Elohiym Image .. مقالات طويلة ..

 ابونا الصالح اشكرك لانك قصدت ان تغطي حياتنا بدم ذبيحة ابنك الكريمة .. قصدت ان تعطينا اخرة و رجاء ..  شكراً من اجل نصرتك وعظمة قدرتك من جهتنا ..  اؤمن انك تخرب ما يفخر به العدو .. نعم يتم خرابه للابد ..  نعم لنا الكل في ابنك .. لان الابن لنا ..  مجداً مجداً مجداً 🙇🏻‍♂️💥

  الخدمة في الملكوت ..👉 مؤهلها الرئيسي هو شهادة الرب عن القلب .. و الامكانيات هناك مش هي العائق .. بالعكس حتى لو ما عندكش اي امكانيات .. الرب ها يديهالك و كمان ها يديلك معاها تدريبات كافية .. و الواقع .. و لا يفرق برضه .. ها يفضل الرب يتكلم ليك لغاية لما ها يفتت الواقع ده .. اهم حاجة اخضع من القلب .. اما الرب فيرى القلب .. ❤️👉🙇🏻‍♂️

 لكل شخص شايف ان كلام الرب و مواعيده يبدو مستحيل امام الواقع العنيد .. ده كلام الرب لي و ليكم .. و النهاردة طول اليوم ها كون بتهلل بيه و بصلي بيه 👇 ٨"لأَنَّ أَفْكَارِي لَيْسَتْ أَفْكَارَكُمْ، وَلاَ طُرُقُكُمْ طُرُقِي، يَقُولُ الرَّبُّ. ٩لأَنَّهُ كَمَا عَلَتِ السَّمَاوَاتُ عَنِ الأَرْضِ، هكَذَا عَلَتْ طُرُقِي عَنْ طُرُقِكُمْ وَأَفْكَارِي عَنْ أَفْكَارِكُمْ. ١٠لأَنَّهُ كَمَا يَنْزِلُ الْمَطَرُ وَالثَّلْجُ مِنَ السَّمَاءِ وَلاَ يَرْجِعَانِ إِلَى هُنَاكَ، بَلْ يُرْوِيَانِ الأَرْضَ وَيَجْعَلاَنِهَا تَلِدُ وَتُنْبِتُ وَتُعْطِي زَرْعًا لِلزَّارِعِ وَخُبْزًا لِلآكِلِ، ١١هكَذَا تَكُونُ كَلِمَتِي الَّتِي تَخْرُجُ مِنْ فَمِي. لاَ تَرْجعُ إِلَيَّ فَارِغَةً، بَلْ تَعْمَلُ مَا سُرِرْتُ بِهِ وَتَنْجَحُ فِي مَا أَرْسَلْتُهَا لَهُ. ١٢لأَنَّكُمْ بِفَرَحٍ تَخْرُجُونَ وَبِسَلاَمٍ تُحْضَرُونَ. الْجِبَالُ وَالآكَامُ تُشِيدُ أَمَامَكُمْ تَرَنُّمًا، وَكُلُّ شَجَرِ الْحَقْلِ تُصَفِّقُ بِالأَيَادِي. ١٣عِوَضًا عَنِ الشَّوْكِ يَنْبُتُ سَرْوٌ، وَعِوَضًا عَنِ الْقَرِيسِ يَطْلَعُ آسٌ. وَيَكُونُ لِلرَّبِّ اسْمً...

  لكل شخص العدو بيحاربه بطريقة مدمرة لتعطيله و اعاقته عن مشيئة الرب .. لن ينجح هذا العدو مهما حاول .. لان الرب سيقيم خيمته فيك .. لتعبد امامه و يحقق مقاصده فيك .. أعمال الرسل 15 :16 سَأَرْجعُ بَعْدَ هذَا وَأَبْنِي أَيْضًا خَيْمَةَ دَاوُدَ السَّاقِطَةَ، وَأَبْنِي أَيْضًا رَدْمَهَا وَأُقِيمُهَا ثَانِيَةً .. من اعطوا انفسهم للرب .. يعطيهم الرب نفسه اية .. مجداً مجداً مجداً .. 🙇🏻‍♂️💥

 كنت بصلي و بقول " يا رب انت شايف التحديات كتيرة ازاي " رد الرب في روحي .. " و انا لم اهملك .. و لن اتركك من اجل ماضيك او من اجل اراء بشر او من اجل شياطين .. انا لن اتركك " .. اشكرك يارب .. لانك قررت من اعماقك و ليس من يمنعك .. نعم محبتك لن تنتهي من جهتي للابد .. و ده كفاية اوي .. انت كنز الكنوز كلها للابد .. مجداً مجداً مجداً .. 🙇🏻‍♂️

 و انت عايش مع الرب .. ها تبذل مجهود في حاجات من قلبك ..و ممكن ما تجنيش ثمر مجهودك ده .. لأسباب كتير .. ممكن عدم العدالة في العالم او صراع الاشرار المستمر بطرقهم الخبيثة ضدك او او او .. لكن بعد وقت بسيط ها تلاقي الرب كافئك بشكل مذهل جداً .. وقتها ها تقول هو انا عملت ايه يارب يخليني اوصل للنقطة دي من التعويضات .. ها يرد عليك و ها يقولك زي ما قال لي .. " اما الرب فيرى القلب " .. هو شاف قلبك و مجهودك .. و رغم انك لا تستحق في مقاييس العالم .. الا انه هو ها يجي بنفسه و ها يمنحك نجاح و تعويض من رصيده .. نعم إلهنا عادل وحق و يرى القلب .. حتى لو الساعة الحادية عشر .. مجداً مجداً مجداً .. 🙇🏻‍♂️❤️👉

 و انت ماشي مع الرب ها تكتشف انك ما عندكش وقت تقارن نفسك بحد .. بالعكس انت ها تبقى دايماً بتقارن نفسك بالرب لانك نفسك تبقى شبهه .. لانه رفيق مؤثر جداً و حقيقي .. لدرجة انك بتتمنى تبقى شايل ملامحه و هدوئه و قوته و حكمته و ثباته و ها تلاقي ملايين الصفات و العجائب اللي جواه ها تذهلك للابد .. اكبر مكسب انك فعلاً تدخل في العمق و تنسى الضجيج .. ❤️👉

  النهاردة طول اليوم ها كون بصلي بالاية دي 👇 "وَطَلَبُوا إِلَيْهِ أَنْ يَلْمِسُوا هُدْبَ ثَوْبِهِ فَقَطْ. فَجَمِيعُ الَّذِينَ لَمَسُوهُ نَالُوا الشِّفَاءَ." (متى 14: 36). جايين ليك يارب .. احنا في اشد الاحتياج لشفائك .. من كل آلام و اوجاع .. انت قلت انا الرب شافيك .. نعم انت لن تتغير الى الابد .. اؤمن اؤمن اؤمن .. 🙇🏻‍♂️

