Elohiym Image .. مقالات طويلة ..

  الكلام ده قالوا يسوع .. لليهود لما كانوا متضجرين .. انه شفى مريض بركة بيت حسدا اللى بقاله ٣٨ سنة مريض .. علشان شفاه يوم السبت .. !! 😭😭 الحقيقة ان كانت مشكلتهم انهم عايزين المعجزة على كيفهم وفى الوقت اللى يتناسب مع فكرهم ويمكن ان المسيح ياخد موافقتهم كمان .. ولو ما عملش كدة .. مش ها يدوا مجد له .. وها يقفوا ضده .. وها يسببوا له عار .. !! المسيح رد عليهم كلام قوى اوى .. ان الاب منحه كل ما له .. وانه بيعمل اعمال الاب فى وقت الاب وعلى طريقة الاب مش على كيفهم .. وقال جوة كلامه الاية دى .. قالهم انا مش منتظر مجد من الناس بل انا لا اقبله .. مش عايزه .. لانه مجد على كيفهم يسحبوه فى اى وقت .. وينقلبوا فى اى وقت .. ومذاجهم يتغير فى اى وقت .. ويختاروا يساعدوا مين علشان يتشفى .. مين يترمى فى البركة الاول..قريب الكهنة ولا اللاويين ولا الحكام ولا اشراف الشعب .. لكن الغلبان ده ٣٨ سنة مريض .. مش مهم عندكم .. علشان مش على كيفكم .. بس يكون فى علمكم .. انا من عند الاب خرجت .. والمجد اللى لى هو من ابويا لانى بطيعه .. حتى لو كلكم ها تجيبوا عاركم وتحاربونى بيه .. هلليلويا .. هذا هو يسوع .. ...

 من شوية كنت بصلى .. وشوفت ناس فى الجحيم .. لكنى شوفت بعد جديد من ابعاد الجحيم اللى بيعيشوا فيه .. الناس دول كان عندهم ادراك واضح مش بس للالم اللى سببوه لغيرهم .. لكن كمان ها يكون عندهم ادراك واضح لنواتج اللى عملوه حتى لو هما ما كانوش متابعين قصته على الارض .. وكمان ها يكونوا عارفين بوضوح مين اللى تسبب فى ضرر ليهم .. وضرهم ازاى .. حاجة تانية .. احقاد كل شخص تجاه الاخر ها تكون احقاد لا تنطفىء ..يعنى انتقام مستمر كله بينتقم من بعضه دائما .. كمان كل مشاعر الناس وأفكارهم الشريرة ها تكون مكشوفة بوضوح لكل اللى حواليهم .. كلهم عارفين انهم بيكرهوا بعض .. وبيعرفوا الشر اللى سببوه لبعض .. وبينتقموا من بعض .. وبيشوهوا بعض بكراهيتم لبعض .. ودى دايرة بتستمر للابد .. 😭😭 وضع محزن جدا جدا .. وده كله ناتج عن انفصالهم عن الرب .. عاشوا حياتهم بذراعهم .. وانتقموا وكرهوا وظلموا واتظلموا .. لكنهم ما كانوش عارفين انهم ها يكملوا كدة للابد وده هو العذاب الحقيقى .. يسوع المسيح هو باب الخلاص وطريقه .. ان عطش احد فليقبل إليه .. اطلبوه بكل قلوبكم وهو ها يعرف ينتشلكم .. قبل فوات الاوان .. 😭😭

 لكل شخص الرب بينده عليه علشان يدخل لأراضى جديدة معاه .. و مازال بيتعثر من الماضى ..او حاسس انه مش قادر يكمل بسبب جروح او ذكريات .. حتى لو كانت فى بيت احبائه .. عايز اقولك .. الرب كان بيكلمنى ان من يضع يده على المحراث فى ارض اختارها له الرب .. لا ينظر الى الخلف .. ولا تذكر القديمات والاوليات لا تتأمل بها لان الرب إلهك صانعا امرا جديدا فائقا الان ينبت .. هلليلويا .. نعم يجذبنا وراءه فنجرى .. 💪💪

عدم الغفران ..  يحجب عنك بركات الرب لحياتك .. ويجعل رغبتك فى الانتقام ورد الاساءة ثابتة لسنين فى اعماقك .. ويشوه اعماقك لتنفصل عن الرب لإختلاف طبيعتكما .. الحق يدمر ويكشف كذب ابليس .. الرب بيقول ان له نقمة وهو يجازى .. اترك الامر من يدك واغفر .. لتكون على صورة الرب .. وتأكد ان هذا اعلان ايمان ان إلهك عادل .. وهو لن يترك حقك يضيع ابدا .. لذا اعطى المجد لإلهك .. ولا تسعى الى مجد نفسك .. لكى لا تسقط فى تعييرات الظلام ..

 لا يمكنك ان تخدم سيدين .. ☝️☝️ فإختار سيدك واخدمه ..👉👉 انا اخترت ادوناى ( السيد ) .. انه السيد الحقيقى .. 💪💪 كل الاسياد تستهلك عبيدها وتفنيهم .. الا ادوناى يشدد عبيده ويمنحهم حياته .. نعم الرب السيد ( يهوه ادوناى ) قوتى ويجعل قدمى كالايائل .. هلليلويا .. 👏👏

 من شوية كنت بصلى .. وشوفت كلمة الرب ..الكتاب المقدس ..واقف مفتوح ومليان نور رهيب .. وناس كتيرة شايلين احمال رهيبة شنط ضخمة جدا على ظهرهم .. ورايحين ناحية الكتاب العملاق ده .. ما كانوش عارفين يخلعوا الشنط دى وكانت بتجرحهم جدا وبينزفوا من ثقلها وألمها .. وكل واحد من الناس دول كان متألم اوى وتعبان .. لكنه كان فى طريقه الى الكتاب المقدس .. وبدأ كل واحد يدخل جوة الكتاب من سطر مختلف او كلمة او صفحة .. وكان مدخله او منطقة دخوله .. كلها نور رهيب كأنها بوابة مضيئة كملايين الشموس نور من الرب .. مش موجود زيه هنا .. وشوفتهم بمجرد ما بيدخلوا فى بوابات الايات او الكلمات.. بيتشفوا من الجروح وتمزيق جسدهم .. وكمان ايدين الشنط اللى ماسكة فيهم بيدخل فيها النور وبيحللها تماما .. بيفككها .. وبتسقط منهم فى الظلام برة الكتاب .. وبيكملوا علشان يدخلوا لنور اعمق جوة اعماق الكتاب .. الكتاب جواه نور لدرجة ان اللى بيدخل بيبقى مليان شفاء وسلام .. وامامه نور بلا نهاية .. ومستوى راحة لا يمكن وصفه او قياسه .. هلليلويا كلمة الله .. تحمل كل ما لله .. وفيها ننال كل ما لنا فيه .. 💪💪

 فى مرة كنت بصلى .. وكنت حاسس ان مجهودى اللى ببذله مش ها يقدر يحقق المطلوب منى .. المطلوب منى صعب اوى .. لكنى فوجأت ان الرب بيقولى .. ومين قالك ان مجهودك لوحده كافى .. لكن انا اكمل .. 👉👉 ايوة الرب عارف صعوبة اللى بنواجهه .. وعارف اننا مش ها نعدى غير بيه هو .. وهو جاهز جدا ومستعد تماما .. هلليلويا .. 💪💪

 لكل شخص شاعر ان قوته بتخور و امكانياته بتنتهي لدرجة انه مش قادر يتكلم ..  عايز اقولك ان الرب بيشعر بحالتك جدا جدا جدا .. حتى لو نفسك مكسورة زى ساق النبات اللى قربت تتقصف وتتكسر .. او اخر قوتك بتتبخر زى فتيل الشمعة اللى انطفأت نارها .. الرب عارف كدة ..ولن يدع زرعتك تنقصف ..ولن يترك فتيلة شمعتك تنطفىء .. ولكن .. ها يستخدم اقل امكانيات عندك وفى ظروفك .. لغاية لما يخرج الحق الى النصرة فى حياتك .. وكلمته ها تتم وها تثبت .. هلليلويا 💪💪 متى ١٢ : ٢٠ 📖📖 قَصَبَةً مَرْضُوضَةً لاَ يَقْصِفُ، 👉👉 وَفَتِيلَةً مُدَخِّنَةً لاَ يُطْفِئُ، 👉👉 حَتَّى يُخْرِجَ الْحَقَّ إِلَى النُّصْرَةِ.

