ايه شوية الورق اللي انتوا طابعينه ده ؟!

 

من كام يوم كنت بكلم الرب على احتياجات مادية عندي ..

فشوفت في روحي .. عدد ضخم جداً من الاوراق النقدية .. حزم مالية .. فوق بعض في شكل مكعب كبير اوي ..

و لاقيت الرب بيسألني بوضوح " ايه ده ؟ " ..

فقولت يارب ده مبلغ مالي وممكن يكون كبير .. ولسة ها قول " ده يطلع كام مليون ؟! "

لاقيت الرب بوضوح بيقولها لي .. ايه شوية الورق اللي انتوا طابعينه ده ؟!

ساعتها ابتسمت وعرفت هدف الرب من السؤال ..

الاحتياجات المادية تافهة جداً جداً جداً بالنسبة لقدرة الرب .. لدرجة انه بيعتبرها ورق ينفع يطبعه عادي و يبعته لنا في اي وقت ..

وفعلاً الايام بتثبت انه فائق جداً .. وبيسدد الاحتياجات بطرق عجيبة .. كأنها شوية ورق بأشارة منه يطبعه ..

مجداً مجداً مجداً 💥🙇🏻‍♂️