 يا دواد .. في حياتك ها يبقى قدامك اختيارين .. 👉 يا تصدق الرب اللي مسح بمسحته حياتك .. و وعدك انك تملك .. و اعطاك عربون نصرة على الاسد و الدب .. يا تصدق الناس اللي مصممين انك اخرك ترعى الغنم في المراعي .. !! ليكن الرب صادقاً و كل انسان يتكلم بكلام غير كلام الرب .. كاذب .. لان الرب ليس انساناً و لا يمكنه ان يكذب او يندم .. و ليكن اسم الرب ممجد للابد .. 🙇🏻‍♂️💥

 ايها الرب إلهنا .. نطلب منك لانك غني و فائض ان تغطي ازمنة مصر بمراحمك العظيمة .. انت في العلى اقدر ..و كلمتك تحكم على الظلمة و تدينها و تضع لها حدود للابد لا تتخطاها .. كن انت رجاء مصر في كل ازمنة تحمل ضيق او ضغوط .. كن انت سند و رفعة .. نعم تكون انت الضمان الوحيد لجميع منتظريك .. كن حماية لحدود مصر الجغرافية .. اجعلها منطقة ظاهر فيها بركاتك .. تتلف مخططات الظلام .. تحمي البلد من كل اعداء ظاهرين او خفيين .. و كل آلات الظلمة تفشل لا تكون و لا تقوم .. نعم تثبت مصر بيديك الامينة .. شكراً لانك في كل حين تسمع لشعبك الخاضع المنتظر نورك العجيب .. 🙇🏻‍♂‍🙏 ايها الرب إلهنا .. نطلب منك لانك غني و فائض ان تغطي ازمنة مصر بمراحمك العظيمة .. انت في العلى اقدر ..و كلمتك تحكم على الظلمة و تدينها و تضع لها حدود للابد لا تتخطاها .. كن انت رجاء مصر في كل ازمنة تحمل ضيق او ضغوط .. كن انت سند و رفعة .. نعم تكون انت الضمان الوحيد لجميع منتظريك .. كن حماية لحدود مصر الجغرافية .. اجعلها منطقة ظاهر فيها بركاتك .. تتلف مخططات الظلام .. تحمي البلد من كل اعداء ظاهرين او خفيين .. و كل آلات الظلمة تفشل لا تكو...

 اتعلمت امر هام و انا عايش مع الرب .. 👉 الرب بيحتضن و بيشفي و ده برضه دورنا .. لكن الشفاء مكلف .. لان اللي بتحتضنه بيجرحك جداً لانه مجروح جداً .. فبتدفع تمن بالالام تشارك بها المسيح .. من اجل شفاء النفوس .. كمان اذا صليت من اجل خلاص شخص ما .. توقع حرب شرسة يصنعها ابليس تجاهك من خلال نفس الشخص .. و السبب ان ابليس بيجتهد يحبس الشخص لوحده بعيداً عن روح الرب اللي فيك .. فبيخليه يجرحك بكل الطرق .. لتتركه لموته .. اوعى تعمل كدة .. كمل رغم الالم .. لانك ستفرح بفرح الرب لخلاص هذه النفس .. ( ده لو فعلاً واخد توجيه واضح من الرب .. لكي لا يسلب العدو حياتك مع اشخاص احتضنوا الهلاك بفرح ) .. الرب يعطينا حكمته .. لان دورنا الشفاء .. مش دورنا نتجمع و نفرح بالرب و بس ..

  "لأَنَّنَا نَعْلَمُ أَنَّهُ إِنْ نُقِضَ بَيْتُ خَيْمَتِنَا الأَرْضِيُّ، ( مهما كانت قوة و شراسة حرب العدو لمحاولة هدم خيمتنا الضعيفة الارضية .. سواء النفوس او الاجساد او الظروف و الاحداث الزمنية ) فَلَنَا فِي السَّمَاوَاتِ بِنَاءٌ مِنَ اللهِ، بَيْتٌ غَيْرُ مَصْنُوعٍ بِيَدٍ، أَبَدِيٌّ." ( فلن تنجح حرب العدو لان الرب قد ثبتنا في مشورته الابدية فخيمتنا جزء من هيكله الابدي ) نعم هو هيكل لم تصنعه اي ملائكة ليس بيد اي كائن بل بيد الرب نفسه .. و لن يستطيع العدو ان يهدمه للابد .. نعم نحن في امان بسبب صخر يعقوب للابد .. مجداً مجداً مجداً 🙇🏻‍♂️💥

 لكل شخص حاسس ان امكانياته بتضعف قدام تحديات بتزيد .. انت ها تعبر مش بسبب امكانياتك .. لكن بسبب امكانيات الرب .. لما تشعر انك ضعيف كأنك في شيب .. ها تكتشف انك مكمل افضل من الاول .. لان الرب هو اللي كان و مازال بيحملك و ماشي بيك .. نعم إلهنا ها يفضل يعبر بنا للابد .. مجدا مجدا مجدا 🙇🏻‍♂️💥

 امبارح و انا بكتب الجمل دي .. " الحرية في الظلام .. هي كذبة نهايتها قيود الهلاك ..ايها الخاطيء اطلب الرب بكل قلبك .. و على تقييمك لحالتك لا تعتمد .. ❤️👉 " شوفت في روحي .. متسابق بيجري في سباق و وصل لنهايته .. وصل المركز الاول .. كان فخور جداً بنفسه .. و بيحرك قبضة ايده بإنتصار و بيشاور للجمهور علشان يحيوه .. كانت كشافات الملعب متوجهة عليه كأنه نجم .. و كان الملعب مليان جمهور كتير اوي بيهتفوا بتشجيع له .. صوت جمع غفير .. لكني شوفت منظر غريب اوي .. اثناء ما هما بيحيوه .. كمل جري شوية صغيرين كأنها بيهدي سرعته .. و فجأة بدأ يوصل لمنطقة .. بدأت تضعف فيها اضواء كشافات الملعب و صوت الجمهور بدأ يضعف خالص .. و فجأة اكتشف انه بيجري جوة ضلمة رهيبة بلا اي صوت و لا تشجيع .. منظر ظلام و سكون كأنه موت بلا نهاية .. شوفت ملامح بيغطيها شيب و عجز رهيب كأنه بيموت .. و عضلاته ضعفت خالص .. و بدأ يكح و يضعف و يمشي و هو بيترنح .. لغاية لما اختفى في الظلام و لم اراه او اسمع صوته مرة اخرى .. و اتقفل المشهد قدام عيون روحي .. خلي بالك لان انجازات بدون معرفة الرب .. ستؤدي الى محصلة خسائر رهيبة قد تساوي...

