Elohiym Image .. مقالات طويلة ..

      من اكتر الامور المرعبة اللي قابلتني في حقل الخدمة ..  ان روح التسلّط بدأ يعمل بنشاط في محاربة ملكوت الرب من خلال الاختباء خلف غلاف و ستار المحبة الخادعة الغير حقيقية و التي ليست من روح الرب .. يعني ممكن تلاقي شخص شكله الخارجي مليان روح محبة .. لكنه مليان في اعماقه بروح التسلط .. فيسلب الاشخاص دعوتهم بتسلط شكل محبة .. انا خايف عليكم .. خليكوا هنا جنبي .. و احنا مع بعض ها نبقى اقوى .. او و احنا مع بعض ها ننال مواعيد .. او و احنا مع بعض مش ها نبقى في تشويش ..  او و احنا مع بعض ها تحصل النهضة .. ما ينفعش تبقوا معايا و مع حد تاني او مع فلان او او   و يراقب تحركات الكل مش بمحبة لكن بتسلط .. و لو شاف حد منهم قرر حتى يقول امين او مجداً للرب في اي مجتمع اخر ..  يلمح له .. او يواجهه .. او يتجاهله .. او يبطل يصلي معاه .. او او او   من الامور اللي فيها قهر و تجويع و تعطيش ..  علشان الشخص يستسلم بسرعة ..  ازمة المتسلط .. انه بيجيد التسلط يعني عنده سلطان بسبب روح التسلط .. فيقدر يأثر بمشاعر قوية على اللي قدامه .. فيخافوا من دموعه او حز...

   مصيبة .. مذبح بديل .. لإله بديل .. !! يربعام .. رغم انه استقبل من النبي اخيا الشيلوني .. ان الرب يهوه عايز يملّكه على عشر اسباط .. و ها يقف معاه ان اطاعه و رفض آلهة الامم .. سفر الملوك الاول ١١ ..   ٢٩وَكَانَ فِي ذلِكَ الزَّمَانِ لَمَّا خَرَجَ يَرُبْعَامُ مِنْ أُورُشَلِيمَ، أَنَّهُ لاَقَاهُ أَخِيَّا الشِّيلُونِيُّ النَّبِيُّ فِي الطَّرِيقِ وَهُوَ لاَبِسٌ رِدَاءً جَدِيدًا، وَهُمَا وَحْدَهُمَا فِي الْحَقْلِ.  ٣٠فَقَبَضَ أَخِيَّا عَلَى الرِّدَاءِ الْجَدِيدِ الَّذِي عَلَيْهِ وَمَزَّقَهُ اثْنَتَيْ عَشَرَةَ قِطْعَةً ٣١وَقَالَ لِيَرُبْعَامَ: "خُذْ لِنَفْسِكَ عَشَرَ قِطَعٍ، لأَنَّهُ هكَذَا قَالَ الرَّبُّ إِلهُ إِسْرَائِيلَ: هأَنَذَا أُمَزِّقُ الْمَمْلَكَةَ مِنْ يَدِ سُلَيْمَانَ وَأُعْطِيكَ عَشَرَةَ أَسْبَاطٍ.  ٣٢وَيَكُونُ لَهُ سِبْطٌ وَاحِدٌ مِنْ أَجْلِ عَبْدِي دَاوُدَ وَمِنْ أَجْلِ أُورُشَلِيمَ الْمَدِينَةِ الَّتِي اخْتَرْتُهَا مِنْ كُلِّ أَسْبَاطِ إِسْرَائِيلَ، ٣٣لأَنَّهُمْ تَرَكُونِي وَسَجَدُوا لِعَشْتُورَثَ إِلهَةِ الصِّيدُونِيِّينَ، وَلِكَمُوشَ إِلهِ الْمُو...

 اللي فعلاً بيحرك حياتك مش كلمات بيقولها اي شخص وهو بيصلي معاك .. اللي بيحرك حياتك هو علاقتك مع الرب خضوعك له .. لما تتملي بكلمته و يحاصرك روحه ..  وقتها فقط ها يظهر لك عمق مجده و عجائبه .. و وقتها كل كلام اتقال ليك من الرب من خلال اشخاص اخرين ها تختبر تحقيقه .. المفتاح هو قلبك انت و ليس افواه الاخرين .. 👉

  الصبح كنت بصلي .. وبكلم الرب على ظروف صعبة جداً بنمر بيها كلنا في العالم .. وبقوله يارب في ناس في العالم بالشر بتاعهم مرتاحين اكتر مننا .. !! فشوفت خراف كبيرة الحجم جداً جداً جداً وكأنهم ابقار .. بيرعوا في هدوء وسط مراعي ..  مشهد من بعيد يبان جميل ..  لكني فجأة شوفت المشهد بشكل روحي .. في كائن عملاق شاحب واسود كالغيوم .. هو اللي بيرعى هذه الخراف الضخمة ..  وقرب مني بسرعة لا يمكن تخيلها كأنه بيأكد ان هو الراعي والمسئول عن هذا المرعى ومن فيه .. ووقف قدامي .. وكان ماسك علامة العصا ذات المنجل .. اللي دايماً بتظهر مع رسومات تجسيد الموت ..  كائن ملامحه موت رهيب مدمر كأن الهلاك هو اعماقه ..  واتقفلت الرؤيا قدام عيون روحي ..  وبعدها بشوية افتكرت آساف وهو بيتكلم مع الرب بعتاب من اجل اشرار العالم .. لغاية لما شاف في المقادس نهايتهم المؤسفة ..  مزمور ٧٣ ..  بصلي الرب يثبتنا رغم الضيق اللي حوالينا .. لان راحة العالم الى هلاك وموت محتم .. امين 🙏🙏

