Elohiym Image .. مقالات طويلة ..

    الصبح كنت بصلي علشان شخص تألم كثيراً بحروب الشرير على قلبه و مشاعره .. و شوفت قلبه مجروح بعشرات الجروح العميقة كأنها معمولة بأداة حادة .. وكان منظر موجع جداً .. كان قلبه بيعافر كأنه بيقاوم الموت .. و سألت نفسي ازاي هو ها يقدر يكمل كدة .. ؟ لكن فجأة شوفت ايد الرب العملاقة .. حاملة دلو ممتلىء بزيت .. و الرب صب زيتاً على القلب .. و لاقيت الزيت بيملى كل الجروح برائحة عطرة و جمال و حياة .. المشهد غطاه نور و شفاء .. لدرجة اني لم استطع رؤية القلب من النور و حالة الشفاء .. ايوة بصدق ان الرب الشافي قادم ليصنع امراً جديداً و مجيداً في اعماق طالبيه .. نعم هو يشفيهم للابد .. ❤️👉💥

 رؤيا ١٨ .. القضاء .. 👉 ثُمَّ بَعْدَ هذَا رَأَيْتُ مَلاَكًا آخَرَ نَازِلاً مِنَ السَّمَاءِ، لَهُ سُلْطَانٌ عَظِيمٌ. وَاسْتَنَارَتِ الأَرْضُ مِنْ بَهَائِهِ. ٢وَصَرَخَ بِشِدَّةٍ بِصَوْتٍ عَظِيمٍ قَائِلاً:"سَقَطَتْ! سَقَطَتْ بَابِلُ الْعَظِيمَةُ! وَصَارَتْ مَسْكَنًا لِشَيَاطِينَ، وَمَحْرَسًا لِكُلِّ رُوحٍ نَجِسٍ، وَمَحْرَسًا لِكُلِّ طَائِرٍ نَجِسٍ وَمَمْقُوتٍ، ٣لأَنَّهُ مِنْ خَمْرِ غَضَبِ زِنَاهَا قَدْ شَرِبَ جَمِيعُ الأُمَمِ، وَمُلُوكُ الأَرْضِ زَنَوْا مَعَهَا، وَتُجَّارُ الأَرْضِ اسْتَغْنَوْا مِنْ وَفْرَةِ نَعِيمِهَا". ٤ثُمَّ سَمِعْتُ صَوْتًا آخَرَ مِنَ السَّمَاءِ قَائِلاً: "اخْرُجُوا مِنْهَا يَا شَعْبِي لِئَلاَّ تَشْتَرِكُوا فِي خَطَايَاهَا، وَلِئَلاَّ تَأْخُذُوا مِنْ ضَرَبَاتِهَا. ٥لأَنَّ خَطَايَاهَا لَحِقَتِ السَّمَاءَ، وَتَذَكَّرَ اللهُ آثَامَهَا. ٦جَازُوهَا كَمَا هِيَ أَيْضًا جَازَتْكُمْ، وَضَاعِفُوا لَهَا ضِعْفًا نَظِيرَ أَعْمَالِهَا. فِي الْكَأْسِ الَّتِي مَزَجَتْ فِيهَا امْزُجُوا لَهَا ضِعْفًا. ٧بِقَدْرِ مَا مَجَّدَتْ نَفْسَهَا وَتَنَعَّمَتْ، بِقَدْرِ ذلِكَ أَعْط...

 من امبارح و ان بعلن في روحي والنهاردة ها فرح مع اجناد السماويات اللي عاينوا الحدث ده .. بابل الزانية اي تدابير الشيطان ضد شعب الرب في العالم ستسقط وستنتهي .. لا تفرح ايها الشيطان .. ان رد الرب قادم بيد ملائكته الحاملين قضاءه ومجده .. هلليلويا .. 💥💥💥 رؤيا ١٨ .. اِفْرَحِي لَهَا ( من اجل فنائها اي بابل الزانية ) أَيَّتُهَا السَّمَاءُ وَالرُّسُلُ الْقِدِّيسُونَ وَالأَنْبِيَاءُ، لأَنَّ الرَّبَّ قَدْ دَانَهَا دَيْنُونَتَكُمْ". ٢١وَرَفَعَ مَلاَكٌ وَاحِدٌ قَوِيٌّ حَجَرًا كَرَحىً عَظِيمَةٍ، وَرَمَاهُ فِي الْبَحْرِ قَائِلاً:"هكَذَا بِدَفْعٍ سَتُرْمَى بَابِلُ الْمَدِينَةُ الْعَظِيمَةُ، وَلَنْ تُوجَدَ فِي مَا بَعْدُ.

 لكل شخص خدمته بسيطة وغير ظاهرة .. ابسط خدمة بتعملها و انت مدعو لها من الرب وخاضع .. بتكون مؤثرة جداً جداً جداً في ملكوت الرب .. من فترة في اشخاص كتبوا ان اللي بيخدموا على الانترنت دول في واقع افتراضي و ما يفتكروش نفسهم بيعملوا انجاز  .. او بيسخروا دعوة الرب لمصالحهم او لمجدهم .. !! خلوني اقولكم اللي بيخدم على الانترنت خدمة حقيقية بيواجه ايه  .. ؟!! اولاً .. ما حدش بيدعمه مالياً بشكل مباشر  زي حضرتك يا اللي بتقف على منبر و الناس بتشوفك و بتقرر تدعمك او ملزمة تجامل مشاركتك لهم .. او بيكون لك راتب من هيئة او نظام معين انت تابع له .. فاللي بيخدم على الانترنت بيواجه ظروف اصعب منك بكتير وقد يكون بيشتغل ساعات طويلة علشان يدخل ربع دخلك لبيته وحياته وبرضه بيخدم الرب بفرح واستمتاع ربما اكتر منك .. ثانياً .. ما حدش بيدعمه كتير نفسياً .. يعني ما فيش حواليه مجموعة من الناس فرحانين وبيصقفوا له او معاه و لا بيتصور كتير معاه  .. و لا بيتصور لايڤ او فيديوهات على منابر .. بل كل اللي بيقتربوا منه .. هما فعلاً اناس محتاجين الرب وعندهم مشاكل رهيبة وقيود اتفرضت على حياتهم من الظلمة ...