 النهاردة طول اليوم ها كون بصلي بالاية دي 👇 "وَأُعْطِيكُمْ قَلْبًا جَدِيدًا، وَأَجْعَلُ رُوحًا جَدِيدَةً فِي دَاخِلِكُمْ، وَأَنْزِعُ قَلْبَ الْحَجَرِ مِنْ لَحْمِكُمْ وَأُعْطِيكُمْ قَلْبَ لَحْمٍ." (حزقيال 36: 26). كل ألم و تشوه و تحجر .. يشفيه الرب إلهنا .. يصنع معجزته معنا و مع الكثيرين .. يعطينا الجديد .. اؤمن اؤمن اؤمن .. إلهنا يصنع ازمنة جديدة و يغير مسار الاوقات .. 🙇🏻‍♂️💥

 سبعين مرة يارب ؟!!! يعني اخطأ في حقي خطأ واضح و متعمد ..  و اغفر له سبعين مرة اخطاء متعمدة ..  ؟!! اه تغفر له سبعين مرة .. لاني غفرت لك اكتر من كدة بكتير .. !! أحياناً بنتصور ان عدم غفراننا ده اوبشن خاص بينا ..  لكن لا .. دي وصية مباشرة من الرب ..  و الامتناع عنها كالعصيان و هو معاداة لطبيعة الرب ..  لان الرب بيغفر .. عايز تعيش مع الرب .. اغفر .. لان الرب بيغفر .. الغفران خطوة اعمق للمجد ..

 الغفران حاجة و النسيان او التناسي حاجة تانية ..  الغفران من طبيعة الرب و بناخده لما نلتصق بالرب .. اما النسيان او التناسي اللي هو تعمد تجاهل موقف سيء دول سمات البشر عادي كلهم ..  الغفران يحمل شفاء الرب و بيزود الشراكة معاه .. اما التانيين و لا فيهم شفاء و لا شراكة و لا اي حاجة ..  بل بالعكس .. الشخص بيفضل سقيم و بعيد و هو مش عارف الاسباب او عارف و متجاهل .. الى حين مشاكل او ضغوط كتير .. بينفجر و لا كأن فيه غفران او شفاء .. لانهم فعلاً ما كانوش موجودين .. !!  الرب يعطينا ان نسير في طرق الحياة ..  لان طرق عدم الغفران هي طرق عداوة لله و طرق موت .. تميت مشاهر و شفاء و ربما معجزات داخل خطة الرب و تضعف روابط يصنعها الرب .. تخيلوا لو الرب شاف غلطة واحدة عندنا وفضل دايماً فاكرها او ممسك بيها .. و هو بيتعامل معانا ..  تفتكروا كنا ها نبقى متجمعين دلوقتي امامه .. ؟!! بصلي الرب يزيل العراقيب .. لان الارض صالحة انها تصير سهلاً ..

 في مرات ها يكون قدامنا فرص اننا ناخد حقنا ..  زي الفرص اللي كانت متاحة ل داود ..  سواء لما اخد اناء شرب الملك شاول ..  او لما قطع جزء من طرف ثيابه .. لكنه ما رديش يقتله ..  تعرفوا ليه ..  لانه عارف كويس قيمة ان الرب يكون الكبير في القصة .. و عارف ازاي يقدم تنازلات هامة عنده كذبيحة يقول بيها للرب انت تستاهل اهم ما عندي يارب ..  حتى لو كان اهم حاجة اني اكون ملك و انهي عدوي شاول .. لكني ها نتظر الخطوة دي منك .. و حقي منك .. مش من سيفي ..

 المسيح كان متألم جداً من كثرة الضرب و الاهانة من الشعب .. لكنه صلى للاب لا تقم لهم هذه الخطية ( يعني اعتبرهم ما غلطوش فيّ اصلاً ) و اغفر لهم لانهم لا يعلمون ماذا يفعلون ..  يا يسوع ساعدنا نكون شبهك ..  انت كنت باصص على شفاءهم كنت مستنيهم يبقوا اصحاء .. و في المقابل تنازلت عن معاقبتهم على اهانتك ..  محبة ناضجة مذهلة تشفي .. ❤️

 بتذهلني طبيعة المسيح و طبيعة شركاءه اللي في السما اللي معاه للابد .. كلهم بيفرحوا ب خاطىء يدخل الى الطريق الصحيح طريق شفاء الرب للابد .. و كأنهم في لهفة .. و في انتظاره انه يتمم السباق و يوصل لهم في الابدية .. بصلي نكون حسب قلب الرب .. لاننا مازلنا بنجتاز تنقية امام الرب .. ليطلق فينا قوته ..  كل ما بنقرب من طبيعة الرب .. كل ما بنبدأ نفرح بكل شخص بيتوب  علشان العمل يتسع لازم قلوبنا تتسع قبل العمل لان الملكوت في داخلنا اذا كنا مش قادرين نغفر او مش قادرين نقبل تغيير و شفاء الاخرين ... او مش قادرين نقبل الخاطىء .. كيف نكون نحن شبه الرب ؟؟ اذا كنت بنشوف ضعفات بعض فقط فكيف نحن شبه الرب ؟ انا بقول الكلام ده لان الحق بيشفينا كلنا .. و ده مش معناه اني بتكلم على شخص محدد .. اللي اختبروا شفاء الرب .. بيتلهفوا ان الاخرين يحصلوا على شفاءهم و يشاركوهم الفرح .. جوايا كلمة " حصون " .. ايوة الرب يهدم كل حصون بناها العدو ..  هذا البناء ضد الرب و الرب يسحقه و يطلق نفوسنا للابد ..

 الممتع في النص ده ان غيرة الرب الملتهبة بالمحبة بتملى كل السطور زي النار ..  الرب بيحبنا بشكل خاص ..  ولذلك هو مش عايز علاقتنا معاه مخلوطة و مشوه  .. الرب عايز حياته اللي عطاها لنا .. تفضل حياتنا فيه للابد .. هو عايز الكل فعلاً مش الجزء ..

 بصدق ان توجه الرب الدائم انه يرد حياتنا من السبي .. امين ها يجي وقت و نقول ازاي حصل كدة .. لان مراحمه عظيمة جداً .. لدرجة اننا مش ها نبقى مصدقين كأنه حلم .. ينتشلنا الرب من واقعنا .. ايوة نمتلىء بفرح مختلف .. جوايا ان نقلات الرب .. بيعملها الرب .. هو ها ينقلنا من واقعنا لواقعه .. هو اللي عايز و هو اللي ها يقدر .. هو ها يعرف يرد السبي

 و لذلك مش ها يعرف يتعامل بإزدواجية .. يعني مرات بنقوله اغفر لنا و خليك راضي عنا .. و احنا لا راضيين نغفر لغيرنا و لا احنا راضيين عنهم مهما حاولوا  .. و مرات بنقوله ادينا فرصة تانية .. و احنا مش عايزين نسيب لناس تانية فرصة تانية .. مرات بنقوله اخلق فينا امور و احداث جديدة ..  و احنا بنتعامل مع الناس على ان الرب مش بيغيرهم .. و مش بيخلق امور جديدة فيهم .. عايز تستمتع بصفات الرب .. احترمه .. 👉 و احترامك له بيبان مع اخوك ..

