لماذا الكنيسة جماعة المؤمنين بالرب .. ؟!!

 

دايما ويمكن كل يوم بيجى السؤال ده فى بالى .. ليه الكنيسة اللى هى جسد الرب .. البشر اللى هو عرفهم بنفسه .. واللى اتملوا بيه واتغيروا لصورة ابنه .. قاعدين على الارض ؟؟؟

١٤أَنْتُمْ نُورُ الْعَالَمِ.

لاَ يُمْكِنُ أَنْ تُخْفَى مَدِينَةٌ مَوْضُوعَةٌ عَلَى جَبَل،

١٥وَلاَ يُوقِدُونَ سِرَاجًا وَيَضَعُونَهُ تَحْتَ الْمِكْيَالِ، بَلْ عَلَى الْمَنَارَةِ فَيُضِيءُ لِجَمِيعِ الَّذِينَ فِي الْبَيْتِ.

المسيح ناقش هنا مجالين بتأثر فيهم الكنيسة ..

زمان كانت المدينة حلم لناس كتير عايشين حياة برية صعبة فى قرى ومناطق نائية .. المدينة كان فيها قصر الملك فيها حماية ..

ولو فى حرب .. كله بيجرى وراء اسوارها .. وكل يوم ناس طالعة وداخلة .. حركات تجارية وعلاجية وصناعية وزراعية وتعليمية ..

وهنا المدينة السماوية على الارض .. اللى هى الكنيسة جسد الرب .. بتعكس القوانين الواضحة اللى هى قوانين الملكوت اللى البشر دول بيعيشوا بيها ..

والمدينة دى بتعكس مجتمع كبير بيكمل بعض اللى بيصنع واللى بيتاجر واللى بيرعى واللى بيزرع ..

ومجرد دخولك هناك بيشفى وبيغير حاجات فيك .. يمكن بيضطر الزائر انه اخر اليوم ينزل للقرية البعيدة او المزارع النائية .. لكن بيجى وقت بيتشفى تماما .. وبيقرر يفضل فى المدينة مع الملك .. حتى لو ها يفقد كل حاجة بيحبها برة المدينة ..

وده مجال نطاقه اصغر .. بيمثل علاقات عن قرب بأشخاص بتربطهم روابط دائمة .. سواء روابط عيلة .. او شغل او جيرة او اى مجتمع اجبارى ..

وهنا السراج اللى هو الكنيسة جسد الرب .. بتبدأ تعمل بنشاط بتضيىء بقوة .. بتأثر بالحق المعاش اللى جواها .. فى اجواء الظلام .. لانها نور واضح جدا .. ولازم بتعمل تغيير حقيقى ..

مش بتكلم عن مبانى او طوائف .. بتكلم عن افراد ممتلئين بالرب .. وماليش دعوة طائفتهم ايه .. لان الرب مالهوش علاقة بطوائف .. هو يعرف خرافه ..

ويؤكد المسيح .. ان ده دورنا .. انوار واضحة مصدرها الرب اللى مالى حياتنا. لدرجة ان الناس فى كل حاجة بنعملها او بنقولها بيشوفوا الرب بشكل واضح وبيمجدوه وبيتجهوا لعبادته وللعلاقة معاه ..

وهذا الدور بيكمل عمل الرب فى البشرية ومتفق مع حقه واعلانه وبيقود البشر لنفس هذا الطريق الوحيد .. طريق الخلاص فى المسيح ..

١٦فَلْيُضِئْ نُورُكُمْ هكَذَا قُدَّامَ النَّاسِ، لِكَيْ يَرَوْا أَعْمَالَكُمُ الْحَسَنَةَ، وَيُمَجِّدُوا أَبَاكُمُ الَّذِي فِي السَّمَاوَاتِ.

١٧"لاَ تَظُنُّوا أَنِّي جِئْتُ لأَنْقُضَ النَّامُوسَ أَوِ الأَنْبِيَاءَ. مَا جِئْتُ لأَنْقُضَ بَلْ لأُكَمِّلَ