Elohiym Image .. مقالات طويلة ..

 " الْمُعَلِّمُ قَدْ حَضَرَ، وَهُوَ يَدْعُوكِ ". يوحنا ١١ : ٢٨ 🙇🏻‍♂️ دعوة الرب الخاصة لكل شخص هي الخضوع للْمُعَلِّمُ اي للمسيح لنتغير الى صورته  .. مهما كانت حالتك السيئة .. المسيح اتي إليك ليخلصك .. اقبل دعوته ومبادرته إليك .. لا تيأس ولا تجلس منهاراً في مرارة وخزي .. لان المسيح بداخله معجزتك .. نعم هو سيغير كل شيء .. هلليلويا .. يصنع اموراً جديدة .. الان تنبت .. 🙏🙏

 سمة من سمات نشاط المملكة الشيطانية .. انها تقوم بتعذيب كل من فيها .. !! والتعذيب مش شرط ألم .. لكنه كمان فقد للراحة .. يعني تفقد راحتك .. تفقد راحتك اللي من الرب .. تفقد سعادتك بشخصيتك وظروف حياتك .. وتفقد رؤية الرب اللي شغال فيهم وجواهم بنشاط .. وده هدف شاطر فيه اوي روح الانتقاد .. لانه بيخليك تكره نفسك وكل حاجة حواليك .. وممكن زواجك او شغلك او  او او .. ويبدل ويشوه نظرتك السعيدة بكل حاجة حصلت معاك من الرب .. وكدة يبقى بيحقق هدف مملكته انه يعذبك .. احذروا من هذه الثعالب .. و دي واحدة من انواع كتير تفسد الكروم الجميلة .. الرب يسلبهم احتجابهم عنكم .. وتشفوهم وتسحقوهم بإسم الرب .. امين .. 🙏🙏

 النهاردة طول اليوم ها كون بصلي بالاية دي 👇 إشعياء ٦٠ : ٢٢ اَلصَّغِيرُ يَصِيرُ أَلْفًا وَالْحَقِيرُ أُمَّةً قَوِيَّةً. أَنَا الرَّبُّ فِي وَقْتِهِ أُسْرِعُ بِهِ". 💥 عندما يضغ ايل شدايّ  قوته وبركاته .. تنشأ عجول الصيرة .. ومناطق الضعف تصير فائضة بالقوة .. نعم عاخور لابد ان ينفتح فيه باب رجاء لمعاينة مجد الرب الفائق .. نعم ارض حياتنا ستعطي كل قوتها .. وستولد فيها ازمنة لمجد الرب ..  🙇🏻‍♂️

 عدد كبير بيوصيني اني اصلي علشانه .. على فكرة بعمل كدة .. وينفع تتفك القيود و تخرج ارواح شريرة و تتقطع شباك ابليس  .. من غير ما اكلمك بالتليفون و من غير ما اكتب ليك و من غير ما اقابلك ..  و من غير ما اتابعك .. لان القصة كلها في إلهنا .. بمجرد ما بنضع قلوبنا امامه .. بتصير القصة قصته .. وبيعمل بروحه بنشاط وقوة هائلة .. و لا يحتاج معين له .. و لا يحتاج من يكرر الكلام باطلاً .. فشكراً للمسيح اللي بيزور البعيدين بنفسه و يحضرهم الى نوره العجيب .. 🙇🏻‍♂️💥

 في مرة كنت بصلي .. وبقول يارب انا عايز ملكوتك يمتد .. لاقيت الرب بيرد في روحي بوضوح .. " و انت بتكلمني و انا بكلمك .. الملكوت بيمتد " ساعتها فهمت قيمة صلواتنا وعبادتنا للرب .. طول ما احنا واثقين فيه وبنكلمه وبنعبده بخضوع القلب .. وهو بيتكلم لنا .. رعب ها يقع على ممالك الظلام .. لان تشريعات الرب فينا بتمد انوار الرب لملايين الاميال .. نعم الملكوت يتسع بجلستنا معك يا سيد .. مجداً مجداً مجداً 💥🙇🏻‍♂️

 المزامير ١٤٥ : ٨ اَلرَّبُّ حَنَّانٌ وَرَحِيمٌ اول مرة اشوف الاية دى كدة .. لازم كل واحد فينا يبقى مليان ايمان وإحساس بالامان والسلام .. لان لنا إله هويته حنان ورحيم .. يعنى كل تعاملاته معانا سواء فاهمنها او لسة بنفهمها .. لازم ها تكون تعاملات مليانة بحنانه ورحمته .. هلليلويا 💪💪

 البشر يحبون الظلمة اكثر من النور .. لان الظلمة لا تكشف امام نفوسهم حجم الدمار الذي تسببه اعمالهم الشريرة .. لقد اختاروا ان يعيشوا كما الشياطين بأعمال مدمرة دون ان يحاسبوا نفسهم عليها في انوار الحق الخارج من عرش الرب .. !! عالم احب ان يستقر في اعماق الشرير .. لذلك سيهلك مع الشرير للابد .. 😭 يوحنا ٣ : ١٩ وَهذِهِ هِيَ الدَّيْنُونَةُ: إِنَّ النُّورَ قَدْ جَاءَ إِلَى الْعَالَمِ، وَأَحَبَّ النَّاسُ الظُّلْمَةَ أَكْثَرَ مِنَ النُّورِ، لأَنَّ أَعْمَالَهُمْ كَانَتْ شِرِّيرَةً.