 اعطانا اغلى ما لديه .. قلبه .. احبنا بكل قلبه .. 😭😭😭 ولولا كدة كنا في ضياع رهيب حقيقي العالم مفتقد يشوف فينا درجة المحبة دي 😭😭😭 يا ترى احنا فعلا بنحب بعض كدة ؟  يارب لسة محتاجين تشدنا كلنا للعمق ..  انا اول واحد محتاج ادخل لشفائك .. 🙇🏻‍♂️ 😭 يارب نفسي يتصور المسيح فينا .. اللي يتعامل معانا يشعر بإن المسيح حاضر فينا .. احيانا بحس ان ما فيش حاجة اهم من اننا نكون في شفاء و المسيح فينا .. اهم حتى من اي تجمع ..🙇🏻‍♂️ هل احنا فعلا شايفين و بندوق بشكل مستمر المحبة دي .. هل احنا بنغفر لبعض و بنقبل بعض حتى الشفا  ..عيلتك يارب اللي مختلفة عن العالم اللي فيها قبول رهيب و شفاء مستمر انا عايز عيلتك يارب انت شغال فينا .. بنخضع يارب ..  لانك عينك على قلوبنا ..  انت كمان بتدور على عيلتك .. اعمل فينا معجزتك يارب .. نبقى شخصيات جديدة و نبدأ حياة جديدة و ازمنتنا تتغير .. تعالى اعمل امور برة حدودنا ننسكب عند رجليك يارب .. زي ما المرأة المخطئة وقعت عند رجليك و بكت .. احنا في عوز لمجدك .. لغطائك .. لأزمنتك .. مش ازمنة تشبه اللي بيصنعه العالم لا ازمنتك انت يحاصرنا الرب ...

 اللي يدخل في عمق اكبر في علاقته مع الرب .. ها تفيض نار الروح في محبته .. و هناك كل ما يدخل للعمق ها يكتشف ان الرب يقدر يغفر له كل حاجة ..  لان الرب محبته و قبوله بلا حدود ..  القرار اخده الرب بنفسه انه يغفر ..  لان اللي بيغفر قليل .. بيسيب اوجاع كتير في نفوس المخطئين .. و تضعف المحبة بسبب كثرة اللوم و الادانة ..  الرب يعطينا نكون شبهه لكي تنموا مملكته و تمتد من خلالنا .. الابن الضال كان في مرارة و جهل و نجاسة و عار .. لكن محبة الاب كانت كاملة من جهته .. لم يتنازل عنه .. مازال ابنه .. و مازال يرى فيه الجمال وسط كل هذا القبح .. امين يصنع الرب احسانه معنا .. يصنع الرب بدايات و ازمنة جديدة تماماً ..  اؤمن اؤمن اؤمن ..

  مزمور ١١ .. عَلَى الرَّبِّ تَوَكَّلْتُ. كَيْفَ تَقُولُونَ لِنَفْسِي: "اهْرُبُوا إِلَى جِبَالِكُمْ كَعُصْفُورٍ؟ ٢لأَنَّهُ هُوَذَا الأَشْرَارُ يَمُدُّونَ الْقَوْسَ. فَوَّقُوا السَّهْمَ فِي الْوَتَرِ لِيَرْمُوا فِي الدُّجَى مُسْتَقِيمِي الْقُلُوبِ. ٣إِذَا انْقَلَبَتِ الأَعْمِدَةُ، فَالصِّدِّيقُ مَاذَا يَفْعَلُ؟ " ٤اَلرَّبُّ فِي هَيْكَلِ قُدْسِهِ. الرَّبُّ فِي السَّمَاءِ كُرْسِيُّهُ. عَيْنَاهُ تَنْظُرَانِ. أَجْفَانُهُ تَمْتَحِنُ بَنِي آدَمَ. ٥الرَّبُّ يَمْتَحِنُ الْصِّدِّيقَ، أَمَّا الشِّرِّيرُ وَمُحِبُّ الظُّلْمِ فَتُبْغِضُهُ نَفْسُهُ. ٦يُمْطِرُ عَلَى الأَشْرَارِ فِخَاخًا، نَارًا وَكِبْرِيتًا، وَرِيحَ السَّمُومِ نَصِيبَ كَأْسِهِمْ. ٧لأَنَّ الرَّبَّ عَادِلٌ وَيُحِبُّ الْعَدْلَ. الْمُسْتَقِيمُ يُبْصِرُ وَجْهَهُ.

 خلال الوقت اللي جاي ها كون بصلي بالاية دي 👇 "إِذْ صِرْتَ عَزِيزًا فِي عَيْنَيَّ مُكَرَّمًا، وَأَنَا قَدْ أَحْبَبْتُكَ. أُعْطِي أُنَاسًا عِوَضَكَ وَشُعُوبًا عِوَضَ نَفْسِكَ." (إشعياء 43: 4). نعم اؤمن ان الرب إلهنا يميز تقيه .. نعم هو عادل و حق للابد .. 🙇🏻‍♂️

  المسيح جيه من اجلك و وقف امامك و خاطب قلبك و شفا كيانك .. معجزتك جواكي .. انتي باقيتي واحدة جديدة .. اوعي كلامهم الشرير في الرايحة و الجاية يقنعك انك ملكية للشيطان .. لا .. ده كذب .. دول قتّالين و بيكرهوا الحياة .. تماماً كأبيهم الشرير .. كملي في طريق خلاصك .. لا تنظري للخلف .. لم تعودي تنتمي لسادوم .. يا سامرية لا تصدقيهم .. 🙏

 لكل شخص كان في عار و الرب اطلقه .. المرأة التي اُمسَكَت في ذات الفعل .. و السامرية و مجنون كورة الجدريين و بنت المرأة الفينيقية المجنونة جداً و العشرة البرص و اللي قرب يبقى ميت بين اورشليم و اريحا و الرجل الاعمى .. و ناس كتير اوي .. كل واحد فيهم .. ما كانش له حرية الاختيار الكاملة في حياته القديمة .. قيود رهيبة مفروضة عليه و تشويه و تدمير من قبل حتى ما يقرر قرار او يعرف يعني ايه قرار .. و في منهم اللي من كتر التدمير .. ما كانش عارف مشكلته و لا واعي لها .. و لو كان واعي كان بيهرب من اسوء لأسوء لانه مش عارف يحلها ازاي .. و في الوقت اللي الناس دول في قمة العار و المعاناة .. كان فيه مجموعة لابسي اقنعة التقوى .. بيبصوا عليهم بإحتقار و تقييم .. و يقولوا دول ناس مرفوضين و لازم يترموا بعيد في عزلة او يترجموا .. للاسف الجماعة دول كانوا معلمين و لاويين و كهنة و فريسيين .. وللاسف لو كانوا اختبروا خلاص حقيقي كانوا ادركوا انهم كانوا شبهك بالظبط و الرب انقذهم .. 😭😭 و جيه المسيح مش من اجل لابسي اقنعة التقوى .. لكن من اجل اللي في عار حقيقي و محتاجين له .. و مجاش من اجل اللي فالحين يحكموا وبس .....

