المسيح اقوى من كل واقع مرير - رؤيا روحية ..

 لكل شخص بيواجه بإيمان .. واقع مرير بيزداد صعوبة .. 👉

امبارح شوفت في روحي مشهد ممتع خالص ..

شوفت ارض كالبرية .. كان الجو كحرارة صيف شديدة جداً .. وبدأت تهب رياح شديدة كأعاصير تحمل رمال تجعل الشخص لا يرى اي شيء سوى التراب و لا يسمع الا صوت الرياح المرعب ..

قولت لنفسي .. يعني اللي ماشي في برية بالحرارة دي .. لسة كان ناقص له انه يواجه رياح وتراب .. دي كدة احداث مستحيلة .. ؟؟!!

لكن في شخص كمل وسط الرياح دي .. كان مغطي نفسه من الرمال و ماشي و كأنه يرى النهاية .. و كأنه قوي ومحارب وبيتشدد دائماً رغم ان الرياح كات مرات بترجعه للوراء او تسقطه أرضاً ..

وفجأة خرج من الرمال كائن كالعملاق .. اصلع الرأس تماماً و ملامحه كشيطان غاضب .. خرج من الرمال برأسه الى صدره .. و كأنه شعر بتهديد و ازعاج من مرور هذا الشخص و ايمانه .. غضبه كان رهيب لدرجة انه كان بيحرك الرمال بإيده بكميات رهيبة و كأنه عايز يدفن الشخص المؤمن ويدمره .. !!

وقتها قولت لنفسي .. الشخص الممتلىء بالايمان ده .. عبر كل المسافة دي معقول ها تخلص قصته مع العملاق الغاضب ده ؟!!!

لكني شوفت اجمل مشهد في الرؤيا دي ..

ظهر المسيح خلف هذا الشخص .. لكنه كان عملاق لم ارى الا اطراف ثوبه .. كان ارتفاعه يشق السماء .. و كان العملاق الشيطاني صغير جداً لدرجة تدعو للتعجب بالنسبة للمسيح ...

و شوفت مطرقة نزلت على عملاق الظلمة و لم اراه مرة اخرى .. حطمته تماماً و دفنته في اعماق الرمال ..

و فجأة تغير المشهد .. و اختفت الرياح و الرمال و الشمس الحارقة .. و ساد جو جميل و كأنه نسيم الربيع وهواءه . . و ارض خضراء ملأت المشهد ..

و عرفت في روحي .. ان نهاية ايماننا لها مجازاة حاسمة تظهر فجأة في ازمنة الرب .. و نعم ستكون المعجزات سمتها الواضحة ..

طوبى للمنتظرين بإيمان .. هؤلاء سيعاينون مشاهد مجيدة لا مثيل لها ..

نعم سيرون هزيمة الشياطين امام المسيح المبارك للابد ..

مجداً مجداً مجداً 🙇🏻‍♂️💥