عن العِرافة .. !!

 

والعرافة هى شكل من اشكال التواصل مع مملكة الظلمة للحصول على معلومات هامة ..

وهنا فى مجموعة مشاكل ..

مجرد دخول الشخص من خلال هذه البوابة بوابة الطقوس اللى بيها بيشارك العراف او بينفذ اللى يطلبه العراف ..

او بمجرد تواصله مع العراف نفسه للحصول على معرفة .. يعتبر تفويض لمملكة الظلمة بالدخول الى حياة هذا الشخص بشكل اكبر واكتر فاعلية ..

لانهم بيعتبروه شريك لهم فى هذه المعرفة .. اللى هما مصدرها ..

خلى بالك فى العالم الروحى المعرفة لا بد ان تقود الى مصدرها .. ما فيش مفر .. يعنى مش زى الارض هنا ممكن تاخد معلومة ان السكينة بتقتل .. وواحد تانى ياخدها ويقطع بيها اكل ويبتكر معرفة لواجهة سلمية جديدة ..

يعنى هناك الخير والشر مش متداخلان زى هنا ..

هناك اللى بيعرف حاجة من الظلمة بيبقى فى سكة الظلمة ورايح للهلاك ..

حاجة تانية .. مملكة الظلمة فى تطور رهيب .. مش كام روح شرير بيكشروا واشكالهم مرعبة وقاعدين يطلعوا اصوات زى الوحوش وخلاص ..

لا دى مملكة منظمة .. وبتدى افكار احيانا للبشر .. وافكار متقدمة .. علشان تسيطر على محيط اكبر من الناس وتستنزفهم بطرق جديدة ..

وده معناه انهم طوروا شكل بوابات العرافة .. لاننا فى ثقافتنا وعصرنا الحالى .. ها نعتبر شىء غريب اننا نروح لحد شكل غريب الاطوار ونعمل اللى يقولنا اعملوه .. وان كان ده لسة بيحصل على فكرة فى كل المجتمعات الفقيرة والمتقدمة .. !!! واللى بيوافق بيروح فئات مختلفة من البشر ومنهم اكيد ناس فى حضارة ومتعلمين ومراكز .. !!

ازاى طوروا شكل البوابات دى .. ؟؟

اولا : خلوها اقرب للجميع .. وده متواجد على الانترنت فعلا ..

ثانيا : خلوا طقوسها شكلها مقبول اوى .. تحويل مبلغ مالى .. كتابة جمل معينة او تلاوة كلمات معينة جوة المنازل او اماكن العمل ..

ثالثا : تواصلات بسيطة بالشحن .. تبعتلهم حاجة يبعتوا حاجة .. وهكذا ..

رابعا : عملوا بوابات تبان مرحة وعصرية وكوول كدة .. ألعب الويجا والكروت المختلفة .. ابراج الحظ .. برامج التكهن بملامح شخصيتك او مستقبلك ها تبقى ايه ؟؟ اى حاجة تبان لذيذة وسهلة وممكن تخوضها وتضحك و تستهتر باللى ها تقوله ليك ..

لو مش عاجبك كلامى .. لازم تخاف من تانى ..

المصيبة ان طرق العرافة لا تحتاج لشخص داخل عن قصد زى طرق السحر .. لأ دى اى حد ممكن يدخلها وتسيطر عليه حتى لو كان مش فى دماغه الموضوع ..

- الحل لو انت دخلت فى القصة دى ..

اولا : ان تنفصل تماما عن الافراد او المواقع او المتعلقات اللى قادتك لهذا المسار او بتدعم تواجدك فيه مهما كانت الخسائر ..

ثانيا : تلجأ الى كنيسة اى جسد للمسيح جسد قوى بيعبد بحرية وبحق .. وتتحد بيهم وتبقى معاهم وتشاركهم بمشكلتك ..

ثالثا : تلتصق بكلمة الله .. وتعلن ان المسيح بيفدى حياتك وانك بتحتمى فيه .. وشكرا ..