .. و يروح يتربح او يقيم علاقات او ينتمي لمجتمعات بعيدة عن الرب تقتل من فيها بهدوء .. تحت سلطان الموت .. او يبدأ يدخل في ادمان او إنعزال او امراض نفسية جسدية او طرق للانتحار او رغبة دائمة لفقد الحياة .. او رغبة في تدمير وانتقاد وقتل كل ما حوله من حياة او نشاط لملكوت الرب...

احذر .. تعليمهم غريب .. !!

 ها قول كلام خطير جداً جداً جداً .. 👉👉👉👉 من فترة انتشرت مجموعة من الناس على الفيسبوك بيدخلوا يهاجموا كل واحد و واحدة .. كاتبين كلام مقاد من روح الرب .. او كاتبين اسم " الرب " و ليس " يهوه " او كاتبين اسم " يسوع " وليس " يهوشوع " والمجموعة الغريبة دي .. 👇👇 لهم كتابات للايات باللغة العبرية فقط او العبرية بترجمة للعربية قد لا تكون مثل ترجمة ڤانديك المعتمدة .. وبينادوا أحياناً بحفظ السبت .. او بنبوات خراب الشعوب ومصر .. ( و في نسبة منهم كانوا بيهاجموني لما بعلن ان دور الكنيسة تصلي ضد خراب الشيطان في العالم ) .. بيستخدموا اشعياء ١٩ كتير .. بيوهموا الناس ان اللي بيستخدم اسم غير " يهوه " بيخاطب البعل .. !! بيدعوا ان لهم قدرة على كسر سلطان الشياطين من خلال تعليمهم .. الناس دول نشطاء جداً .. و لا يعترفوا انهم من شهود يهوه و لا يعترفوا انهم سبتيين ولا يعترفوا انهم تهوّديين .. و بيأكدوا للناس انهم مؤمنين حقيقيين تم رفضهم من مجتمع الكنيسة و من اسرهم .. !! و " يهوه " افرزهم و اوكل لهم نشر الحق .. لا يطيقوا التسبيح للرب .. و بيهاجموا ...

سلطان المسيح - رؤيا روحية ..

 من حوالي اسبوعين .. كنت بصلي وشوفت مشهد .. واتعطلت اني اكتبه حتى هذه اللحظة .. شوفت كائن في مملكة الظلام .. هو رتبة تحتها جنود .. كان زي الوحش .. ثائر في غضب وعنده قوة هائلة على التدمير .. وكل حاجة حواليه خربة تماماً .. كأنها تالفة من ملايين السنين .. مملكة يغطيها موت وظلام دامس .. وكان ضخم زي العملاق .. وتحت ركبته .. عشرات الجنود الشيطانيين .. بيجروا يمين وشمال في فزع .. كأنهم بيجهزوا موكبه .. وكل واحد فيهم معاه حربة .. وكان بيغضب أحياناً .. ويوطي يطير عدد منهم بظهر ايده .. !! قوات كتير حواليه وكأنه داخل لحرب .. المشهد كان مفزع جداً وشعرت ان نتيجته حرب مدمرة .. لكني ميزت في روحي بإعلان واضح .. ان الرب اقوى جداً جداً جداً .. وببص لاقيت المسيح واقف من بعيد على الارض وواقف موجه وجهه ناحية الوحش كأنه جاهز للحرب .. المذهل ان المسيح كان لابس ثوبه الابيض البسيط بلا اسلحة .. لكنه كان عملاق بشكل رهيب .. كأنه اطول من عشرات النطاحات للسحاب حتى لو جمعناهم فوق بعض .. !! كانت رأسه بتلمس السحاب .. وهو واقف برجله على الارض .. ذهلت من المشهد .. وفجأة افتكرت الوحش وجنوده .. وسألت نفسي هما راحوا في...