 خطورة المعرفة اللى مصدرها الشيطان .. 🤔🤔 انها بتستقر فوق حياة الاشخاص وبتسيطر عليهم لانهم مش خاضعين للرب .. يعنى اللى بيقرا الابراج او بيلجأ لشخص يكلمه عن مستقبله او القرارات اللى ممكن ياخدها وتسبب النجاح والانتصار او كلمات يتم تلاوتها او اعلانها ليه وفيها انتصار وحماية وهى مش من الرب .. ده بيضع نفسه تحت سلطان مصدر هذه المعرفة او مالكها .. وممكن المالك ده يتدخل فى اى وقت ويدمر اجزاء من حياة الشخص ومؤكد ها يهلكها للابد .. لانه اصبح شريك فيها .. وكأنه بيسوق سيارة تجاه الابدية .. والراكب بجانبه هو شيطان .. اين سيذهب .. ؟؟ سيذهب لهلاك وجهته أبدية .. 😭😭

 لكل شخص لسة بيعذبه عدم الغفران والرغبة فى الثأر والانتقام .. الكتاب بيقول لا يغلبنك الشر بل اغلب الشر بالخير .. 📖📖 مش ممكن ها تعرف تغلب الشر بالشر مهما حاولت .. لكن الحل الوحيد انك تهزم الشر بالخير .. 👉👉 اغفر وكل حقك ها يرجع لك من الرب .. اغفر علشان الرب يدخل بنفسه فى ظروفك ويديلك نصرة على الشر .. 💪💪

 احترسوا من سعيكم الدائم للربح من العالم .. 👉👉 لان من يربح كل ما يريده من العالم يكون قد خسر نفسه .. 😭😭 الربح مش مادى فقط .. فى ناس عايزين يربحوا معرفة من العالم او شهرة او مركز اجتماعى او سلطة او ممتلكات او علاقات او او .. محبة العالم بولاء تام .. هى عداوة واضحة لله .. اى توجه مضاد تماما لطرق الرب .. والفاهمون لن يظلموا بالظلام .. الفاهمون سيضيئون .. 👏👏

 اؤمن بدور مصر الروحى فى كل قارة افريقيا والعالم .. وانه مازال لم يبدأ بعد بكامل قوته .. 🙏🙏 اؤمن ان بوابات عملاقة فى السماويات ستنفتح بإستعلان لخلاص الرب فى هذه الازمنة القادمة .. وستبدأ من مصر من القلوب المنسحقة امام الرب فى مصر .. 👉👉 صلوا من اجل هذه البلد لان قوة الرب ومخازن مجده تملىء السموات وتنتظر انفتاح البوابات .. وتنفتح البوابات بقلوبنا الممتلئة بالنار والصلوات .. قلوبنا المتحدة لا كطوائف ظاهرية بل كروح واحد وجسد واحد رأسه المسيح .. 🔥🔥 اؤمن بدور مصر الروحى فى كل قارة افريقيا والعالم .. وانه مازال لم يبدأ بعد بكامل قوته .. 🙏🙏 اؤمن ان بوابات عملاقة فى السماويات ستنفتح بإستعلان لخلاص الرب فى هذه الازمنة القادمة .. وستبدأ من مصر من القلوب المنسحقة امام الرب فى مصر .. 👉👉 صلوا من اجل هذه البلد لان قوة الرب ومخازن مجده تملىء السموات وتنتظر انفتاح البوابات .. وتنفتح البوابات بقلوبنا الممتلئة بالنار والصلوات .. قلوبنا المتحدة لا كطوائف ظاهرية بل كروح واحد وجسد واحد رأسه المسيح ..

 الصبح لاقيت نفسى بصلى الصلاة دى .. 🙏🙏 يارب انا مش عايز حاجة من ايد بابل الزانية .. واحدة زانية ايه اللى ممكن تديه لى وينفعنى .. اى حاجة ها خدها منها هى لهلاكى مهما كانت جميلة .. 🙏🙏 ( بابل دايما هى رمز للعالم وللاله الشرير اللى بيحكمه ورمز لولاده اللى شبه ) ..

 ايها الرب املأنا بالايمان .. فنرى قوتك فى سمواتنا .. ولا نستسلم لأكاذيب العدو .. 💪💪

 على من خرجت لتعير يا ربشاقى ؟؟!! .. ان إلهنا إله حى .. وهذه لك العلامة .. غدا كل جيشك يكونون قتلى .. ولن تتمكن من ضرب مدينة الرب بسهم واحد .. هلليلويا ..

 لكل شخص ظروفه صعبة او مستحيلة .. 👉👉 عايز اشاركك بالحق ده .. 👇👇 ان قدرة الرب ليس لها اى حدود ولا يقدر اى عائق ان يصمد امامها ولا حتى ظروفك نفسها تقدر تصمد امامها .. هلليلويا 💪💪

 الصبح شوفت فى روحى ظلام دامس مفزع ..لكن الرب قرب منى فى شكل سحاب او مجال من النور مش عارف اوصفه .. ولما دعانى او سمح لى بالدخول للمنطقة دى .. شوفت الظلام الدامس بدأ يبعد عنى اميال كأن الرب هو بنفسه فاصل نور رهيب لا يمكن للظلام اختراقه ..  وانا قاعد بصلى ومتحير .. شوفت مشهد عمود او فاصل النار .. اللى فصل بين شعب الرب وعسكر المصريين .. وكان جوايا ان ده وقت نعلن فيه .. ان لا يسيطر علينا سلطان فرعون وتبطل قوة ملوكه وسحرته وكهنته .. لان إلهنا يفصل بيننا وبينه .. نحن فى دائرة سلطان إلهنا ..وهو يرسل ملاكه ويفصل بيننا وبين سلطان الظلام .. هلليلويا .. فى وقته تسرع بيه ايها الرب الجبار رب الصباؤوت انت .. وسلطانك واسمك فوق اسمائهم ..هلليلويا نعم انت تحطم قوسهم وسهامهم ..وتسلبهم رتبهم وسلطانهم اذا تجرأوا ان يحاربوا ضد شعبك ..هلليلويا .. 💪💪👏👏👏🔥🔥🔥 الخروج ١٤ : ١٩ 📖 فَانْتَقَلَ مَلاَكُ اللهِ السَّائِرُ أَمَامَ عَسْكَرِ إِسْرَائِيلَ وَسَارَ وَرَاءَهُمْ، وَانْتَقَلَ عَمُودُ السَّحَابِ مِنْ أَمَامِهِمْ وَوَقَفَ وَرَاءَهُمْ. الخروج ١٤ : ٢٠ 📖 فَدَخَلَ بَيْنَ عَسْكَرِ الْمِصْرِيِّينَ وَع...