 انا شايف ان فيه تيار ماشي اوي حالياً بيعتبر ان تحكيم العقل والمنطق هما الاكثر رجاحة ومصداقية .. وبالتالي مع الوقت .. بتلاقيهم بيوصفوا المعجزة على انها حدث فائق عمله الرب زمان من خلال الانبياء .. فبتشعر ان المعجزة بعيدة عنك تماماً .. و بتشعر ان اللي بيختبر معجزة حالياً هو شخص حصلت معاه صدفة او بيكذب او ابليس بعتله نبي كاذب شفاه .. !! عملتم ايه في الناس .. ؟؟!! الناس زعلانين من الرب بسببكم .. حسستوهم ان الرب خاص بزمن قديم وزمنهم ومشاكلهم ولا لها لازمة عنده .. اقنعتوهم انهم برة اي نبوات كأنهم تايهين في زمن مجهول تحكمه الشياطين .. ازاي بس ؟!!  ده المسيح روح النبوة بنفسه جيه من اجلهم .. علشان يملك على ازمنتهم .. للاسف الجزء ده من تيار العلمانية .. حبس الناس بعيد عن الرب .. و عمره ما كان قناة لقوة الرب المعجزية .. العقل عمره ما انجد الانسان .. ابداً ده دايما كان بيضلل و ويحطم الانسان .. و السلوك بالايمان هو نهج الكتاب المقدس كله .. كمان للاسف كثرة تمجيد دور العقل .. فعلاً بيسيب الذات تكبر اوي اوي اوي .. والخضوع بيقل جداً جداً جداً .. وبيغلق الحواس الروحية .. و الشخص بيعيش محبوس في ...

 عارف يعني ايه حواسك الروحية تكون مغلقة .. ؟؟!! 😭😭 يعني تدور فقط على اللي بيستحك مسامعك .. يعني بتدور على اللي بيقول كلام جميل او جديد وملفت يسبب ليك الراحة والفرح .. تدور على شخص مشهور له كارزما تجري تحضر تسمعه .. جو تصفيق و موسيقى مع ناس شيك تجري تروح .. وبرضه ترجع بيتك حزين .. وما فيش ايمان جديد دخل لروحك .. ويائس وعايش صراع وحزن من الرب الغير عادل ( اللي هو صورة غير حقيقية عن الرب ).. وتجري تاني يوم تشوف حفلة جديدة لشخص مشهور علشان تنبسط شوية صغيرين تاني .. !! لكن تعرف لو حد قرر يقول كلام بسيط بمسحة الروح .. او يقول كلام بسلطان الروح بيبين قدام عيونك أخطاء عندك علشان تتوب وتشوف الرب الحقيقي .. ها تسيبه وها تمشي .. او ها تقول بلاش ده .. ده مش بيضيف لنا  .. لا نحط علامة عليه نجيب احسن منه .. !!! ها تعيش حياتك تقول انك مكتفي وغني واستغنيت .. رغم ان واقعك الروحي عريان وجعان وعطشان .. !!! كل من يختار تمجيد ذاته دون الخضوع من القلب للرب .. ستنغلق حواسه الروحية .. اطلب الرب بكل قلبك و على فهمك وامكانياتك لا تعتمد .. 👉🙇🏻‍♂️

 عايز تعرف معنى الرعاية اللي شبه المسيح .. شوف بولس الرسول .. بيشتغل بإيده وبيتعب علشان يوفر مبلغ لمصروفاته علشان يروح لناس بعيدة يقولهم المسيح صار خلاصكم .. شوفه و هو متعرض لإضطهاد من ناس في الكنائس في زمنه و بيطلعوا عليه سمعة سيئة .. ومع ذلك بيقيم شعبهم بكلام الحق والاعلان  .. و بيصلي ويتمخض امام الرب بحزن ووجع من اجلهم .. شوفه وهو بيتعرض لألم جسدي ونفسي وحروب روحية .. و مع ذلك بيعلن الحق وبيشجع الاخرين برؤية المسيح والخضوع لروح الرب حتى وسط الالم .. عايز تعرف اكتر عن الرعاية .. الرعاية حب واحتضان رغم الالم ..