 و انت ماشي مع الرب .. ها تتغير و ها تبقى شبهه .. وقتها فقط ها تدرك ان في ازمنة انت كنت فيها في جهالة شديدة و سببت ليك خسائر فادحة .. و انت لا كنت مميز الجهالة و لا كنت مميز الخسائر .. اشكر الرب انه شفى كيانك حتى لو فيه نتائج لجهالتك مازالت لم يتم اصلاحها و ربما لن يتم اصلاحها .. مرة بقول للرب ..ازاي يارب تسيبني ادخل الاحداث بجهالة .. كان رد الرب غريب و حاسم .. " انت كنت في ظلامك و انا جيت انتشلتك " .. ساعتها سكت و فهمت .. من مراحم الرب انه اتقابل معانا في ازمنة ظلامنا و ما كوناش نصلح لأي حاجة .. لكنه عارف قيمتنا و ما سابناش ابداً .. و لا مشي بحكم الاخرين .. إله ليس مثله للابد .. وفعلاً شكراً يارب للابد ..

  امبارح كنت بصلي .. لكي يعبر الرب بنا من الضيق الى الرحب .. و كانت قدامي الاية دي .. 👇 إشعياء ٦٣ : ٩ فِي كُلِّ ضِيقِهِمْ تَضَايَقَ .. وشوفت في روحي الرب و هو قاعد مع كل شخص متضايق و لجأ له .. وكان الرب مادد ايده في لهفة كأنه منتظر يحضن اللي جاي له .. كان بياخد كل الضيق في حضنه .. و ملامح بتتغير و كأنه بيحزن بأحزاننا بيحس بينا جداً .. وكان بيكمل بإبتسامة و يعطي مكانه راحة و تعافي و شفاء .. فرحت بالمشهد ده .. لان إلهنا مش بيتفرج علينا بسلبية .. لكنه بيجدد اعماقنا من كل تلف .. هو مصمم يشفينا و يخرجنا الى الرحب و النور .. اه بنتألم جداً .. لكننا مش لوحدنا .. هو ها يكون بيعبر بينا للابد .. مجداً مجداً مجداً 🙇🏻‍♂️💥

 امبارح كنت مُجهَد جداً .. و كنت بقول للرب يارب دي حرب بتستهلكني جداً جداً و انا خايف ما اقدرش اواصل .. وشوفت في روحي .. شخص ماشي ضد التيار .. في صحراء مليانة عواصف وتراب .. بصعوبة تشوفه .. و كان من بعيد خالص فيه كائن بيخرج انفاس موت مدمرة هي دي العواصف .. كانت قوية جداً و مظلمة و بتموت اي شيء يقابلها .. لكني شوفت نقطة نور في اعماق هذا الشخص في داخل قلبه .. لم تكن تنطفيء ابداً .. و كان بيكمل المسير ضد العواصف رغم ألم و اعياء .. لكنه كان بيكمل و بيتشفي و يقوم تاني .. و سمعت صوت الرب في كياني .. 👇 " رياح الموت .. لن تميتك .. لاني انا في اعماقك .. انا لا اموت .. انا اكون حياتك " .. اؤمن يارب انك احببتنا و ها تكمل بينا للابد .. مجداً مجداً مجداً .. ❤️🙇🏻‍♂️💥

 لكل شخص بيواجه هجر او اقصاء او ابعاد بسبب الظلم .. الرب جايلك مخصوص و بمراحمه العظيمة ها يضمك وها يجمعك بمحفله .. وها يديلك من كرامته .. واللي اهانوك ها يشوفوك بوضوح جداً و انت بتمتلىء بمشيئة الرب وبمجده .. اشعياء ٥٤ .. ٦ لأَنَّهُ كَامْرَأَةٍ مَهْجُورَةٍ وَمَحْزُونَةِ الرُّوحِ دَعَاكِ الرَّبُّ، وَكَزَوْجَةِ الصِّبَا إِذَا رُذِلَتْ، قَالَ إِلهُكِ. ٧لُحَيْظَةً تَرَكْتُكِ، وَبِمَرَاحِمَ عَظِيمَةٍ سَأَجْمَعُكِ. مجداً مجداً مجداً 💥🙇🏻‍♂‍

  فى مرة كانت فى حرب شديدة اوي على حد وكنت بصلي معاه .. وبقول للرب نصلي فى انهي اتجاه يارب دي حرب شديدة اوي ..؟؟!! لاقيت الرب بيقولي .. " صلي اطلب مراحمي الكثيرة ".. استغربت جدا جدا جدا .. وعملت كدة .. لكني كالعادة بحب ادور واتعلم من الرب .. فروحت ادور .. اكتشفت ان الرب عنده سلاح رهيب ومتجدد وإبليس بيترعب منه .. سلاح المراحم الكثيرة العظيمة .. والمزامير واشعياء اتكلموا كتير عنها .. هلليلويا ... رحمته جديدة ومتجددة .. سلاح لا ينتهي .. خارج من اعماقه اللي مليانة محبة وخير تجاهنا .. لما تلاقوا الحرب شديدة .. بصوا عليه هو واستمتعوا بمحبته .. وقولوا له .. اسكب يارب مراحمك الكثيرة .. ساعتها ابليس ها يصوت وينوح يا تلفي يا تلفي .. هلليلويا ابو المراحم وإله كل رأفة سينتصر لنا ونعم سينصفنا سريعا .. 🙇🏻‍♂‍💥💥💥