 بمناسبة عيد الفصح اللى كان من يومين .. 🎉🎉 وضرورة تجسد المسيح لإتمام الخلاص .. ووجود كيان روحى سواء افراد او جماعات او منظومات .. بشرية او روحية .. تعمل بشكل معاكس لعمل خلاص المسيح للعالم .. 🤔🤔 ها سيب معاكم .. كلام عن " ضد المسيح " .. والكلام ده من الكتاب المقدس .. 📖📖 ضد المسيح 👉👉 🤔🤔 "كل روح لا يعترف بيسوع أنه قد جاء في الجسد فليس من الله، وهذا هو روح ضد المسيح الذي سمعتم أنه يأتي والآن هو في العالم" (1 يو 4: 3)، "وكما سمعتم بأن ضد المسيح سيأتي. فقد قام الآن أضداد للمسيح كثيرون" (1 يو 2: 18)، "مَنْ هو الكذاب إلا الذي ينكر أن يسوع هو المسيح؟ ذلك هو ضد المسيح الذي ينكر الآب والابن" (1 يو 2: 22)، "فإنه قد انتشر في العالم مضلون كثيرون لا يعترفون بأن يسوع المسيح أتى في الجسد ومن كان كذلك فهو المضل والضد للمسيح" (2 يو 7). الرب يفتح العيون .. فالمجد وحده للرب الاله الحقيقى الوحيد ..👉👉 والفاهمون يضيئون..

 فخور بمصر .. البلد اللى باركها الرب .. واللى عبر بنفسه فى ارضها .. علشان يقول انها ملكية له .. وعلشان يقول انه إله الارض وفوق كل الآلهة .. 🇪🇬💪 بمناسبة الاحداث اللى بيها حضارة الفراعنة المصريين بتتصدر عالميا فى كل مواقع وصحف العالم .. واكيد ده ها يعمل رواج سياحى لبلدنا الغالية الحبيبة مصر ومصر تستحق تبقى فخر لكل مصرى وللعرب وافريقا والشرق كله .. 🇪🇬💪 وبرضه دى احداث متزامنة مع عيد الفصح عالميا اللى المسيح فصحنا ذبح فيه لفداء كل البشرية من الهلاك .. كل سنة واخوتنا اللى فى البلاد الاجنبية بخير .. 🎉🎉 حبيت اجمع شوية بوستات رائعة لمبدعين شاركوا فى الحفل المذهل ده .. 🎉🎉 وكمان ها سيب معلومات عن ايزيس .. اللى تم فى حفلنا العملاق المذهل.. انشاد اجزاء من مقطوعة المهابة اللى كان بيقولها كهنتها فى المعبد الخاص بيها لعبادتها وتبجيلها واعلان سيادتها .. وبنفس اللغة الهيروغليفية بتاعتهم وبنفس النص .. كأنهم لسة بيقولوها حالا .. علشان يسمعها كل العالم .. معلومات فى التاريخ الفرعونى اسطورية عن الاله ايزيس .. 👉👉 - قامت بإحياء زوجها الملك الإلهي المذبوح أوزوريس - إيزيس ترشد الموتى إلى الحياة ...

 الانسان كائن روحى .. مش مجرد جسد ونفس .. 🤔 وتجمع اى بشر بشكل منظم لازم ها يكون له تأثير روحى .. 👉 واللى معتبر ده لا ينتمى للكتاب المقدس او ده فكر غريب على الحق الكتابى .. يروح يبص على قصة برج بابل .. ويبص على احداث ما قبل الطوفان برضه .. وخيانة جزء من رجال شعب الرب مع بنات مؤاب وقصص كتير .. ولا دول من برة الكتاب ؟؟ اكيد بحب الاتزان ودايما بسعى لكدة .. لكن بزعل لما العلمانية او منطقية العصر الحديث او ايمان العالم المبالغ فيه بمصداقية التاريخ او قوة العلم والحكمة الارضية .. تستخدموها فى تدمير اجيال جديدة .. بشوية افكار فلسفية .. وتفصلوهم عن حق كتابى واحداث وحروب روحية .. هما ارادوا او لم يردوا .. جزء منها .. فكروا فى الكلام .. وروحوا ادرسوا الكتاب .. او خليكم فى نظرياتكم وافضلوا ابعدوا عن الحق .. لغاية لما تلغوا نصوص من الكتاب وتلغوا قصص او تعتبروا بعضها خيالى وتشيلوا ايات ومقاطع وفصول واسفار .. وده فعلا بقى بيحصل .. !! انتم احرار ومسئولين عن نفسكم .. انا زعلان على اجيال بتتعلم بشكل غير متزن .. ها تدمروهم كدة .. وفى الاخر ها يهربوا من الرب بسببكم .. !!

  امبارح كنت بصلى .. 🙇 وبقول يارب فى احداث كتيرة متداخلة ومتلخبطة .. مش عارف اعمل ايه ؟؟ خايف اغرق من كتر الامواج دى ؟؟ لاقيت الرب بيرد جوايا بشكل واضح .. " انا اضبط كل شىء .. انا ضابط الكل " ..هلليلويا 💪 ايوة كلها فى ايدك انت يا ملك .. حتى لو ايدى مش قادرة .. .. 🙇

 نعم حروب العدو مستمرة لغزو هذه الارض .. لكننا انتصرنا وننتصر وسننتصر بسبب مذابح قلوبنا لان الرب يتقدمنا .. نعم .. تحيا مصر مباركة بسبب الرب .. 📖🇪🇬 يعجز ابليس وتفشل خططته فى بلد بها رجال مصليين ..👉 اكثروا الصوم والصلاة لطلب وجه الرب .. 🙇 نعم حروب العدو مستمرة لغزو هذه الارض .. لكننا انتصرنا وننتصر وسننتصر بسبب مذابح قلوبنا لان الرب يتقدمنا .. نعم .. تحيا مصر مباركة بسبب الرب ..

 ايهما يغير البشر عن اخطائهم بطريقة اعمق وشبه نهائية ؟؟ 🤔 ان تضربهم بكلمات مدمرة او تصفعهم على وجوههم حتى البكاء .. ام ترذلهم وتنبذهم من المجتمع .. ام تهددهم بإيذاء جسدى او نفسى فى حالة تكرار الخطأ ..؟!! او ان تحتضنهم وتقترب من عالمهم وتريهم كم عالمك هو عالم اجمل.. وانك تستطيع ان تساعدهم كلما اخطأوا حتى يصبحوا مثلك يشفون حياة الآخرين ..؟!! لا شك ان طريقة الرب افضل دائما ولا يلجأ لها الا من استمتع بها مع الرب .. شكرا يا رب لانك كنت بمحبتك محتملا لنا و تشفى عجزنا وجهلنا ..

 من شوية كنت بقول للرب .. ليه يارب خدامك الامناء .. بيعانوا وحياتهم صعبة .. !! طيب خليهم متكرمين .. زى الناس اللى بنشوفهم معاهم مستوى راحة ورفاهية .. اللى الناس شايفينهم هما دول المختارين منك واللى انت بتكرمهم .. !! لاقيت الرب بيورينى بوضوح .. وجهه المتورم من الضرب .. وجروح الاكليل فى رأسه .. وبيفكرنى بكلام إشعياء النبى .. لا منظر فيه ولا جمال .. رجل اوجاع .. مختبر الحزن .. لدرجة ان الناس حسبوه مصاب ومضروب من الله .. وهو الامين اللى قبل يتوضع عليه اثم جميعنا .. واللى بسببه احنا اتشفينا .. هو المخلص .. !! وكان الرب بيقولى ليس عبد اعظم من سيده ولا تلميذ افضل من معلمه .. هو يعرف اللذين هم له .. ويعرف كيف يكرمهم للابد .. حتى لو لم يكرمهم العالم .. امين .. 🙏🙏

 الصبح كنت بصلى .. 🙇 وكان الرب بيكلمنى انه الباب الوحيد اللى يقدر يغير .. ومن يقبل إليه لا يطرده خارجا .. وشوفت انسان مريض جدا فى اعياء شديد .. ولبسه متقطع كأنه عطشان وجعان وماشى فى ارض برية تشبه صحراء .. ولاقيت باب مفتوح قدامه جوة الصحراء دى .. ومن تعبه مسك بإطار الباب علشان ما يقعش .. واتسند ودخل جوة الباب .. وفى اللحظة دى .. لاقيته هو هو خارج من الناحية الثانية على مكان مختلف تماما وكان لبسه جديد وبيقفز كأنه طاير من الفرح والتجديد .. وكان الرب بيقولى .. انا هو الباب اللى بيشفى .. انا الباب اللى بيخلق .. انا الوحيد اللى يصنع ازمنة جديدة .. المعجزة فى داخلى انا .. هلليلويا .. ايوة انت ها تقابلنا فى البرية دى ..وعمرنا ها يتملى بمعجزاتك ..