 من شوية كنت بصلى وافتكرت تحديات كتيرة اوى قابلتنى .. والرب فى لحظتها قالى : " انا قد اغلقت البحر " ..  هلليلويا القصة خلصت من فوق

 يا ابراهيم .. سير امامى فى البرية المؤلمة لانى اريد ان اجعلك كاملاً .. واحيطك ببركاتى ونسلك كرمل البحر معى ..  ولا تجلس فى بيت ابيك ارض راحته لانها ستجعلك ابرام الجالس وحده .. !!

  امبارح بالليل شوفت مشهد بسيط .. لكنه بيفتح العيون .. شوفت ناس فى قاع بحر ومحبوسين وسط شباك حدود وفواصل مائية من اللى بتبقى فى الشواطىء لغاية اكبر عمق .. ومش عارفين يعبروا لبعض .. وكانت حركاتهم بسيطة كأنهم اكسجينهم بيفضى او بيتخنقوا ..  ما كونتش فاهم ليه هم مش بيلاقوا حلول تانية او مش بيجربوا يطلعوا لفوق .. وفيه منهم اللى بدأ يجرح فى اللى معاه .. او يحاول يدخل ايده علشان يتعارك او يتخانق مع اللى فى الناحية الثانية .. مشهد متوتر خالص .. والسبب شوفته فى الرؤية .. كل واحد منهم كان مربوط فى رجله بحبل روذمة من الكتب والمعرفة .. وكانت مسببة لهم تقل فى الحركة وحدود وضيق ويأس وموت .. !!! معرفة مش من الرب ..  لغاية لما فيه منهم اجتهد بألم شديد جدا فى ملامحه وصراخ .. لغاية لما قطع الحبل واتفك من روذمة كتبه .. وساعتها بدأ يطلع فوق المياه واتنفس انفاس عميقة جدا فى الهواء .. لانه كان مخنوق تحت ..  وبدأ يدرك ان فوق المياه ما فيش حواجز اصلا .. لان المياه كانت اعلى من حواجز الشاطىء .. وعرف يدخل للناس اللى فى الناحية الثانية ورا الشباك بيتخنقوا تحت بكتبهم .. !!  واتقفلت الرؤية...

 الجملة دي 👇 أَخَذَتْ نِسَاءٌ أَمْوَاتَهُنَّ بِقِيَامَةٍ. العبرانيين ١١ : ٣٥ مش سهلة ابداً ..  دول نساء او رجال بيدفعوا تمن حياتهم و نفسياتهم و اجسادهم ..  دول بيحاربوا .. من اجل رؤية ميتهم يعود للحياة ..  الى من يحاربون من اجل امواتهم ..  سيؤيدكم الرب بنفسه .. و العجائب ستحدث ..  مجداً مجداً مجداً 🙇🏻‍♂️💥

 محزن جداً .. 😭😭 مرات الناس بيفتكروا انهم عندهم رصيد كافي من الخيرات و انهم مش محتاجين حاجة من الرب .. معاهم مخازن غلات او علاقات او معرفة او مراكز او  اي حاجة ..  لكنهم فجأة بيقابلوا عدو لا يمكن هزيمته بإمكانياتهم .. و رغم ذكائهم في العالم .. الا ان الرب بيحكم عليهم انهم اغبياء روحياً لانهم لم يضعوا نصب اعينهم عليه ك سيد ..  و للاسف بيهزمهم عدوهم و يفنيهم للابد ..  لوقا ١٢ : ٢٠ فَقَالَ لَهُ اللهُ: يَاغَبِيُّ! هذِهِ اللَّيْلَةَ تُطْلَبُ نَفْسُكَ مِنْكَ، فَهذِهِ الَّتِي أَعْدَدْتَهَا لِمَنْ تَكُونُ؟ توبوا قبل ان ينتهي الوقت .. ويأتي سيد قاسي مهلك لا يمكن صده او  ارضاءه للابد .. 🙇🏻‍♂️😭

 النهاردة طول اليوم ها كون بصلي بالاية دي 👇 إشعياء ٥٤ : ١٥ هَا إِنَّهُمْ يَجْتَمِعُونَ اجْتِمَاعًا لَيْسَ مِنْ عِنْدِي.  مَنِ اجْتَمَعَ عَلَيْكِ  فَإِلَيْكِ يَسْقُطُ. كل اجتماع من الشرير ضد مشيئة الرب في الخاضعين يتلف ..  في طريق واحد يخرجون و الى سبعة طرق يتشتتون ..  الرب مسند ل يد الصِديق .. و لن ينطرح الى الابد ..  نعم انت يا رب صخر يعقوب الى الابد .. مجداً مجداً مجداً 🙇🏻‍♂️💥