 لكل شخص حاسس انه لوحده ضد تحديات كتير ولا معين ظاهر في الافق .. إرميا ٣١ : ٣ تَرَاءَى لِي الرَّبُّ مِنْ بَعِيدٍ: "وَمَحَبَّةً أَبَدِيَّةً أَحْبَبْتُكِ، مِنْ أَجْلِ ذلِكَ أَدَمْتُ لَكِ الرَّحْمَةَ. الرب شايفك بشكل واضح حتى لو انت مش شايفه .. و هو بنفسه اللي بيقرب منك علشان يعينك .. ويأكد لك في كل لحظة انه بيحبك محبة ها تقدر تحيطك وتحميك للابد .. ومراحمه تجاهك لن تنتهي ابداً .. يا باختنا بميراثنا .. نصيبي هو الرب قالت نفسي .. 🙇🏻‍♂‍

 يوحنا .. عنده ارتكازات هامة جداً بيبني حواليها بنية ادراكه الروحي جوة الملكوت .. في الجزء ده .. بيرتكز حوالين .. الشراكة في الطبيعة مع الرب .. لنا نفس توجهاته .. من جهة رفض الاشتراك في الخطية و التشوه بها ..  لنا نفس فكره .. من جهة وصاياه و الاستمرار في مسار المسيح كمثال حقيقي واضح ..  لنا نفس اعماله .. الثمار تظهر في محبتنا المستمرة لبعض ..  لنا نفس محضره الممتلىء بالنور بلا خزي في تشوه الظلام ..  لم نعد في الظلام .. لنا نور واضح في الابن و لنا مسحة فائقة في الروح ..  لا سلطان لشهوة الشرير و لا قوة لكذبه المضلل ..  مجدا للرب 🙇🏻‍♂️💥

 يوحنا بيعرض شكل الحرب على الارض ..  تحتاج تمييز روحي من خلال ما نسمعه و نلمسه و نراه و نقرأه في المسيح و كلمته ..  وقتها سندرك في انوار الرب .. ان اعمالنا تسلك في نوره ..  و هذه هي الشراكة التي ستنمو و ستمتد للابد ..  لكن العدو يلقي علينا سهام و غيوم الظلام في طريق دعوتنا .. لكن الرب اوجد الحل .. دم يسوع المسيح هو الحل و سيطهر اعماقنا من سموم الحية ..  ان اعترفنا بشكل واضح اننا في احتياج لقوة الرب لنكمل الطريق معه .. سيعمل الابن بنشاط سيفتدينا دائما بدمه .. و سيقيمنا بروحه ..  مجدا مجدا للرب احنا مع إله امين جدا 🙇🏻‍♂️💥

 اشكرك يا إلهنا من اجل نارك التي تحل فينا .. انفاسك ترعب الظلام .. لانها انفاس حياة لا تنتهي ..  لتكن انفاسك ( روح في مرادفاتها يعني رياح و حركة و طاقة )  متحركة في اعماقنا  ..  انت تصنع فينا حياة و احداث لا تنتمي للموت بل تقاومه و تغلبه ..  نار محبتك .. تأتي على العظام و تفتقدها .. لتكن جيشك العظيم للابد .. قوانين البُطلِ انت تكسرها .. لانك عادل وحق .. لا يسري علينا قانون للموت .. لانك انت حياتنا و قانوننا .. تثمر أشجارنا لاننا في داخل هيكلك .. احنا خاضعين جوة هيكلك

 خضوع المسيح كإبن لإجتياز الالم من اجل مشيئة الرب الصالحة .. جعله منتصر و بين العظماء .. و ده تشبيه مجازي ..  ان ابليس كان متصور انه ها ينهي المسيح بالالم و الموت .. و كأنه منهزم  .. لكن المسيح ارتفع بنصرة كالعظماء ..  اللذين لم يكن ابليس مثلهم انهم في مجد العلي .. الرب يعطينا معونة لنجتاز الالم ..و نرى المجد بين العظماء امام وجهه ..

مجدا مجدا مجدا كل اللي ل ابراهيم اصبح لنا في المسيح  .. كل الصداقة و القرب بالرب بقى جوانا و فينا بالروح .. كل البركات للاتساع رغم المعوقات باقت لنا في المسيح .. ها نكون بركة ها نكون بنتسع ..  مجد الرب ها يكون بيغطينا لأجيال .. اؤمن ان هبات الرب بلا ندامة .. هو اعطى الكل لإبنه و فيه ننال الكل نعم نصيب لا يفنى و لا يتدنس و لا يضمحل ..

 اؤمن ان الرب دعوته الواضحة لنا .. ان لا نعيش داخل فكر الظلام المعتم ..  بل ندخل في فيض انواره ..  و نرى كل الامور بوضوح و شفاء  ..  و نرى بعضنا بوحدة الجسد الذي يشعر و يميز ..  فالقلب يدرك الكلى و الكلي تدرك الكبد ..  الكل منسجم .. بصدق يارب ان غمر ينادي غمر يخرج من عرشك على هذا الجسد .. فنغتسل و نسمن و نقوى و نلتصق ..  نكون جسد رأسه المسيح جسد قوي وصحيح و كامل و يستوعب اعضاء جديدة .. جسد ينمو  .. اؤمن اؤمن اؤمن .. نارك تصهرنا نكون كيان واحد امامك .. يوحنا ١٧ : ٢١ لِيَكُونَ الْجَمِيعُ وَاحِدًا، كَمَا أَنَّكَ أَنْتَ أَيُّهَا الآبُ فِيَّ وَأَنَا فِيكَ، لِيَكُونُوا هُمْ أَيْضًا وَاحِدًا فِينَا، لِيُؤْمِنَ الْعَالَمُ أَنَّكَ أَرْسَلْتَنِي. استجب ايها الاب .. 🙇🏻‍♂️🔥💝

 ظلمة هذا الدهر هي القوة الفعالة التي تقود و تتحكم كل من يعيشون داخل ذاتهم ..  الشيطان و اجناده لم يثبتوا في الحق .. لان مجدهم كان المتحكم فيهم .. و ليس مجد الرب كقاضي عادل له قوانينه و حكمه ..  و لذلك كل خامة الاسلحة الروحية هي الحق .. فالحق هو نور الرب امام الظلمة .. الحق هو القوة التي تصنع كل الاسلحة .. الحق هو كلمة الرب إلهنا و خلاصه .. 📖🔥💥

 بولس الرسول بيضع دائماً صورة الملكوت السوي اللي مركزه الحق الصادر من كرسي الرب ..  لان الحية القديمة اي الشيطان .. سعى الى تقليد نموذج كما في السماء .. لكنه لم ينجح .. و صنع نموذج كما في الجحيم .. افقد الاسرة تماسكها و جعل الانسان بلا جنس محدد و لا اسرة محددة و لا هوية و لا هدف .. بشعر ان اللي بيعمله بولس ضرورة في الزمن الحالي .. ان نقيس على صورة ملكوت الرب لا على صورة ما يحدث في العالم ..