 فى قصة ابراهيم وسارة .. 📖 الملاك رد على الشك والحزن واليأس والخوف اللى فى قلب سارة .. باليقين اللى عنده فى السموات اللى جاى منها .. وكان رده ده .. فى شكل سؤال المستنكر اوى اوى .. والمستغرب جدا جدا من الشكوك دى .. وسأل .. هَلْ يَسْتَحِيلُ عَلَى الرَّبِّ شَيْءٌ؟ 👉👉 فِي الْمِيعَادِ أَرْجعُ إِلَيْكَ نَحْوَ زَمَانِ الْحَيَاةِ وَيَكُونُ لِسَارَةَ ابْنٌ»." (تك 18: 14) و اول مرة الرب يفتح عيونى على استغراب الملاك الشديد ده .. هو فى حاجة بتستحيل على الرب ؟؟؟!!! هلليلويا .. لا يارب ما فيش حاجة مستحيلة عندك .. ايوة فى عطية ها تتولد واكرامك ما فيش حد ها يقدر يوقفه .. هلليلويا فى وقتك انت يا ملك .. 💪💪

 فى مرة الرب كلمنى .. وقالى لما تشوف ضعفات فى غيرك .. اعرف ان امتحانك ابتدى .. !! لان قلبك ها يظهر ما فيه قدامك بوضوح .. لو انت خوفت وتألمت من اجل اخوك .. وصليت ونوحت وصومت من اجله .. وكتمت الحديث عنه لغيرك .. ها كون ببارك قلبك وبفيض عليه بإكرامى ومشاعرى .. انت شريكى فى ملكوتى .. ولو انت بصيت له بكبرياء جواك وكأنك الافضل .. ورفضت تصلى وتنوح وتحزن من اجله .. وكلمت غيرك عنه لتعريته .. ها كون ضدك حتى لو كنت فى الظاهر فى كرمى .. ها تعيش فى ملكوتك مش فى ملكوتى .. لان ملكوتى ما فيهوش متكبرين .. !! من ساعتها وانا بحاسب جدا لو شوفت ضعف حد .. لان كدة امتحانى بدأ .. وبتوب لو ما إلتزمتش بكدة .. لان ملكوت الرب ما فيهوش متكبرين .. امين .. 🙏🙏

 فى مرة مريت فى مشاكل كتيرة استهلكتنى .. فصليت وقولت يارب انت تعوض .. رد على .. فى وقتها .. كلام اذهلنى .. قالى : انا اضع نفسى من اجلك .. ساعتها عرفت ان طلبى صغير خالص ..وهو على استعداد انه يسدد أقصى درجة .. لدرجة انه يحط حياته مكان حياتى .. ليس لأحد حب اعظم من هذا .. انه يضع نفسه لأجل احباءه .. شكرا ليك يا حبيبي .

 فى مرة كنت بصلى علشان وقت صلاة ها يكون مع شخص فى ظروف صعبة اوى .. وكنت انا كمان فى ظروف صعبة .. وبقول للرب يارب انا مجهد جدا .. ايه اللى منتظرنى اعمله ؟؟ لاقيت الرب بيقولى .." فقط كن فمى وكلمتى " .. ابتسمت ساعتها فى ذهول لانى فهمت هدف الكلمتين دول .. !! مرات بيبقى كل المطلوب مننا اننا نصدق الرب ونخضع له وبس .. لا بقوتنا لكى لا يكن الفخر لنا .. وحتى و احنا فى ضغوط ينفع دايما نكون بوابة لبركات الرب .. مش شرط تكون حياتنا افضل حاجة علشان نبدأ ندعم او نبارك ناس تانيين .. القوة فى كلمات من الرب .. مش فى مشاعر او كلمات مننا .. يارب اشكرك من اجل اوانينا الخزف .. لانك سررت تضع فيها كنزك .. امين 🙏🙏 هلليلويا لانك تصنع بنا عجبا .. وتخرج من ضعفنا قوتك العظيمة .. وتخلص .. 💪💪

 الكتاب وصفنا .. وقال عننا .. انتم اللذين بقوة الله محرسون .. 💪 ها تحاول يا ابليس لكن برضه مش ها تنجح .. لان الحق ده ثابت فى السموات من جهتنا .. هلليلويا 👏

 عتاب محبة .. 🤔 بستغرب لما بلاقى مؤمنين عاملين متابعات لصفحات إلحاد او سب للمسيح .. قد تكونوا مش قاصدين او مش متابعين المحتوى المقدم من جهة الصفحات دى بشكل مستمر .. ليس لى ان ادين احد .. الادانة مرفوضة لانها خاصية إلهية خاصة بالرب .. لكننا ينفع نعلن الحق ..و هو بالروح القدس اللى بيرافقه ها يهزم ويفضح الباطل .. خلى بالكم .. معنى الكنيسة يعنى مجتمع خاص بالرب .. 👉 ابليس عارف كويس اوى ..معنى اكليسيا .. معنى مجتمع .. وعارف ان المجتمع له سلطان على الافراد اللى جواة .. وان المجتمع دايما جزء من مملكة او ملكوت .. وهو بيعرف يلعب اللعبة دى كويس من زمان .. انه يضل مجتمعات كاملة على بعضها حتى لو شعارهم دينى .. وياخدهم لملكوته المظلم فى الهلاك .. اكبر مصيبة ان دخولكم او متابعتكم للصفحات او الجروبات دى ..بيخليكم فى مجتمع نجس يعنى منفصل عن الرب .. لان ده معنى النجاسة الكتابى .. خلو بالكم .. انتوا كدة مش بس عرضة للفكر الشرير ده .. لكن عرضة لسيطرة ارواح نجسة او هدفها فصلكم عن الرب .. او عرضة لقيود او لعنات او لقهر من مساحات شيطانية بتسيطر على جماعة او مجموعة بتدير الصفحات دى .. كلامى غريب او انا م...