 السيد الشرير يطعم عبيده .. !! 😭 في كذبة ماشية في العالم .. ان اللي معاه امكانيات كتير .. او رآيه هو المسموع او هو اللي معروف للمجتمع .. بيبقى الرب راضي عنه .. !! للاسف لا خالص .. ده مش شرط يكون صح .. ❌ السيد الشرير .. بيبقى عايز عبيده ينفذوا كل مهامه ويفضل دايماً يسيطر بيهم على كل اللي حواليهم .. و يفرض سلطانه المدمر وروحه فيهم .. فبيأكلهم كتير وبيغرقهم حاجات ( في لغتنا بنقول معاهم خير كتير ) لكن الواقع انهم بيتغذوا من اجل ذبحهم للهلاك الابدي بعد تتميم مهامهم تحت هذا السيد القاسي الشرير  .. 😭 المزامير ٤٩ : ٢٠ إِنْسَانٌ فِي كَرَامَةٍ ( يعني شكله يبان مرتاح جداً ) وَلاَ يَفْهَمُ ( لا يدرك غاية الملكوت و قلبه غير مفتوح على الرب و غير مدرك لعبودية سيده القاسي ) يُشْبِهُ الْبَهَائِمَ الَّتِي تُبَادُ. ( هو كالبهائم التي ينميها ويغذيها صاحبها لكي يقوم بذبحها في النهاية ) آساف فهم كدة لما كان مستغرب ان في ناس مرتاحين خالص رغم شرورهم .. المزامير ٧٣ : ١٧ حَتَّى دَخَلْتُ مَقَادِسَ اللهِ، وَانْتَبَهْتُ إِلَى آخِرَتِهِمْ. الرب يفتح العيون لان الوقت مقصر أمام الكثيرين .. 🙇🏻‍♂️😭

 من كام يوم كنت بفكر في الاشرار اللي في العالم اللي مش طالبين الرب .. وشوفت ناس عايشين في ظلام و اشكالهم زي الوحوش بيهاجموا بعض ويفترسوا بعض حتى أجسامهم كانت ضخمة من كثرة الشر .. و اثناء كدة كان بيظهر من بعيد طيف نور خافت من بعيد .. و اي حد منهم كان بيسيب اللي في ايده من فريسة  ويبص على طيف النور .. كان بيتصاب للحظة بالذهول كأنه عمره ما شاف النور .. لكن للاسف في نفس اللحظة كان بيجي روح شرير شكله يشبه الغيوم .. وكان بيمسك اي حد شاف النور .. وبيحيطه تماماً  وبيسحب او يشفط كل اللي شافه من نور ويسيبه مظلم تماماً .. شوفت نهاية المشهد كأنه الابد .. حالة من الظلام المعتم اللي عمري ما شوفته في حياتي .. ظلام اعمق من الظلمة اللي قابلنها هنا .. حالة من اللاجديد مع ألم وموت ويأس وتحطم وكراهية وضيق وسجن .. هلاك لا يمكن وصفه  .. الكنيسة اي المؤمنين الحقيقيين دورهم مش بس يكونوا نور .. لكن كمان يصلوا بكثافة لفك النفوس من سلطان الظلمة .. لان العدو بيبتلعهم هما و اي فرصة في اعماقهم انهم حتى يفكروا للحظة في النور .. امين بصدق ان الرب مازال له ناس في اعماق الظلام .. وها يعرف يجيبهم في م...

 صموئيل الاول ١٥ : ٢٢ فَقَالَ صَمُوئِيلُ: "هَلْ مَسَرَّةُ الرَّبِّ بِالْمُحْرَقَاتِ وَالذَّبَائِحِ كَمَا بِاسْتِمَاعِ صَوْتِ الرَّبِّ؟!!!!! هُوَذَا الاسْتِمَاعُ أَفْضَلُ مِنَ الذَّبِيحَةِ، وَالإِصْغَاءُ أَفْضَلُ مِنْ شَحْمِ الْكِبَاشِ.  (انك تبقى منصت ومطيع للرب افضل عنده .. من انك تبقى جاي بذبيحة كويسة على مذاجك وبشروطك ومن فائض اللي أصلا عندك منه كتير  ) !!

 ازاي بنبخل على الرب .. ونرجع بعد شوية نطلب منه اكرامه .. ؟؟!! 😭 ده اسمه غش وخداع .. وللاسف الناس بيتعاملوا بيه مع الرب .. !! الرب نقي وبيحب الانقياء في التعامل .. طوبى لأنقياء القلب لانهم يعاينون الرب .. 👉 والبخل هو بخل في العلاقة مع الرب .. بخل في الوقت او اي شيء اخر .. الرب يتوب قلوبنا لكي نكون معه للابد ..  🙇🏻‍♂️