  لكل شخص بيصلي من اجل عمل الرب من جهة افراد عائلته او خدمته او مواعيد الرب .. لا تتوقع ان تسير الامور بهدوء .. المقاوم و المعاند هو شخص حقيقي .. و سيظهر على الطريق .. بأحداث قد تجعلك تتصور ان الرب نسى قصتك تماماً .. و ان اللي بتصلي علشانه بيزداد خراباً .. !!! وكأن مرثا و مريم منتظرين الرب لشفاء اخوهم .. لكن العكس بيحصل ده اتدهورت حالته و مات و تم دفنه .. و تعفن .. وفارقت روحه محيط منطقة موته ( بحسب فكر بعض اليهود ) .. الوضع بقى اسوء .. ده احنا كنا بنصلي .. !!! طيب لو ما كناش بنصلي كان حصل ايه ؟؟!! لانك بتصلي صلاة حقيقية و الرب يراها .. ستجد الحرب هائلة لإفناء ايمانك و تعطيل المعجزة .. بإسم المسيح الحي .. لا يفنى ايمان احد من منتظريه .. نعم سيأتي مسيحنا و يخرج الميت من القبر .. لان هذا هو نصيب انتظارنا له و لن يكون الا قيامة لميتنا .. اؤمن اؤمن اؤمن .. نعم تريه خلاصك .. 🙇🏻‍♂️💥

  امبارح قبل ما انام .. شوفت مشهد بسيط خالص لكنه بيشجع اوى اوى ..🙇 شوفت بنت واقف لابسة فستان يبان قديم متمزق شوية ... البنت كان شكل يبان كأنها طالعة من البرية وجهها لونه قمحى غامق ومليان عرق ودهون من كتر الشمس .. وشعرها متغطى برمال الصحراء .. كانت نحيلة جدا وتبان ضعيفة ومنهكة جسديا .. وجسدها فيه شوية جروح نتيجة وقوع او خبطات .. لكن رغم كل ده .. ملامح وجهها كانت من اكتر الملامح الهادئة واللى مليانة سلام اللى شوفتها فى حياتى ..ووجهها كأنه فيه نور اعلان وراحة عجيب .. وعيونها رغم الرمال اللى عليهم كانوا مليانين قوة وكأنهم يقدروا يمشوا فى الصحرا للابد .. !! وشوفت ابليس ( او رجل من خدام ابليس ) .. ظهر وسط عواصف الرمال .. فى شكل رجل عملاق مليان عضلات ومغطى وجهه .. ووقف قدامها .. وبدأ زى الملاكم .. يضربها بقوة فى منطقة كتفها .. كانت هزيلة وعظام كتفها واضحة .. ضرباته كانت قوية جدا جدا .. انا قولت دى ها تنهار او ها تقع على الارض .. او ها تبكى .. لكن ده محصلش .. !! ولكن حصل مشهد غريب جدا .. كل ضربة فى كتفها كانت بيخرج من مكانها ورود جميلة اوى بتنمو بهدوء وبتكبر .. كل مرة بيضربها كانت بتخرج م...

  احد سمات حرب العدو في هذا الزمن .. هي توجيه اذى شديد لأقرب اشخاص للمدعوين و الخاضعين للرب .. يعني يجي ل ام يحاربها في ابناءها .. يجي في زوجين يحاربهم بتدمير .. يجي لشخص هام جداً عندك و يضربه في النفس او الجسد او يحاصره بهجمات روحية .. من سنين اتكلمت عن الجزء ده .. وقولت اني مدرك روحياً ان حروب العدو لتدمير و افناء ايمان المختارين .. لان الرب عايز يجاوبهم بمجد عظيم .. و ان الضرب ده من قوته .. بيشعروا انهم بيموتوا خلاص قبل المواعيد .. او بيتم اهانتهم كإنهم بلا إله .. !! دي حرب حالية .. اثبتوا امام الرب لانكم جيش الجبابرة .. و الرب بكم سيسحق امم وشعوب للظلام .. و ميراثكم ها تاخدوه .. لن يبقى ظلف للعدو .. لان مجد الرب ها يكون عامل زي انفجار القنبلة النووية .. ها يشيل ازمنة كاملة ابليس اجتهد فيها للتعطيل .. و ها يخليها مش موجودة .. فجأة مش ها يبقى فيه غير مجد و بس .. نعم اؤمن المسيح صلى لكي لا يفنى ايماننا امام الحروب .. اؤمن اؤمن اؤمن .. و لاني اؤمن سأرى العجائب .. هلليلويا .. 🙇🏻‍♂️💥

 لكل شخص خاضع و امين و تحت حرب مدمرة .. من شوية كنت بصلي علشان ظروف صعبة .. و بقول " يارب الحرب دي شديدة جداً جداً و العدو قوي بيحارب بشراسة " .. لاقيت الرب بيرد في الحال " انا اجرده من قوته يصير امامك كالعدم " وشوفت جندي شيطاني واقف جسمانياً قوي جداً وعضلات .. و فجأة ملامحه بدأت تتغير كمن تصيبه الشيخوخة .. و بدأ جسمه يضمر و ملامحه تضعف و وقفته تبقى هذيلة .. افتكرت مشهد شوفته من كام يوم .. ان في بنت جاثية و كأنها بتطلب الرب في صلاتها .. و كائن شيطاني بكل غل و كراهية كان بيجيب كوباية فيها غيوم موت و حزن و مرارة و ضيق و ألم و بيحط الكوباية في فمها و بيشربها بالعافية .. و العجيب انها كانت بتكمل صلاتها و لم يظهر عليها اي ضرر .. وقتها افتكرت ان شربتم شيئاً مميتاً لا يضركم .. المشهدين بيكملوا بعض .. مهما كانت قوة العدو و احقاده .. في وجود إلهنا .. سيكون عدو كالعدم بكل محاولاته .. نعم لنا النصرة في الرب الى الابد .. مجداً مجداً مجداً 🙇🏻‍♂️💥

 الزمن الحالي و القادم .. درجات الحرب فيه ها تكون شديدة جداً .. و مش ها ينفع في الحرب دي اي شعارات روحية او تجمعات كتيرة وخلاص .. لان كل ده ها يتكسر و الناس ها تصرخ بعويل و ها يلوموا الرب .. رغم انه مازال بيتراءى بعجائب و مجد .. تحذير شديد و ليس مخيف .. العدو بدأ يكثر المذابح الشيطانية و الطقوس والعبادات الدموية .. و ده بيديله صلاحيات و قدرات اكتر على التدمير في العالم بشكل سريع .. و على مهاجمة الجميع بكثافة مدمرة .. الامر الوحيد اللي ممكن ينفع هو اجتماع الامناء و الانبياء حول ذبيحة الرب .. اجتماع اناس خاضعين تماماً للرب حتى لو العالم ما يعرفهومش او دعوتهم انهم ما يبقوش في شهرة .. مملوئين من الروح القدس و لديهم مسحاته في اعماقهم .. اذا وجدتهم .. اجتمع بهم فوراً سراً او علناً .. لكل شخص امين امام الرب صلي و اطلب ان يجمع الرب عظامك بعظام جسده الروحي القوي .. ولكل شخص بيسعى انه يعمل تجمعات و خلاص .. من فضلك ما تعملش كدة .. و اقعد امام الرب و انتظر توجيهه .. لكي لا تنهزم من شراسة الظلال .. امين الرب يفتح عيوننا و نخضع له .. لان الوقت مقصر ..