 امبارح كنت بحكى مع حد .. ان ابليس وكائنات الظلام .. طبيعتهم مستنزفة ومدمرة بشكل تلقائى ومستمر .. ولذلك حتى افكارهم ومشوراتهم .. اللى بيتكلموا بيها بشكل مباشر من خلال ساحر او عراف .. او بشكل غير مباشر فى اذهان البشر ورغباتهم .. ها تكون بتؤدى الى الاستنزاف والتدمير .. يعنى ممكن شخص يستحسن مشورتهم او حتى ما يميزش انها منهم ( نتيجة انه مش ملتصق بالرب ) .. وبالتالى ياخد قرارات او يدخل فى احداث هدفها تدميره .. !! فى امثلة كتيرة اوى منها شاول الملك لما دخل الحرب مع الفلسطينيين وهو خارج محضر الرب .. داخل بالعرافة .. وهناك مات اولاده وانتحر هو .. !! وده مش معناه انك تروح تسأل رجال الرب على رآى الرب .. لان ممكن الرب ما يتكلمش وانت تركب اى كلام على ذهنك اللى بعيد عن الرب..وتذهب لدمارك ..!! كلمة فى ودنك .. اللى مش بيهلك هو بس اللى من قلبه مختار الرب .. اما اللى بيخدع نفسه بيطلع له هلاكه على الطريق .. من إلتصق فليلتصق بالرب .. امين

 فى مرة كنت بصلى .. 🙇 وشوفت كأن فى شخص واقف قدام حاجز زجاجى عملاق .. ووراء الحاجز ده من الجهة الاخرى .. ظهر كائن مظلم شرير وقوى وملامحه مرعبة جدا .. وكان الكائن ده بيخبط وبيصرخ بقوة .. وعيونه وملامحه كانت كلها احقاد وغيظ عمرى ما شوفت فى حياتى شبهه على الارض .. قولت لنفسى ده لو مسك اى حد قدامه مش ها يخلى منه حاجة اصلا .. !! ورغم كل غضبه ده .. الا ان لا صوته ولا خبطه كان بيخترق حاجز الزجاج ده .. والرب كلمنى فى حاجة مهمة اوى .. انه بسلطانه هو حط حاجز واضح ابليس وكائنات الظلمة مش ها يعرفوا يخترقوه .. وهما عارفين كدة كويس .. لكنهم بيبذلوا اقصى مجهود علشان يسيبوا حزنهم وكذبهم وغيظهم وخوفهم .. ولو للحظة جوانا .. علشان يستمتعوا اننا بنتعذب ولو لحظات .. هما كائنات شريرة جدا .. وفى روحى فهمت ان ما فيش منطق او طريقة للتفاوض معاهم او لتغيير غيظهم .. هما ما لهومش ابدا صديق هما كتلة كراهية رهيبة .. ساعتها افتكرت خدعة السحر والاعمال الشيطانية .. وكذبة انها ممكن تخلى الظلمة تكرم او تحمى حد .. لا يمكن ابدا .. ومهما استخبت الظلمة وراء ابتسامات .. ها تفضل بتتمنى تفتك بكل اللى حواليها وفى الوقت المنا...

  شكرا لانك افتقدتنا بمراحمك العظيمة و لم تتركنا مظلمين .. 🙇 كنا فى الظلام الدامس ودعوتنا انت الى انوار مجدك الابدى .. 🙇 نعم نقلتنا الى ملكوت ابن محبتك .. هلليلويا ..

 ابليس ليس لديه مانع ان يعطى للبشر مجد فى العالم .. لكى يهلكوا للابد .. !! 🤔🤔 وليس كل مجد من الرب .. حتى لو متغلف بأجزاء من الحق لخداع القلب ..👉👉 وروحوا شوف المسيح الرأس وهو رافض ..لمجد متغلف بأجزاء من الحق .. ومن يتبع السيد لن يهلك فى خداع الظلام .. امين

 " استعد للقاء إلهك " عاموس ٤ : ١٢..📖 دى مش جملة تتقال فى الجنازات فقط .. دى لازم تكون حالة دائمة للحياة .. ودى مفرحة جدا .. لانها امتع لحظة لمؤمن مشتاق يبقى للابد مع إلهه .. ❤️ لكنها مفزعة جدا .. لمن يظنون ان نفسهم ضمانهم او آلهتهم الكاذبة سترهم .. 😭 هلليلويا نعم انت عادل الى الابد يا رب .. وقضائك يرعب اعدائك .. نعم لنستعد .. لاننا سنقف امام كمالك قريبا الى الابد ..

 خلينى اقولها بكلمات مختلفة .. زمان فى السما .. كان فيه كائن متميز اسمه زهرة بنت الصبح .. ملاك رائع مليان جمال .. كان بيعبد الرب الاله .. لحد ما فى لحظة .. قرر ان ذاته كاملة .. واتخدع وشاف نفسه كامل وينفع يكون إله .. !! وخرج من محضر الرب بسقوط عظيم .. كذبة سيطرت عليه ونزلت بيه من اعالى النور الى اسافل الظلام .. وهناك اكتشف انه ممكن يبقى إله ( فى تصوره ) فى منطقة مظلمة جوة احضان الهلاك .. ونزل بكذبته للجنس البشرى .. وكذب على حواء وادم .. انهم ينفع اوى يبقوا زى الاله .. قبلوا كذبته وبرضه نزلت بيهم للظلام .. لولا رحمة الرب بيهم .. دلوقتى نفس الكذبة لسة بيروجها فى العالم .. دعوة عامة للكذبة نفسها .. كن إله .. كن غير خاضع للرب .. كن نفسك .. كن مختلف ( منحرف او شاذ او برة بيت الرب او علاقاتك كتير او او او ) .. كن نجم وحولك يجتمع الملايين والتابعين .. اربح وامتلك كن سيدا ليكون الاخرون عبيدا لك .. !! ومازالت الحية تكذب .. فهل من فاهمون ؟؟ لا تترك محضر الرب لكى لا تصير فى محضر الشياطين .. 🙏🙏

 انتن شريكات الرب فى صناعة جيل يسحق رأس الحية ..  علشان انتم مصنع المشاعر والتكوين والاحلام وحاجات كتير اوى .. هو قال نسل المرأة يسحق رأس الحية هو حط القوة دى جواكم .. وتمت فى المسيح وها تتم من خلالكم .. تكوين ٣ : ١٥ ..  ايوة بصدق كل ام ممتلئة بالرب .. سواء اشتركت بجسدها ورعايتها .. او بنفسها وتعليمها .. او بروحها وعبادتها للرب .. فى صياغة حياة بشر حتى لو مش اولادها بالنسل الجسدى .. البشر دول لازم ها يسحقوا رأس الحية وها يمجدوا الرب فى الارض .. واللى لسة اولادها بعيد .. برضه ايمانك وحياتك ها يستخدمهم الرب .. وبرضه نسلك ها يبقى للرب وها يسحق رأس الحية .. ده وعد .. هو اللى قاله .. وكل سنة وانتم طيبين .. ❤️❤️ الى امى وزوجتى وحماتى واختى وخالاتى وكل ام ❤️❤️ انتم شريكات الرب فى صناعة جيل يسحق رأس الحية .. علشان انتم مصنع المشاعر والتكوين والاحلام وحاجات كتير اوى .. هو قال نسل المرأة يسحق رأس الحية هو حط القوة دى جواكم .. وتمت فى المسيح وها تتم من خلالكم .. تكوين ٣ : ١٥ .. ايوة بصدق كل ام ممتلئة بالرب .. سواء اشتركت بجسدها ورعايتها .. او بنفسها وتعليمها .. او بروحها وعبادتها لل...

 الصبح كنت بصلى علشان حد بيمر فى ظروف صعبة جدا .. 🙇 وشوفت المسيح لابس لبس نجار .. ومشمر اكمامه وبنطالونه .. وماسك فى ايده اطار الباب اللى بيبقى راكب فى الحيطة ( الحلق يعنى ) .. وكان قاعد فى تركيز شديد بيفك حلق الباب بالشاكوش .. وقعد يظبطه على ترابيزة النجار .. ويخبط عليه يمين وشمال .. ويهبد عليه بإيده .. لغاية لما عدله وبدأ يمشى عليه ايده .. ويبص له من كذا زاوية .. لغاية لما اتأكد انه تمام مظبوط .. وبدأ يركبه فى الحيطة .. ورجع من بعيد يبص عليه علشان يتأكد ان الحلق ده معدول فى الحيطة كويس .. ساعتها فهمت ليه مرات بتحصل احداث فى حياتنا غير متوقعة وموجعة جدا او خارج احلامنا وطموحتنا .. لو الحلق ده فضل يحلم انه يبقى حلق باب فى قصر .. عمره نا ها يعرف انه متعوج ومايل .. وانا باب القصر ها يكسره تماما وها يتدمر ويترمى حطب للنار وتضيع قيمته .. ولازم فجأة النجار يتدخل .. ويفكك الحلق ده .. ويدخل بأحداث تقطع تسلسل احلام الحلق ده .. ويبدأ النجار يعدله .. وساعتها ها يصرخ وها ينألم وها يحس بظلم وقسوة النجار .. ويمكن يفتكر ان النجار ما بقاش فاهم حاجة .. لكن الحقيقة ان النجار شاطر اوى وفاهم اوى .. ...

 من شوية كنت بصلى وبكلم الرب ان فى احلام لناس كتير بدأت تنطفىء .. لان الواقع معاند اوى .. او لانهم بيتحاربوا بشكل مستمر ونفسهم قربت تيأس وتنطفىء .. لاقيت الرب بيفكرنى بالكلمات دى .. لانك انت يارب تضىء سراجى .. الرب ينير ظلمتى .. عايز اعلن ايمانى فى وجه كل كلمات كاذبة .. القصة كلها قصة الرب .. ايوة يا داود مظبوط كلامك .. لان الحرب هى للرب .. هلليلويا هو اللى ها يضيء سراجنا حتى لو جليات واقف ٤٠ يوم يعيرنا ان ظلامه اقوى .. لن تشمت بى يا عدوتى .. لان يا يهوه قوتى وقد صار خلاصى .. 💪💪 هلليلويا .. ايوة إلتفتوا إلى .. واخلصوا يا جميع اقاصى الارض .. لانى الاله الحقيقى .. وليس اخر .. 💪💪

 من شوية كنت بصلى .. 🙇 وشوفت منظر لقوات شيطانية متجمعين بأقصى غيظ وغضب وماسكين اسلحة كتير ومعاهم آلات حربية ضخمة وبيحاولوا يخترقوا باب مدينة وبيبذلوا اقصى مجهود عندهم .. وبدأ الباب يتفتح بصوت مصراعيه ببطىء .. !! سألت نفسى .. يا ترى كدة خلاص ها يدخلوا المدينة بكل القوة والغضب ده .. دول كدة ها يدمروها تماما .. ؟؟!! لكن فى اللحظة اللى انا فيها فى حيرة .. شوفت ايد الرب عملاقة مهولة الحجم والقوة .. قفلت الباب ده واسقطتهم للوراء .. بأصبع واحد فقط من يد الرب الاله .. هلليلويا .. فى اللحظة دى .. فهمت ازاى الكتاب بيقول يحاربونك ولا يقدرون عليك .. لانى معك .. اه ممكن يكونوا متجمعين بأقصى قوة .. وممكن تيجى عليك لحظات .. انت سامع صوت البوابات بتتفتح وها ينتصروا .. لكن لا .. المشهد عمره ما ها يكمل كدة .. دايما النهايات الحقيقية فى الرب فقط .. وها يجى وها يطوح بهم فقط بأصبع واحد .. 💪💪 وافتكرت كلام سحرة فرعون .. وهما بيقولوا مش ها نقدر نعمل اللى بيعمله موسى .. كفاية كدة مش ها نعرف نصمد امامه فى التحدى .. لان معه اصبع الله .. هلليلويا .. إلهنا كبير اوى .. 💪💪

 من فترة وانا بدأت اسمع فى روحى حوار ونقاش بأشكال مختلفة بين الرب وانواع مختلفة من الاشخاص وهما واقفين قدامه للدينونة .. اترددت انى اكتب الكلام ده .. لكن فى النهاية قررت اكتبه لانه ممكن يفتح عيون ناس كتير .. المسيح استخدم نفس الطريقة لما حكى عن العبيد اللى السيد ساب لهم وزنات .. ولما رجع لقى العبد الشرير بيناقشه وقصد يحكى لنا النقاش ده .. نقاش ما قبل الدينونة لان السيد اصدر حكمه وقتها بسلطان وبوضوح بعد النقاش ده .. كمان الانبياء - وان كنت غير مستحق انى ارفق كلامى بسيرتهم حتى - كتبوا احاديث كتيرة بين الرب وشعبه او وافراد او ملوك او كائنات روحية .. لذلك ها بدأ اكتب .. وها ستخدم نفس نمط عرض المسيح للقصة .. حوار بين السيد والعبد .. السيد : لماذا لم تسير فى طريقى ؟؟ العبد : لم يكن طريقك واضحا امامى كان هناك عشرات الطرق التى ظهرت امامى .. انت قصدت ان تجعلنى اتوه واهلك .. السيد : لا بل انت من جعلت نفسك للهلاك لقد وقفت انا عشرات المرات امام طرقك الشريرة لأمنعك بمراحمى لكنك رفضتنى .. العبد : اين كنت تقف انى لم اراك يوما .. كنت دائما تتركنى وحدى فى مشاكلى ؟؟ السيد : كنت كل يوم ارسل لك زميلك ...

 زى ما المعادن لا يمكن خلطها معا الا فى وقت الانصهار ( اعلى درجات الحرارة ) .. هكذا الضيقات التى نمر بها .. تجعلنا نختلط تماما بالرب .. و تفصل عنا كل شوائب تعيق اتحاده العميق بنا .. ولم يكن وقت الراحة ليصنع هذا التغيير المجيد فى طبيعتنا .. شكرا يارب من اجل كل ضيق كنت انت فيه معنا .. نعم هذا الاتون جعلنا نختلط بك بشكل أعمق .. لقد رأينا هناك الرابع الشبيه بإبن الالهة .. هلليلويا ..

 النهاردة الصبح كنت بصلى .. 🙇🙇 وشوفت ناس قاعدين فى منطقة مظلمة تماما .. وكانوا قاعدين جوة مقطرة وبيتعذبوا .. فى منهم اللى كانت جروح مالية جسمه .. واللى عنده تمزيق واضح او فقد لأجزاء من جسمه .. ولاقيتهم فى هذه الحالة لزمن طويل جدا جدا .. وعرفت فى روحى ان ده مكان من الجحيم .. كانوا بيحاولوا يخرجوا لكنهم مهما حاولوا سلاسلهم ما كانتش بتتفك .. وكانوا بيخبطوا فى حاجز غير مرئى وبيتوجعوا اكتر ويرجعوا فى يأس ودموع فى اماكنهم ومرارة ندم رهيب ورعشة برد فى ظلام واهمال دائم .. كانوا فعلا جوة سجن لا يمكن الخروج منه للابد .. لكنى فجأة شوفت ايد الرب بتعدى فوق الحاجز غير المرئى ده .. وبتاخد ناس منهم بيتنهدوا وطالبين الرب .. كان حاجز مستحيل عبوره .. لكن الرب عرف يخطفهم ويطلع بيهم فوق الحاجز ده .. ساعتها شكرت الرب جدا .. لانى اكيد كنت مع الناس دول .. ولولا ايد الرب ما كانش ممكن اكون برة المنطقة دى .. ايوة هو الوحيد اللى جيه وعمل زيارته لأرواح كانت فى السجن .. واكيد انا واحد من الارواح دى .. بشكرك يا إلهى لانك افتقدتنى ومازلت بتفتقدنى وبتخلصنى مما لا استطيع انا ان اخرج منه .. نعم انت يهوه الذى يخلص ...