  الصبح كنت بصلي من اجل اشخاص في حرب شديدة جداً .. وشوفت انسان راكع على ركبتيه ووجه للارض وبيصلي ببكاء ونواح بفيض دموع وصراخ شديد وتضرع امام الرب .. ما كونتش عارف اسمع صوت دموعه او كلامه .. من كتر الضجيج اللي كان بيحيط بيه .. الضجيج ده كان صوت كائنات اجسامهم كالاسود ووجههم كالتنانين وكانوا بأعداد كثيفة شوفتهم من بعيد كأنهم اعصار مياه من المحيط .. عدد هائل ومدمر .. لكن الشخص ده كانوا مش عارفين يوصلوا له كأنه جوة دائرة او حاجز غير مرئي .. هو رفع عينه وشافهم لكنه كمل صلاة وما خفش .. فعرفت انه مش بيصلي علشان يطلب حماية ده بيبكي لانه مستمتع جداً بالرب والرب شغال فيه لشفاءه .. وانا ببص عليه عرفت هما مش عارفين يقربوا منه ليه ؟؟ المسيح بنفسه كان واقف جنبه ورافع ايده لهم كعلامة لتحذيرهم ان الشخص ده وما يحيط بيه تحت حمايته ويخصه .. من بعيد شوفت ايد المسيح المرفوعة شكلها بقى زي سيف لهيب ناره حارقة جداً جداً جداً .. كانوا عاملين دايرة حوالين الشخص وبيصرّوا على اسنانهم .. لكنهم كانوا مرعوبين ولا واحد منهم خطة خطوة زيادة رغم كثرة ازدحامهم وتدفقهم .. !! من بعيد شوفتهم عدد مهول .. وبرضه كان في دوا...

 بوست بيبكت وبيفحص .. الكل بما فيهم انا .. !! 🤔 من بعيد وانت باصص على الرسول بولس .. تقول ازاي قَبِلَ الايمان وبقى بيتعرف علي المسيح .. وما نزلش يقابل الرسل غير بعد ٣ سنين .. !! وممكن تقول من بعيد .. ده عنده ذات لانه كان اعمق منهم في معرفة الشريعة والعهد القديم ده تلميذ اعظم معلم يهودي غمالائيل .. وممكن تقول عنده احساس انه افضل ده راجل فيلسوف وعلاقاته كانت عملاقة وجنسيته رومانية اعلى جنسية في زمنه .. وهما بسطاء وعبرانيين الجنسية .. الاجابة .. مش كل انعزل على جنب يبقى مغرور .. !! عمرك سمعت عن انه ينبغي ان يطاع الرب اكثر من الناس .. ؟!! 🤔 بولس قاعد بيتعرف على الرب وبيختبر اختبارات حقيقية وبيتغير وبيتنقل في الروح وبيتعد لخدمة شعوب .. وانت قاعد بتقضي بفكر شياطين .. وفاكر انك لك الحكم العادل مثل الرب .. !! 😭

  من شوية شوفت .. الرب بيخرج بإيده اشخاص من الفخ او الشبكة .. لكني شوفت مشاهد غريبة جوة الشبكة دي .. شوفت ناس بيحاولوا يخرجوا ايديهم او رجليهم من الشبكة وكانوا بيتفتح فيهم فتحات .. كان الجلد بيتفتح بسكين .. جروح عميقة جداً .. ونزيف رهيب .. لا يمكن الخروج من هذه الشبكة ابداً .. وشوفت جوة الشبكة وحوش اسود ونمور .. بيهجموا على الناس وبيلتهموا منهم .. ساعتها افتكرت طريقة تعذيب رومانية كانوا بيرموا الناس مع الوحوش في اقفاص .. ساعتها فهمت ان كل شخص جوة الشبكة دي مستحيل يخرج وكمان ها  يبقى محبوس مع وحوش .. في شغل في بيت في مكان ما .. وهما بيلتهموا منه .. اهو الرب انقذنا من كل ده .. ايوة اخرج ارجلنا من الشبكة .. وكسر الفخ .. شوفت ايد الرب فيها جروح ونزيف .. عرفت ان المسيح تألم وتحمل ألم اخراجنا من الشبكة اللي كان زي السكين اللي بيقطع الجلد .. لقد افتدانا الرب بنفسه .. اللي اتعمل علشاننا لا يمكن تقديره بأي ثمن .. شكراً ليك يارب .. 🙇🏻‍♂‍🙇🏻‍♂‍❤‍❤‍

  _____ ____________________ _   سفر الجامعة  الاصحاح 1  _________________ _  1 كلام الجامعة ابن داود الملك في أورشليم: 2 باطل الأباطيل، قال الجامعة: باطل الأباطيل، الكل باطل. 3 ما الفائدة للإنسان من كل تعبه الذي يتعبه تحت الشمس؟ 4 دور يمضي ودور يجيء، والأرض قائمة إلى الأبد. 5 والشمس تشرق، والشمس تغرب، وتسرع إلى موضعها حيث تشرق. 6 الريح تذهب إلى الجنوب، وتدور إلى الشمال. تذهب دائرة دورانا، وإلى مداراتها ترجع الريح. 7 كل الأنهار تجري إلى البحر، والبحر ليس بملآن. إلى المكان الذي جرت منه الأنهار إلى هناك تذهب راجعة. 8 كل الكلام يقصر. لا يستطيع الإنسان أن يخبر بالكل. العين لا تشبع من النظر، والأذن لا تمتلئ من السمع. 9 ما كان فهو ما يكون، والذي صنع فهو الذي يصنع، فليس تحت الشمس جديد. 10 إن وجد شيء يقال عنه: «انظر. هذا جديد!» فهو منذ زمان كان في الدهور التي كانت قبلنا. 11 ليس ذكر للأولين. والآخرون أيضا الذين سيكونون، لا يكون لهم ذكر عند الذين يكونون بعدهم. 12 أنا الجامعة كنت ملكا على إسرائيل في أورشليم. 13 ووجهت قلبي للسؤال والتفتيش بالحكمة عن كل ما عمل تح...