 الصبح كنت بصلى 🙇🙇 وشوفت نفسى وناس كتير .. بنفس اشكالنا بس خامتنا خزف او فخار .. وكنا متكسرين تماما كأنها اوانى خزفية وقعت اتكسرت اجزاء .. وشوفت الرب يسوع بيجمع فى اجزائى من كل حتة .. واللى لفت نظرى انه كان بيبكى بحرقة رهيبة .. وبيقول انا مش ممكن ها سيبك انت غالى عندى وانا بحبك .. حسيت وقتها ان مشاعره اعلى من اللى ممكن ادركها عن على الارض .. مشاعر اكبر من اللى بنسميها محبة فى عالمنا هنا .. !! وكان عمال يمسح بظهر ايده دموعه علشان يشوف .. وكان بيكمل تدوير فى كل حتة علشان يجمعنى .. ويجمع ناس كتير .. ولاده حبايبه .. دموعه كانت زى الشمع السايل كانت بتلحم الاجزاء المكسورة ببعض وهو ماسكهم فى ايده .. حسيت وقتها .. ازاى احنا بنبقى عاجزين تماما .. وهو بيشفينا ومش بيرمينا ولا بييأس مننا .. ولا بتقل قيمتنا فى عيونه علشان اتكسرنا حتت .. !! اصله فعلا بيحب .. هو ده يسوع ❤️

من شوية كنت بصلى .. 🙇🙇 وبقول يارب مئات الاحداث .. وعشرات التعاليم .. مش عارف مين فيهم صح .. ليه كل المتاهات دى .. ؟؟!! وشوفت فى روحى مساحات من الظلام المهول بتحيط بكل شىء .. ووسط الظلام تشوف ظلال من أرواح شريرة شرهة جدا لتدمير النفوس .. وفجأة ظهر نور من بعيد .. نور شخص انا عارفه .. ايوة هو بنفسه يسوع المسيح .. وقرب منى .. كنت فى حالة من الاعياء والاحساس بعدم القدرة والموت وعدم الوضوح وبرود شديد حواليا وفى كل كيانى .. وقالى انا جايلك انا مش ها سيبك .. ومسك بإيديه راسى .. وفى اللحظة اللى عمل فيها كدة .. لاقيت الارواح والكائنات اللى فى الظلام .. بتهمس لبعضها وبيمشوا فى رعب على اطراف اصابعهم .. ما شوفتش تفاصيل فى وجهه غير نور وبس .. وقالى انت تايه ليه .. انا الباب انا الطريق .. انا الوحيد .. مش ده اللى قولته على الارض .. ؟!! جوايا انا ما فيش موت .. كل اللى جوايا احياء فى ملكوتى .. ولاقيت نفسى وانا ببص له .. بدخل لأعماق نور رهيبة .. هلليلويا .. ايوة هو فعلا الباب .. وهناك جواة ما عرفتش انشغل تانى بالظلام ..

 من فترة كنت بصلى .. 🙇🙇 وشوفت الظلام له ايد ضخمة جدا ورهيبة خارجة من اعماق ظلمة هائلة .. خارجة من مكان خاوى ورطب وفاضى ومليان ضباب .. مكان خراب فعلا .. ولاقيت ايد الظلام دى شقت الارض وذحزحت صخورها .. ومسكت بشر كتير اوى .. كانوا بيتعصروا جواها .. وبينهجوا فى اخر انفسهم من قوتها .. شكلهم كأنهم فى اخر لحظات الحياة بيموتوا وبيتخنقوا وبيفقدوا قوتهم .. كانت بتشدهم وبتشد كل حاجة لتحت قوة لا يمكن وصفها .. لكنى شوفت ناس قاعدين بيصلوا .. ولم تتمكن الايد دى من احاطتهم .. وكل ما كانت بتحاول تمسك بيهم كانت مش بتعرف تقفل قبضتها عليهم .. وهما كانوا جاثيين على ركبهم بيصلوا ومستمتعين بالرب .. وكانوا مش حاسين حتى بوجود الايد ولا حاسين بسلطانها وتدميرها لكل حاجة حواليهم تقريبا .. كانوا رافعين وجوههم لفوق مسبيين ودموع تعزية ماليا عيونهم .. وشوفتهم باصيين على المسيح وكان واقف فى وسط السماء بنور وبمجد رهيب .. ساعتها افتكرت بالروح .. النور يضيىء فى الظلمة والظلم لم تدركه بسيطرتها .. وفهمت كلمات المسيح .. انه ان ارتفع يجذب إليه الجميع .. ايوة عمرهم ما ها يتشدوا بإيد الظلام للهلاك .. لان المسيح فى سمواته...

 من شوية كنت بكلم الرب ..🙇🙇 وبقوله " يارب فى مواقف كتيرة فى حياتى انا مش راضى عنها .. مواقف فيها خزى وعار وألم وكل ما بفتكرها بحس بالتعب " .. شوفت فى روحى المسيح بنفس شكله لابس رداءه الابيض وعليه شال على رأسه واكتافه .. لكنى شوفته بيعمل حاجة غريبة .. بيحط شكاير كبيرة فيها اوراق قديمة كتيرة اوى .. على ظهر سيارة نقل .. وكان مستعجل جدا .. كأنه وراه عشرات النقلات بالسيارة اللى معاه .. وبص لى ونده بصوت عالى .. " هاااا مش ها تجيب العار اللى معاك علشان اخده معايا ولا ها تخليه عندك ؟؟؟!!! " فضلت واقف ابص عليه وانا مذهول من كمية الشكاير اللى معاه .. يااااه دى احمال ناس كتيرة اوى .. ومازال مصمم ياخد احمالى .. !! شكرا يارب من اجل دعوتك لنا بالراحة والفك من حمل العار والالم .. ايوة ها نطلب بكل قلوبنا لتحمل عارنا وتطلقنا فى مجدك .. وشفائك ..

 من شوية كنت قاعد اصلى .. علشان امور صعبة جدا بتواجهنى وبتواجه ناس كتير طالبين الصلاة .. وشوفت جوايا مشهد الملائكة وهما عند القبر وبيقولوا لماذا تطلبن الحى بين الاموات ؟؟!! قد قام ليس هو ههنا .. !! وكان الرب بيكلمنى انت ليه بتتعامل معايا كأنى ميت .. الميت عمره ما ها يقدر يعمل حاجة علشانك .. !! لكنى الحى الى ابد الابدين .. انا الذى كنت ميتا فعاش .. 💪💪 هلليلويا .. مخلصنا حى مش ميت .. علشان كدة ها يعرف يجى لظروفنا .. ها يعرف يتصرف ويخلصنا .. لانه المخلص وهو المسيح الرب .. 💪💪

 صموئيل الاول ١٧ : ٤٣ فَقَالَ الْفِلِسْطِينِيُّ لِدَاوُدَ: "أَلَعَلِّي أَنَا كَلْبٌ حَتَّى أَنَّكَ تَأْتِي إِلَيَّ بِعِصِيٍّ؟". وَلَعَنَ الْفِلِسْطِينِيُّ دَاوُدَ بِآلِهَتِهِ. ٤٤ وَقَالَ الْفِلِسْطِينِيُّ لِدَاوُدَ: "تَعَالَ إِلَيَّ فَأُعْطِيَ لَحْمَكَ لِطُيُورِ السَّمَاءِ وَوُحُوشِ الْبَرِّيَّةِ". دايما ها يكون ابليس عنده قناعة رهيبة بإنه ها ينتصر عليك .. اوعى تصدقه حتى لو كان واضح اوى انه واثق فى كلامه .. ده كائن فى الظلام يجلس بعيدا عن انوار الرب .. هناك لا يمكن لإبليس ان يرى الحقيقة .. وكل ما يقوله على حياتك هو من نسج الخيال .. الحقيقة لدى الرب فى انواره .. رد عليه يا داود .. ٤٥فَقَالَ دَاوُدُ لِلْفِلِسْطِينِيِّ: "أَنْتَ تَأْتِي إِلَيَّ بِسَيْفٍ وَبِرُمْحٍ وَبِتُرْسٍ، وَأَنَا آتِي إِلَيْكَ بِاسْمِ رَبِّ الْجُنُودِ إِلهِ صُفُوفِ إِسْرَائِيلَ الَّذِينَ عَيَّرْتَهُمْ. ٤٦هذَا الْيَوْمَ يَحْبِسُكَ الرَّبُّ فِي يَدِي، فَأَقْتُلُكَ وَأَقْطَعُ رَأْسَكَ. وَأُعْطِي جُثَثَ جَيْشِ الْفِلِسْطِينِيِّينَ هذَا الْيَوْمَ لِطُيُورِ السَّمَاءِ وَحَيَوَانَاتِ الأَرْضِ، فَتَعْل...

 فى مرة كنت بصلى .. وبقول للرب يارب فى ناس كتير اوى مشيوا وراء انبياء كذبة اتنبأوا بإسمك او خدام خدعوهم بإسمك او معتقدات ربطت حياتهم وكانت على اسمك برضه .. !! لاقيت الرب بيقولى .. انا امين تجاه اللى ماشيين ورايا .. ودول ما كانوش اصلا عايزين يمشوا ورايا .. دول ماشيين ورا اللى بيخدم ذاتهم .. دول بيعبدوا نفسهم مش بيطلبوا وجهى .. لهذا اكل ثروتهم وحياتهم غرباء حتى لو كانوا تحت غطاء اسمى .. !! ساعتها فهمت ليه القمح والزوان بيتسابوا للاخر مع بعض .. اصل القمح ماشى ورا سيده وسيده امين .. والزوان ورا نفسه والهلاك مستنيه ..

 الظهر كنت بصلى علشان ظلم واقع على ناس كتير .. 🙇 وكان الرب بيكلمنى .. " فى العالم سيكون هناك ظلم .. لكنى معك " ميزت جوايا ان الظلم بيعمل فعلا ضرر واضح لمؤمنين .. لكنى شوفت بوضوح ايد الرب اللى بتبنى كل اللى اتكسر بسبب الظلم والضرر ده .. وبتعوض وبتضيف عن اللى اتاخد بغير عدل .. جوايا واضحة اوى جملة .. " ملكوت الرب ممتلىء بالعدالة ولن يقبل استمرار اثار الظلم على من يملك هو عليهم .. هو عادل ويشفى " ايوة يارب .. ها ننتظرك ولن يخيب رجائنا فيك ..

  امبارح كنت بصلى .. 🙇 وشوفت قدامى وادى كبير اوى مليان رمال كتيرة جدا .. وعينى ما جابتش آخره كله جبال رمال .. ولا يوجد اى مظهر حياة بيه .. وميزت جوايا ان ورا المشهد ده حياة وخير .. ولاقيت نفسى بقول للرب .." يارب وده اعديه ازاى ده .. و انا ماعيش غير عصا .." اتكلمت بنفس طريقة يعقوب لما قال عبرت هذا الوادى بعصا والان صرت جيشين .. قولت الجملة للرب بيأس .. وانا بفكر جوايا لو بعد الرمال دى مواعيد مش ها ينفع اوصل للمواعيد دى ابدا .. !! لكن اتفاجئت برد الرب .. قال انا ها عدى بيك هناك .. انا مش بحتاج اى عصا .. انا بعدى الوادى ده عادى .. 💪💪 الجملة كانت بسلطان رهيب صدم روحى وذهنى .. الوادى اللى مستحيل بالنسبة لى .. وبدور على امكانينى اللى زى العصا .. هو بيعديه رايح جاى بسهولة تامة .. وبدون امكانيات .. ويقدر يشيلنى ويقفز بى فوق مرتفعاتى .. هلليلويا اصله إله .. والغير مستطاع عندى مستطاع عنده جدا .. هلليلويا .. ❤️❤️💥💥

 امبارح كنت واخد وقت قدام الرب .. 🙇🙇 و شوفت ارض جافة خالص لدرجة ان شقوقها زى قنوات ومسارات مالية اعماقها .. كانت ارض مستهلكة ومستنزفة لا تصلح لأى زراعة .. لكنى شوفت ماء بدأ يدخل جوة القنوات والشقوق دى .. !! وكأنه عمل منها مسار لنفسه ..ودخل لعمق كبير فى الارض دى .. بسبب الشقوق دى .. وبدون الشقوق دى ما كانش ها يدخل بسهولة للعمق ده .. تحت الارض دى شوفت سبب جفافها .. بحر نار امواجه رهيبة هو اللى منشف الارض دى .. وكان جوايا انه مشاعر وذكريات واحداث ماضى .. بحر كله من الماضي .. لكنى شوفت المياه نجحت تمشى فى الشقوق دى .. وما اتبخرتش .. صمدت وكملت قصاد قوة بحر النار ده ... دى كانت مياه مختلفة مياه حية قوية وثابتة .. ونزلت تطفى النار دى .. القصة تبان انها بتاخد وقت طويل .. لان النار كبيرة زى البحر فعلا بنفس شكل امواجه رايحة جاية .. لكن الرؤية دى بتوصف تعاملات الرب معانا .. وانا معرفش الرب يخلص بحر كل واحد فى وقت اد ايه .. لكن الجميل .. انه بيعلن انه شغال اوى .. ايوة مياهه هو كانت اقوى كانت مليانة قوة وثبات كأنها متدعمة دايما .. بصدق ان الرب عينه على مناطق وجع فى اعماقنا وظروفنا .. مناطق ب...

 من كام يوم كنت بصلى ..🙇🙇 وشوفت ملاهى كبيرة اوى اوى .. فيها كل انواع الناس وكل انواع الالعاب .. وكانوا كلهم مشغولين باللعب والتباهى والانفتاحات والعلاقات الغير سليمة .. وفى منهم اللى كان سكران ومتخدر بمخدرات .. واللى بيبع وبيشترى ومشغول وبيعد الفلوس .. واللى بيسب ويلعن فى ناس مسخرهم .. واثناء ما الملاهى او مدينة الالعاب دى كانت فى اوج نشاطها .. كنت شايف بوضوح ان فى ايد سودة وعملاقة جدا من الدخان خارجة من الجحيم .. وكانت الايد دى ماسكة بقوة بكل ارض الملاهى دى .. وكانت بتشد الملاهى على بعضها بكل اللى فيها الى الجحيم .. الغريب ان الناس كانوا زى ما هما مش حاسسين بأى حاجة .. فى الوقت اللى كانت الملاهى بتنزل فى اسفل الارض فى طريقها للنار التى لا تنتهى .. حزنت بعد ما شوفت الرؤية دى .. لانى ادركت ان البشر متخدرين فعلا فى ملاهى دائمة .. وفعليا هما بيهلكوا وهما مش حاسين ولا فاهمين ولا شايفين .. بصلى ان السنة دى .. الناس يشوفوا الرب واضح جدا فينا وفى الكنيسة علشان يعرفوا حجم الخدعة اللى هما فيها .. وتنفتح عيونهم ويهربوا من الملاهى دى .. قبل ما يكتشفوا بعد فوات الاوان .. 🙏🙏

 ايهما تفضل .. ان يكون لك قصرا فى الظلام ام خيمة فى النور ؟؟ 🤔 ايها الرب افتح عيوننا لكى لا ننخدع وتلمع امامنا اكاذيب الظلام وعطاياه .. 🙇 افتح عيوننا لكى لا ننخدع ونرى فى السارق صديقا .. لا يسرقنا ابليس لا يسرق حياتنا .. افضحه امام منتظريك يارب .. نعم لا نجهل افكاره بسبب انتظارنا لشخصك ..